
Pune News: पावसाच्या उघडिपीमुळे तापमानाचा पारा तिशीपार असून, उन्हाचा चटका आणि उकाडा कायम आहे. आज (ता. २०) कोकणातील रत्नागिरी, सिंधुदुर्ग आणि कोल्हापूरच्या घाटमाथ्यावर जोरदार सरींची शक्यता आहे. तसेच कोकणासह मध्य महाराष्ट्र, मराठवाड्याच्या दक्षिणेकडील जिल्ह्यात आणि विदर्भात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात विजांसह हलक्या सरींची शक्यता आहे.
राजस्थानमध्ये तीव्र कमी दाबाचे क्षेत्र सक्रिय असून, ही प्रणाली निवळण्याची शक्यता आहे. मॉन्सूनचा आस असलेला कमी दाबाचा पट्टा त्याच्या सर्वसाधारण स्थितीवर असून, राजस्थानमधील कमी दाबाच्या केंद्रापासून फतेहगड, मुजफ्फराबाद, बंकुरा ते ईशान्य बंगालच्या उपसागरापर्यंत सक्रिय आहे. उत्तर बंगालच्या उपसागरात २४ जुलैपर्यंत कमी दाबाचे क्षेत्र तयार होण्याचे संकेत आहेत.
शनिवारी (ता. १९) सकाळपर्यंतच्या २४ तासांमध्ये कोकण, दक्षिण मध्य महाराष्ट्राच्या घाटमाथ्यावर जोरदार पाऊस कोसळला आहे. सिंधुदुर्ग जिल्ह्यातील मालवण येथे सर्वाधिक १४० मिलिमीटर पावसाची नोंद झाली आहे. तर मध्य महाराष्ट्र, मराठवाडा, विदर्भात तुरळक ठिकाणी मध्यम ते जोरदार सरी कोसळल्या आहेत. पावसाची उघडीप असल्याने राज्याच्या विविध भागांत उन्हाचा चटका तापदायक ठरत असून, उकाड्याने घामटा निघत आहे. उत्तर महाराष्ट्रातील धुळे येथे राज्यातील उच्चांकी ३४ अंश तापमानाची नोंद झाली.
आज (ता. २०) कोकणातील रत्नागिरी, सिंधुदुर्ग आणि कोल्हापूरच्या घाटमाथ्यांवर जोरदार सरींची शक्यता आहे. तसेच कोकणातील ठाणे, रायगड, मध्य महाराष्ट्रातील पुण्याचा घाटमाथा, सातारा, सांगली, पूर्व कोल्हापूर, सोलापूर, मराठवाड्यातील धाराशिव, लातूर आणि विदर्भातील सर्वच जिल्ह्यात विजांसह पावसाची शक्यता असल्याने सतर्कतेचा इशारा (येलो अलर्ट) आहे. उर्वरित राज्यात तुरळक ठिकाणी विजांसह हलक्या ते मध्यम पावसाची शक्यता वर्तविण्यात आली आहे.
शनिवारी (ता. १९) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---२९.४---२१.८
अहिल्यानगर---३२.२---२१.५
धुळे---३४.०---२१.०
जळगाव---३१.७---२४.०
जेऊर---३१.०---१९.५
कोल्हापूर---३०.२---२२.७
महाबळेश्वर---२०.२---१७.२
मालेगाव---३३.६---२२.२
नाशिक---२९.७---२१.९
निफाड---३२.०---२१.९
सांगली---३०.९---२२.९
सातारा---२९.२---२१.५
सोलापूर---३१.०---२४.०
सांताक्रूझ---३२.३---२७.३
डहाणू---३३.३---२५.६
रत्नागिरी---३१.२---२६.०
छत्रपती संभाजीनगर---३१.३---२२.४
धाराशिव---३०.६---२१.६
परभणी---३१.२---२३.१
परभणी (कृषी)---३०.०---निरंक
अकोला---३२.८---२५.६
अमरावती---३२.४---२३.२
भंडारा---२९.०---२४.०
बुलडाणा---२९.६---२२.५
ब्रह्मपुरी---३३.४---२५.४
चंद्रपूर---३२.८---२४.४
गडचिरोली---३१.४---२५.४
गोंदिया---३१.८---२५.०
नागपूर---३१.४---२५.४
वर्धा---३२.०---२५.५
वाशीम---२९.६---२३.०
यवतमाळ---३०.८---२४.०
जोरदार पावसाचा इशारा (येलो अलर्ट) :
रत्नागिरी, सिंधुदुर्ग, कोल्हापूर घाटमाथा.
विजांसह पावसाचा इशारा (येलो अलर्ट) :
ठाणे, रायगड, पुणे घाटमाथा, सातारा घाटमाथा, सातारा, सांगली, कोल्हापूर, सोलापूर, धाराशिव, लातूर, बुलडाणा, अकोला, अमरावती, वाशीम, वर्धा, यवतमाळ, नागपूर, भंडारा, गोंदिया, चंद्रपूर, गडचिरोली.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.