Kadaba Kutti
Kadaba Kutti Agrowon

Agriculture Subsidy : सायलेज बॅग, कडबाकुट्टीस ५० टक्के अनुदान

Kadaba Kutti Subsidy : या योजनांचा लाभ थेट हस्तांतरण पद्धतीने (डीबीटी) देण्यात येत आहे. यापूर्वी ११ विविध योजनांची अंमलबजावणी सुरू आहे.

Satara News : ‘‘जिल्हा परिषदेच्या ‘सेस’अंतर्गत वैयक्तिक लाभाच्या योजनांबरोबर जिल्हा परिषद कृषी विभागाने दुष्काळजन्य परिस्थितीत शेतकऱ्यांना मदतीचा हात दिला आहे. पशुधनाच्या कार्यक्षम वापरासाठी मुरघास साठवणुकीसाठी सायलेज बॅग व कडबाकुट्टी योजनेला जिल्हा परिषदेच्या ठराव समितीने मान्यता दिली आहे.

या दोन्ही योजना ५० टक्के अनुदानावर राबविण्यात येतील. योजनेत सहभागासाठी १५ ऑक्टोबरपर्यंत पंचायत समिती कार्यालयात अर्ज करावेत,’’ अशी माहिती जिल्हा परिषदेचे कृषी विकास अधिकारी विजय माईनकर यांनी दिली.

जिल्हा परिषदेच्या कृषी विभागाच्या वतीने जिल्हा परिषद ‘सेस’अंतर्गत वैयक्तिक लाभाच्या विविध योजनांची प्रभावी अंमलबजावणी करण्यात येत आहे.

Kadaba Kutti
Onion Subsidy : कांदा उत्पादकांना दिलासा ; सानुग्रह अनुदानाचा पहिला हप्ता वितरित

नुकतीच ड्रॉ योजनांच्या लाभार्थ्यांची निवड लॉटरी पद्धतीने केली. या योजनांचा लाभ थेट हस्तांतरण पद्धतीने (डीबीटी) देण्यात येत आहे. यापूर्वी ११ विविध योजनांची अंमलबजावणी सुरू आहे.

दुष्काळजन्य परिस्थितीवर राबविण्यात येत असलेल्या विविध योजनांबरोबरच जनावरांच्या चाऱ्यांचा कार्यक्षम वापर होण्यासाठी शेतकऱ्यांना मुरघास साठवणुकीसाठी सायलेज बॅग व कडबाकुट्टी यंत्र या दोन योजनांना मंजुरी मिळाली आहे.

Kadaba Kutti
Onion Subsidy : कांदा अनुदानातही भेदभाव? शेतकऱ्यांचे मुख्यमंत्र्यांना पत्र, लवकर निर्णय घ्या अन्यथा

जनावरांना दिल्या जाणाऱ्या चाऱ्याची गुणवत्ता वाढविण्यासाठी सायलेज बॅगची मदत होईल. खर्चात बचत होऊन पशुधनाची रोगप्रतिकारशक्ती वाढेल. दुग्ध उत्पादनात सातत्य राहून नफ्यात वाढ होईल.

या योजने अंतर्गत निवड होणाऱ्या लाभार्थ्यांना ५०० किलो ग्रॅम मुरघास साठवणूक क्षमतेच्या अधिकाधिक सहा सायलेज बॅगसाठी किमतीच्या ५० टक्के किंवा १८०० रुपये यापैकी कमी असेल इतके अनुदान दिले जाईल. कडबाकुट्टीसाठी निवड होणाऱ्या लाभार्थ्यांना २ एचपी विद्युत चलित कडबाकुट्टीसाठी (विद्युत मोटारीसह) किमतीच्या ५० टक्के किंवा १३ हजार यापैकी कमी असेल तितके अनुदान मिळेल, असे माईनकर म्हणाले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com