Pune News: सूर्य आग ओकायला लागल्याने विदर्भ होरपळून निघत आहे. अकोला येथे यंदाच्या हंगामातील राज्याच्या उच्चांकी ४४.२ अंश तापमानाची नोंद झाली आहे. आज (ता. ९) कोकण, उत्तर महाराष्ट्रात उष्ण व दमट हवामानाची शक्यता असल्याने विदर्भात तुरळक ठिकाणी उष्ण लाटेची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. मराठवाड्यात रात्रीचे तापमान उष्ण ठरण्याचा अंदाज असून, विदर्भ, मराठवाड्यात पावसाला पोषक हवामान होत आहे.
नैर्ऋत्य आणि पश्‍चिम मध्य बंगालच्या उपसागरात ठळक कमी दाबाचे क्षेत्र सक्रिय आहे. त्याला लागूनच समुद्र सपाटीपासून ५.८ किलोमीटर उंचीवर चक्राकार वाऱ्यांची स्थिती कायम आहे. उत्तर बंगालच्या उपसागराकडे जाताना या प्रणालीची तीव्रता कायम राहणार आहे. या प्रणालीपासून दक्षिण तमिळनाडूपर्यंत हवेचा कमी दाबाचे पट्टा आहे. पश्‍चिम राजस्थानपासून पश्‍चिम विदर्भापर्यंत हवेचा कमी दाबाचा पट्टा सक्रिय आहे. मध्य महाराष्ट्र आणि परिसरावर चक्राकार वारे वाहत असून, उत्तर महाराष्ट्रापासून कर्नाटकपर्यंत हवेचा कमी दाबाचा पट्टा तयार झाला आहे. या प्रणालींमुळे पावसाला पोषक हवामान होत आहे.
मंगळवारी (ता. ८) सकाळपर्यंतच्या २४ तासांमध्ये अकोलापाठोपाठ ब्रह्मपुरी, अमरावती आणि चंद्रपूर येथे ४३ अंशांपेक्षा अधिक तापमान होते. धुळे, जळगाव, सोलापूर, परभणी, नागपूर, वाशीम, वर्धा आणि यवतमाळ येथे ४२ अंशांपेक्षा अधिक, तर मालेगाव, जेऊर, छत्रपती संभाजीनगर, परभणी कृषी विद्यापीठ आणि गडचिरोली येथे ४१ अंशांपेक्षा अधिक तापमानाची नोंद झाली. तापमानात वाढ झाल्याने असह्य झळा, उकाड्याने दुपारच्या वेळी घराबाहेर पडणे तापदायक ठरत आहे.
आज (ता. ९) संपूर्ण कोकणातील पालघर, ठाणे, मुंबई, रायगड, उत्तर महाराष्ट्रातील रत्नागिरी, नंदूरबार, धुळे, जळगाव आणि नाशिक जिल्ह्यात उष्ण व दमट हवामानाची शक्यता आहे. तसेच अकोला, अमरावती आणि नागपूर जिल्ह्यांत उष्ण लाटेची शक्यता असल्याने दक्षतेचा इशारा (येलो अलर्ट) देण्यात आला आहे. मराठवाड्यातील छत्रपती संभाजीनगर आणि जालना जिल्ह्यांत रात्र उष्ण ठरण्याची शक्यता आहे. विदर्भ आणि मराठवाड्यात पावसाला पोषक हवामान आहे. तर उर्वरित राज्यात उन्हाचा चटका वाढण्याची शक्यता हवामान विभागाने वर्तविली आहे.
सोमवारी (ता. ७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---४०.२---२१.०
अहिल्यानगर---४०.१---१९.६
धुळे---४२.५---२०.४
जळगाव---४२.५---२१.८
जेऊर---४१.०---२२.५
कोल्हापूर---३८.७---२३.९
महाबळेश्‍वर---३३.२---२१.१
मालेगाव---४१.६---२३.४
नाशिक---४०.३---२०.९
निफाड---४०.५---१६.६
सांगली---३८.८---२४.९
सातारा---३९.७---२३.०
सोलापूर---४२.०---२७.४
सांताक्रूझ---३६.२---२३.६
डहाणू---३६.३---२२.८
रत्नागिरी---३३.०---२५.३
छत्रपती संभाजीनगर---४१.०---२६.२
धाराशिव---३९.०---२३.१
परभणी---४२.१---२५.५
परभणी (कृषी)---४१.३---२३.५
अकोला---४४.२---२४.२
अमरावती---४३.६---२४.२
भंडारा---४०.२---२४.०
बुलडाणा---४०.४---२४.०
ब्रह्मपुरी---४३.८---२३.६
चंद्रपूर---४३.६---निरंक
गडचिरोली---४१.०---२२.०
गोंदिया---४०.६---२४.४
नागपूर---४२.४---२३.३
वर्धा---४२.०---२४.६
वाशीम---४२.२---निरंक
यवतमाळ---४२.०---२४.०
सरासरी तापमान (अंश से.)
विभाग---किमान---कमाल
विदर्भ---२२.०---४४.२
मराठवाडा---२३.१---४२.१
पश्‍चिम महाराष्ट्र---२१.०---४२.०
उत्तर महाराष्ट्र---१६.६---४२.५
कोकण---२२.८---३६.३
उष्ण व दमट हवामानाचा इशारा (येलो अलर्ट) :
पालघर, ठाणे, मुंबई, रायगड, रत्नागिरी, नंदूरबार, धुळे, जळगाव, नाशिक.
उष्ण रात्रीचा इशारा (येलो अलर्ट) :
छत्रपती संभाजीनगर, जालना.
४३ अंशांपेक्षा अधिक तापमान असलेली ठिकाणे :
अकोला ४४.२, ब्रह्मपुरी ४३.८, अमरावती ४३.६, चंद्रपूर ४३.६,
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.