Pune News: राज्यात विजा, जोरदार वारे मेघगर्जनेसह हलक्या ते जोरदार सरी कोसळत आहेत. राज्याच्या कमाल तापमानातील वाढ देखील टिकून आहे. आज (ता. २३) कोकण, मध्य महाराष्ट्र, मराठवाड्यात तुरळक ठिकाणी जोरदार वारे, विजांसह वादळी पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे..ईशान्य बंगालच्या उपसागरात हवेचे कमी दाबाचे क्षेत्र तयार झाले आहे. या प्रणालीपासून उत्तर कर्नाटकपर्यंत हवेचा कमी दाबाचा पट्टा विस्तारला आहे. यातच पूर्व-मध्य बंगालच्या उपसागरात दक्षिण ओडिशा आणि उत्तर आंध्र प्रदेशच्या किनाऱ्यालगत गुरुवारपर्यंत (ता.२५) नव्याने कमी दाब क्षेत्राची निर्मिती होण्याचे संकेत आहेत. किनाऱ्याकडे येताना ही प्रणाली तीव्र होणार आहे..मध्य महाराष्ट्र, मराठवाड्यात पावसाचा दणका सुरूच असल्याने अनेक ठिकाणी अतिवृष्टीची नोंद होत आहे. कोकण, घाटमाथ्यावर मध्यम ते जोरदार सरी पडत आहेत. सोमवारी (ता.२२) छत्रपती संभाजीनगर जिल्ह्यातील पैठण येथे राज्यातील उच्चांकी २०० मिलिमीटर पावसाची नोंद झाली..Monsoon Heavy Rain: पाच जिल्ह्यांना ऑरेंज अलर्ट; मराठवाड्यात पुढील ३ दिवस जोरदार पावसाची शक्यता.पाऊस सुरू असला तरी उन्हाचा चटका देखील टिकून असल्याने कमाल तापमानाचा पारा तिशीपार आहे. विदर्भात सातत्याने उन्हाचा चटका अधिक असल्याने, ब्रह्मपुरी येथे राज्यातील उच्चांकी ३५.४ अंश सेल्सिअस तापमानाची नोंद झाली..राज्यात विजांसह वादळी पावसाला पोषक हवामान कायम आहे. आज (ता. २३) मध्य महाराष्ट्रातील अहिल्यानगर, सोलापूर, सांगली, मराठवाड्यातील बीड, धाराशिव जिल्ह्यांत जोरदार पावसाची शक्यता असल्याने, तर कोकण, मध्य महाराष्ट्र, मराठवाडा आणि विदर्भात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने वर्तविला आहे..मॉन्सूनची आणखी माघारनैर्ऋत्य मोसमी वाऱ्यांनी (मॉन्सून) १४ सप्टेंबरपासून पश्चिम राजस्थानमधून परतीच्या प्रवासाला सुरुवात केली आहे. सोमवारी (ता. २२) गुजरात, राजस्थान, हरियाना आणि पंजाब राज्याच्या काही भागांतून मॉन्सूनने माघार घेतली आहे. तरन, सांग्रूर, जिंद, रेवारी, तोन्क, मैसाना, पोरबंदर पर्यंतच्या भागातून मॉन्सून परतला आहे. परतीस पोषक हवामान असल्याने दोन दिवसांत गुजरात, राजस्थान, हरियाना, पंजाबसह, दिल्ली, हिमाचल प्रदेश, जम्मू काश्मीर आणि उत्तर प्रदेशच्या काही भागांतून मॉन्सूनची माघार होण्याची शक्यता आहे..Rain Alert Maharashtra : राज्यात विजांसह वादळी पावसाचा इशारा कायम.सोमवारी (ता. २२) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३०.२---२१.७अहिल्यानगर---३१.०---२२.५धुळे---३३.०---२०.५जळगाव---३२.६---२४.७जेऊर---३२.५---१८.५कोल्हापूर---२९.९---२२.१.महाबळेश्वर---२१.०---१७.५मालेगाव---२९.२---२१.२नाशिक---२९.२---२२.८निफाड---३१.०---२२.९सांगली---३१.४---२१.४सातारा---३०.९---२२.०सोलापूर---३३.०---२२.४.सांताक्रूझ---३०.४---२४.३डहाणू---३१.५---२४.०रत्नागिरी---३०.१---२३.९छत्रपती संभाजीनगर---३२.६---२१.४धाराशिव---२९.६---२१.०परभणी---३३.५---२२.२परभणी (कृषी)---३२.१---२१.५अकोला---३३.९---२५.६अमरावती---३४.४---२२.१.भंडारा---३५.२---२५.०बुलडाणा---३०.०---२२.०ब्रह्मपुरी---३५.४---२४.९चंद्रपूर---३४.०---२५.६गडचिरोली---३३.०---२४.६गोंदिया---३३.६---२४.२नागपूर---३४.०---२५.०वर्धा---३५.०---२५.०वाशीम---३२.४---२३.२यवतमाळ---३३.०---२४.०.जोरदार पावसाचा इशारा (येलो अलर्ट) :अहिल्यानगर, सोलापूर, सांगली, बीड, धाराशिव.विजांसह पावसाचा इशारा (येलो अलर्ट) :पालघर, ठाणे, मुंबई, रायगड, रत्नागिरी, सिंधुदुर्ग, नंदूरबार, धुळे, जळगाव, नाशिक, पुणे, सातारा, कोल्हापूर, छत्रपती संभाजीनगर, जालना, परभणी, हिंगोली, लातूर, बुलडाणा, वाशीम, यवतमाळ, वर्धा, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
