Pune News: पश्चिम दिशेकडून भारतात येणारी हवामान प्रणाली वाऱ्यांच्या चक्राकार हालचालीसह पुढे सरकत आहे. त्यामुळे राज्यातील थंडी गायब झाली आहे. तर उत्तर मध्य महाराष्ट्रात काही ठिकाणी पावसाला पोषक हवामान तयार होण्याची शक्यता आहे. काही भागात उकाडाही वाढला आहे. तर उर्वरित राज्यात मात्र कोरड्या हवामानासह किमान तापमानात वाढ होण्याचा अंदाज हवामानशास्त्र विभागाने दिला आहे..राज्याच्या काही भागात मागील चार दिवसांपासून ढगाळ वातावरण होते. परंतु आज मात्र बहुतांश भागात कोरडे हवामान राहण्याचा अंदाज आहे. तर सोमवारी उत्तर मध्य महाराष्ट्रातील काही जिल्ह्यात हलक्या सरी हजेरी लावण्याची शक्यता आहे.तर पुढील चार दिवसांत महाराष्ट्रात किमान तापमानात २ ते ४ अंश सेल्सिअसने हळूहळू वाढ होईल, असा अंदाज हवामान विभागाने वर्तवला आहे..Rain Update: राज्यातील बहुतांशी भागात ढगाळ हवामानामुळे थंडी ओसरली.मागील चोवीस तासात देशातील सपाट भूभागावरील निच्चांकी तापमान हरियाणातील नारनौल येथे २.० अंश सेल्सिअस नोंदवले गेले. तर राज्यात मालेगाव येथे निच्चांकी १२.२ अंश सेल्सियस तापमानाची नोंद झाली. तसेच सोलापूर येथे कमाल ३२.६ अंश सेल्सियस तापमानाची नोंद झाली..Rain Update: पावसाचा १३ जिल्ह्यांमध्ये अदाज; राज्यातील बहुतांशी भागात ढगाळ हवामानामुळे थंडी ओसरली.आग्नेय अरबी समुद्र आणि लगतच्या दक्षिण केरळ किनाऱ्यावर समुद्रसपाटीपासून ०.९ किमी उंचीवर एक वरच्या हवेचे चक्राकार वारे आहेत. तर उर्वरित अरबी समुद्रावर हवामान हंगामी आहे. मागील चोवीस तासात कोकणातील अलिबाग येथे प्रतितास ३२ किमी वेगाने जोरदार वारे वाहत होते..तर मध्य महाराष्ट्रातील कुरवंडे येथे प्रतितास ३१ आणि मराठवाड्यातील परभणी येथे प्रतितास ३० किमी वेगाने वारे वाहत होते. महाराष्ट्रात पुढील ४ ते ५ दिवस कमाल तापमानात मोठे बदल होण्याची शक्यता नाही. परंतु किमान तापमानात वाढ होण्याची शक्यता हवामानशास्त्र विभागाने वर्तवला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
