Pune News: मॉन्सून १६ ऑक्टोबर रोजी संपूर्ण देशातून परतला आहे. तर राज्यात उन्हाच्या चटका वाढला असून विविध भागात पावसाला पोषक स्थिती निर्माण झाली आहे. आज कोकण, मध्य महाराष्ट्र, आणि मराठवाड्यात पावसाचा अंदाज हवामान विभागाने दिला आहे. .मराठवाड्यातील बीड, छत्रपती संभाजीनगर, मध्य महाराष्ट्रातील धुळे, जळगाव, नाशिक, अहिल्यानगर, पुणे, सातारा तर कोकणातील ठाणे, रायगड, रत्नागिरी जिल्ह्यात काही ठिकाणी विजांसह जोरदार पावसाचा इशारा देण्यात आला आहे. तर पालघर, मुंबई, सिंधुदुर्ग, नंदूरबार, कोल्हापूर, सांगली, सोलापूर,जालना, परभणी, हिंगोली, नांदेड, लातूर, धाराशिव जिल्ह्यात तुरळक ठिकाणी हलक्या सरीची शक्यता आहे. तर उर्वरित राज्यात कोरड्या हवामानाचा अंदाज वर्तवण्यात आला आहे..Weather Forecast: कोकण, मध्य महाराष्ट्र, मराठवाड्यात विजांसह पावसाचा अंदाज.तसेच शुक्रवारी पालघर, ठाणे, रायगड, रत्नागिरी, सिंधूदुर्ग, धुळे, नंदुरबार, जळगाव, नाशिक, अहिल्यानगर, पुणे, कोल्हापूर, सातारा, सांगली, सोलापूर, छत्रपती संभाजीनगर, जालना, परभणी, बीड, हिंगोली, नांदेड, लातूर, धाराशिव जिल्ह्यात तुरळक ठिकाणी पावसाचा अंदाज आहे. तर उर्वरित राज्यात उघडिपीसह कोरड्या हवामानाची शक्यता हवामान विभागाने वर्तवली आहे..Maharashtra Rain Update: कोकण, मध्य महाराष्ट्र आणि मराठवाड्यात विजांसह पावसाचा अंदाज .तर शनिवारी रत्नागिरी, सिंधूदुर्ग, कोल्हापूर, सातारा जिल्ह्यात काही ठिकाणी विजांसह पावसाचा इशारा देण्यात आला आहे. तर रायगड, नाशिक, अहिल्यानगर, पुणे, सांगली, सोलापूर, हिंगोली, नांदेड, लातूर आणि धाराशिव जिल्ह्यात तुरळक ठिकाणी हलक्या सरीची शक्यता आहे. तर उर्वरित राज्यात कोरडे हवामान राहील, असा अंदाज हवामान विभागाने दिला आहे. .१६ ऑक्टोबर रोज मॉन्सूनने म्हणजेच नैऋत्य मोसमी वाऱ्याने संपूर्ण देशातून परतल्याचे हवामान विभागाने जाहीर केले आहे. तर ईशान्य मोसमी पावसाची सुरुवात दक्षिण भागारातील काही राज्यात सुरु झाली आहे. तर दक्षिण-पूर्व अरबी समुद्र व लक्षद्वीप परिसरात, केरळ-कर्नाटक किनाऱ्यालगत, १८ ऑक्टोबर २०२५ च्या सुमारास कमी दाबाचा पट्टा तयार होण्याची शक्यता आहे. त्यामुळे कोकण आणि मध्य महाराष्ट्रात पावसाची शक्यता आहे. त्यानंतर ४८ तासांत ही प्रणाली पश्चिम उत्तर दिशेने सरकत दाब क्षेत्र म्हणजेच डिप्रेशन तयार करण्याची शक्यता आहे. त्यामुळे राज्यात पावसाला पोषक हवामान आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.