Pune News: बंगालच्या उपसागरातील तीव्र कमी दाबाचे क्षेत्र जमिनीवर आल्याने राज्यात पावसाने जोर धरला आहे. आज (ता. २८) कोकण, मध्य महाराष्ट्राच्या घाटमाथ्यावर मुसळधार पावसाची शक्यता आहे. उत्तर कोकणासह, पुणे आणि नाशिकच्या घाटमाथ्यावर खबरदारीचा इशारा (रेड अलर्ट) देण्यात आला आहे. उर्वरित राज्यात जोरदार पावसाची शक्यता हवामान विभागाने वर्तविली आहे..कमी दाबाचे क्षेत्र मध्य भारताकडे येताच, राज्यात पावसाचा जोर वाढू लागला आहे. मराठवाड्यासह विदर्भात मुसळधार पाऊस कोसळत आहे. शनिवारी (ता. २७) सकाळपर्यंतच्या २४ तासांमध्ये लातूर, परभणी, नांदेड, हिंगोली, बीड, सोलापूर, गडचिरोली गोंदिया जिल्ह्यात अतिवृष्टी झाली. लातूरच्या अहमदपूरमध्ये सर्वाधिक १७० मिलिमीटर पावसाची नोंद झाली. तर चंद्रपूर येथे राज्यातील उच्चांकी ३४.८ अंश सेल्सिअस तापमानाची नोंद झाली..मध्य भारतातून महाराष्ट्र, गुजरातकडे सरकत असलेल्या कमी दाब प्रणालीने राज्यात पावसाचा जोर वाढणार आहे. आज (ता.२८) पालघर, ठाणे, मुंबई, रायगड, नाशिक घाटमाथा, पुणे घाटमाथा जिल्ह्यात मुसळधार पावसाचा अंदाज असल्याने खबरदारीचा इशारा (रेड अलर्ट) देण्यात आला आहे. रत्नागिरी, सिंधुदुर्ग, नाशिक, सातारा घाटमाथा, कोल्हापूर घाटमाथा, छत्रपती संभाजीनगर जिल्ह्यात जोरदार पावसाचा अंदाज असल्याने दक्षतेचा इशारा (ऑरेंज अलर्ट) देण्यात आला आहे. तर उर्वरित राज्यात विजा, मेघगर्जनेसह जोरदार वादळी पावसाची शक्यता असल्याने सतर्कतेचा इशारा (येलो अलर्ट) कायम असल्याचे हवामान विभागाने म्हटले आहे..Maharashtra Monsoon Rain: राज्यात जोरदार पावसाची शक्यता; मराठवाड्याला पाऊस पुन्हा दणका देण्याचा अंदाज.कमी दाब क्षेत्राची तीव्रता ओसरणारदक्षिण अंतर्गत ओडिशामध्ये तीव्र कमी दाब क्षेत्र सक्रिय आहे. शनिवारी (ता. २७) सकाळी ही प्रणाली ओडिशाच्या गुणापूरपासून ५० किलोमीटर इशान्येकडे, गोपालपूरपासून ७० किलोमीटर पश्चिमेकडे, फुलबणीपासून १३० किलोमीटर दक्षिणेकडे, तर जगदलपूरपासून २३० किलोमीटर पूर्वेकडे सक्रिय होती. पश्चिमेकडे सरकत असलेल्या या प्रणालीची तीव्रता कमी होत आहे. या प्रणालीपासून गोव्यापर्यंत हवेचा कमी दाबाचा पट्टा विस्तारला आहे. उत्तर अंदमान समुद्रातील चक्राकार वाऱ्यामुळे बंगालच्या उपसागरात १ ऑक्टोबर रोजी नव्याने कमी दाबाचे क्षेत्र तयार होण्याचे संकेत आहेत..मॉन्सून परतीचा प्रवास अडखळणारनैर्ऋत्य मोसमी वाऱ्यांनी (मॉन्सून) शुक्रवारी (ता. २६) संपूर्ण राजस्थान, जम्मू काश्मीर, लडाख, हिमाचल प्रदेश, उत्तराखंडमधून माघार घेतली आहे. तसेच गुजरात, मध्य प्रदेश, उत्तर प्रदेशच्या आणखी काही भागांतून मॉन्सून परतला आहे. मॉन्सूनच्या परतीची सीमा वेरावल, भरूच, उज्जैन, झांसी, शहाजहानपूरपर्यंत कायम आहे. मध्य भारतातील कमी दाबाचे क्षेत्र आणि पावसाची शक्यता यामुळे आठवडाभर मॉन्सूनचा परतीचा प्रवास अडखळण्याची शक्यता आहे..शनिवारी (ता. २७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२६.७---२१.७अहिल्यानगर---२५.८---२२.५धुळे---३२.०---१८.५जळगाव---३३.५---२२.०जेऊर---२४.०---१८.५कोल्हापूर---२५.३---२०.६.Maharashtra Rains Update: राज्यात पावसाचा जोर वाढला! मराठवाड्यात थैमान, उजनी धरणातून ९० हजार क्युसेक विसर्ग.महाबळेश्वर---२०.१---१६.४मालेगाव---३०.४---२२.६नाशिक---२६.४---२१.८निफाड---३१.३---२२.०सांगली---२५.४---२०.१सातारा---२६.०---२०.७सोलापूर---२३.६---२१.६.सांताक्रूझ---३०.४---२४.४डहाणू---३०.९---२३.५रत्नागिरी---२९.०---२३.५छत्रपती संभाजीनगर---२९.२---२४.२धाराशिव---२७.०---२०.०परभणी---२९.७---२३.४परभणी (कृषी)---२९.५---२१.५.अकोला---३३.२---२४.०अमरावती---३३.८---२२.१भंडारा---३३.०---२३.०बुलडाणा---२९.५---२३.२ब्रह्मपुरी---३४.२---२३.०चंद्रपूर---३४.८---२३.६गडचिरोली---३१.०---२३.६.गोंदिया---३२.९---२२.६नागपूर---३४.२---२४.५वर्धा---३३.८---२४.२वाशीम---३२.२---२१.०यवतमाळ---३०.४---२२.४.मुसळधार पावसाचा इशारा ( रेड अलर्ट) :पालघर, ठाणे, मुंबई, रायगड, नाशिक घाटमाथा, पुणे घाटमाथा.जोरदार पावसाचा इशारा (ऑरेंज अलर्ट) :रत्नागिरी, सिंधुदुर्ग, नाशिक, सातारा घाटमाथा, कोल्हापूर घाटमाथा, छत्रपती संभाजीनगर.जोरदार पावसाचा इशारा (येलो अलर्ट) :नंदूरबार, धुळे, जळगाव, अहिल्यानगर, पुणे, सातारा, कोल्हापूर, जालना, बीड, परभणी, धारशिव, बुलडाणा, अकोला, वाशीम.विजांसह पावसाचा इशारा (येलो अलर्ट) :सांगली, सोलापूर, हिंगोली, अमरावती, वर्धा, नागपूर, भंडारा, गोंदिया, यवतमाळ, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
