Beed News : कृषी विभागामार्फत (Agricultural Department) आयोजित करण्यात आलेल्या कृषी महोत्सवास शुक्रवारी (ता. २४) सुरवात करण्यात आली. २८ फेब्रुवारी पर्यंत महोत्सव चालणार आहे.
महाराष्ट्र शासन कृषी विभाग (Agriculture Department) व कृषी तंत्रज्ञान व्यवस्थापन यंत्रणा (आत्मा) यांच्यावतीने हा महोत्सव आयोजित केला आहे.
जिल्ह्यातील शेतकऱ्यांना तंत्रज्ञानाची माहिती मिळावी या उद्देशाने जिल्हाधिकारी दीपा मुधोळ- मुंडे व जिल्हा परिषदेचे मुख्य कार्यकारी अधिकारी अजित पवार यांच्या मार्गदर्शनाखाली कृषी विभागामार्फत जिल्हा अधीक्षक कृषी अधिकारी बाबासाहेब जेजुरकर व प्रकल्प संचालक आत्मा सुभाष साळवे यांचे सनियंत्रणाखाली छत्रपती संभाजी महाराज क्रीडांगण (मल्टीपर्पज ग्राउंड), छत्रपती शिवाजी महाराज चौक बीड येथे पाच दिवस हा महोत्सव चालणार आहे.
शुक्रवारी महोत्सवाचे उद्घाटन बीडच्या खासदार डॉ. प्रीतम मुंडे यांच्या हस्ते पार पडले. यावेळी जिल्हाधिकारी दीपा मुधोळ-मुंडे, मुख्य कार्यकारी अधिकारी अजित पवार, माजी आमदार साहेबराव दरेकर, अक्षय मुंदडा, सर्जेराव तांदळे, सलीम जहांगीर, प्रगतशील शेतकरी दिलीप गोरे, अशोक लोढा, देविदास नागरगोजे, जिल्हा अधीक्षक कृषी अधिकारी बाबासाहेब जेजुरकर, आत्माचे प्रकल्प संचालक सुभाष साळवे, जिल्हा परिषदेचे मुख्य लेखा व वित्त अधिकारी शिवप्रसाद जटाळे, जिल्हा पशुसंवर्धन अधिकारी डॉ. विजय देशमुख, समाज कल्याण सहाय्यक आयुक्त रवींद्र शिंदे यांची प्रामुख्याने उपस्थिती होती.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
