G- 20 Council : ‘जी- २०’परिषदेसाठी १२३ कोटींचा निधी

नागपूर ः G- 20 Council : ‘जी-२०’ परिषदेअंतर्गत बैठकीसाठी येणाऱ्या पाहुण्यांमुळे शहराचे सुशोभीकरण करण्यात येईल. त्यासाठी राज्य सरकारने (State Government) ५१ कोटी रुपये महापालिकेला दिले आहेत.

त्यानंतर आणखी ५७ कोटींची मागणी करण्यात आली होती. त्यानुसार उपमुख्यमंत्री देवेंद्र फडणवीस यांनी १२३ कोटी रुपये नागपूर महापालिकेला दिले.

नव्या वर्षात मार्चमध्ये ‘जी-२०’ परिषदेअंतर्गत नागपुरात आंतरराष्ट्रीय बैठक होईल. त्यामुळे महापालिका कामाला लागली आहे.

परदेशी पाहुणे शहरात फिरतील. त्यांचे फिरण्याचे मार्ग चकाचक करण्यात येत आहेत. चौकांचे सौंदर्यीकरण वाढविण्यासाठी लॅंडस्केपिंग, रोषणाई आदीची कामे केली जात आहेत.

पाहुण्यांचे स्वागत पारंपरिक पद्धतीने केले जाईल. या परिषदेत २० देशांचे जवळपास १३० प्रतिनिधी सहभागी होतील. नागपूर सुधार प्रन्यास, सार्वजनिक बांधकाम विभागाचे रस्ते आहेत.

या विभागालाही सौंदर्यीकरणाची जबाबदारी देण्यात आली आहे. दुरवस्था झालेल्या उद्यानांचीही दशा पलटणार आहे.

रहाटे कॉलनी या रस्त्याच्या दुतर्फा हिरवळ तयार केली जात आहे. चौकाचौकात झेब्रा क्रॉसिंग, ट्रॅफिक सिग्नलचे मार्किंग, दुरुस्ती आणि रंगकामही करण्यात येईल.