Monsoon Rain: उद्या ६ जिल्ह्यांना पावसाचा रेड अलर्ट; राज्यात पुढील ५ दिवस पावसाचा अंदाज काय ?

Rain Update : राज्यातील अनेक भागात सध्या पावसाचा जोर कमी झालेला आहे. तर काही भागात अजूनही जोरदार पाऊस झालेला नाही.
Monsoon Rain
Monsoon RainAgrowon
Published on
Updated on

Pune News : राज्यातील अनेक भागात सध्या पावसाचा जोर कमी झालेला आहे. तर काही भागात अजूनही जोरदार पाऊस झालेला नाही. हवामान विभागाने पुढील पाच दिवस राज्यातील बहुतांशी जिल्ह्यांमध्ये पावसाचा अंदाज दिला.

हवामान विभागाने आज कोकण, मध्य महाराष्ट्रातील घाटमाथा आणि पूर्व विदर्भात जोरदार पावसाचा अंदाज दिला. तर विदर्भातील उर्वरित जिल्हे आणि महाराठवाड्यातील परभणी, नांदेड आणि हिंगोली जिल्ह्यात काही ठिकाणी जोरदार पावसाचा येलो अलर्ट हवामान विभागाने दिला. मध्य महाराष्ट्र आणि मराठड्यातील इतर जिल्ह्यांमध्ये काही ठिकाणी हलक्या ते मध्यम पावसाचा अंदाज दिला.

Monsoon Rain
Rain Update : पश्‍चिम विदर्भात पावसाचा जोर झाला कमी

उद्या हवामान विभागाने राज्यातील ६ जिल्ह्यांना जोरदार ते अतिजोरदार पावसाचा रेड अलर्ट दिला. सिंधुदूर्ग, सातारा, चंद्रपूर, भंडारा, गोंदीया आणि गडचिरोली जिल्ह्यात काही ठिकाणी जोरदार ते अतिजोरदार पावसाचा रेड अलर्ट हवामान विभागाने दिला. तर कोकणातील सिंधुदूर्ग, रायगड, पालघर, ठाणे आणि मुंबई तसेच पुणे, अमरावती, वर्धा आणि नागपूर जिल्ह्यात काही ठिकाणी जोरदार पावसाचा ऑरेंज अलर्ट दिला.

तसेच विदर्भातील उरलेले चार जिल्हे मराठवाड्यातील जालना, परभणी, नांदेड आणि हिंगोली तसेच नगर आणि कोल्हापूर जिल्हाला काही ठिकाणी जोरदार पावसाचा येलो अलर्ट देण्यात आला. तर राज्यातील इतर जिल्ह्यांमध्ये हलक्या सरींचा अंदाज आहे.

Monsoon Rain
Monsoon Rain 2024 : पावसाचा जोर मंदावला

शनिवारी विदर्भात पावसाचा जोर वाढण्याचा अंदाज आहे. बुलडाणा, अकोला आणि वाशीम जिल्ह्याला येलो अलर्ट तर उरलेल्या ८ जिल्ह्यांना ऑरेंज अलर्ट देण्यात आला. तसेच कोकणात सिंधुदूर्ग, रत्नागिरी आणि रायगड जिल्ह्याला ऑरेंज अलर्ट तर उरलेल्या जिल्ह्यांना येलो अलर्ट देण्यात आला.

मध्य महाराष्ट्रातील कोल्हापूर, सातारा, पुणे, नगर आणि मराठवाड्यातील छत्रपती संभाजीनगर, बीड, धाराशिव, लातूर, नांदेड तसेच जळगाव जिल्ह्यालाही काही ठिकाणी जोरदार पावसाचा येलो अलर्ट देण्यात आला.

रविवारी आणि सोमवारीही कोकण, मध्य महाराष्ट्र, मराठवाडा, खानदेश आणि विदर्भातील काही ठिकाणी जोरदार तर अनेक ठिकाणी हलक्या ते मध्यम स्वरुपाच्या पावसाचा अंदाज हवामान विभागाने दिला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com