Maharashtra Weather Heatwave Alert: विदर्भात उष्णतेच्या लाटेसदृश स्थिती असून, गुरुवारी (ता.२१) सकाळपर्यंतच्या २४ तासांत ब्रह्मपुरी येथे राज्याचे यंदाच्या हंगामातील उच्चांकी ४७.१ अंश सेल्सिअस तापमानाची नोंद झाली. विदर्भात उष्ण लाटेने होरपळ वाढली असतानाच, उष्ण रात्री अनुभवायाला मिळत आहे. आज (ता.२३) अकोला, अमरावती आणि वर्धा जिल्ह्यांत तीव्र उष्णतेची लाट येण्याची शक्यता असल्याने खबरदारीचा इशारा (रेड अलर्ट) हवामान विभागाने दिला आहे..शुक्रवारी (ता.२२) सकाळपर्यंतच्या २४ तासांमध्ये उत्तर प्रदेशातील बांदा येथे देशातील उच्चांकी ४७.६ अंश सेल्सिअस तापमानाची नोंद झाली. दक्षिण ओडिशा आणि परिसरावर चक्राकार वारे वाहत आहेत. त्यापासून उत्तर प्रदेशातील चक्राकार वाऱ्यांपर्यंत हवेचा कमी दाबाचा पट्टा सक्रिय आहे. आग्नेय बंगालच्या उपसागरापासून उत्तर केरळपर्यंत, तसेच आग्नेय अरबी समुद्रापासून कोमोरिन भागापर्यंत हवेचे कमी दाबाचे पट्टे कायम आहे..शुक्रवारी (ता.२२) सकाळपर्यंतच्या २४ तासांत ब्रह्मपुरी पाठोपाठ वर्धा, नागपूर, गडचिरोली, चंद्रपूर येथे ४६ अंशांपेक्षा अधिक, अमरावती, भंडारा, गोंदिया, यवतमाळ येथे ४५ अंशांपेक्षा अधिक, परभणी, अकोला येथे ४४ अंश सेल्सिअसपेक्षा अधिक तापमानाची नोंद झाली. यातच महाबळेश्वर येथे राज्यातील नीचांकी १८.९ अंश सेल्सिअस तापमानाची नोंद झाली..Heat Wave Alert: विदर्भात उष्णतेच्या लाटेचा इशारा; कोकण, मध्य महाराष्ट्र आणि मराठवाड्यात पावसाचा अंदाज.आज (ता.२३) विदर्भातील अकोला, अमरावती आणि वर्धा जिल्ह्यांत तीव्र उष्णतेच्या लाटेची शक्यता असल्याने खबरदारीचा इशारा (रेड अलर्ट) कायम आहे. यवतमाळ, नागपूर, चंद्रपूर जिल्ह्यांत उष्ण लाटेची शक्यता असल्याने दक्षतेचा इशारा (ऑरेंज अलर्ट), गोंदिया, गडचिरोली जिल्ह्यांत उष्ण लाटेचा, तर रत्नागिरी, सिंधुदुर्ग, सातारा, कोल्हापूर, सोलापूर, धाराशिव आणि लातूर जिल्ह्यांत वादळी पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. उर्वरित राज्यात अंशतः ढगाळ हवामान, तुरळक ठिकाणी विजांसह पाऊस आणि उन्हाचा चटका कायम राहण्याचा अंदाज कायम असल्याचे हवामान विभागाने म्हटले आहे.....अशी ठरते उष्ण लाट, उष्ण रात्रतापमानाचा पारा ४० अंशांच्या पार गेल्यास आणि कमाल तापमानात ४.५ अंशांपेक्षा अधिक वाढ झाल्यास, तसेच कमाल तापमान ४५ अंशांपार गेल्यास उष्णतेची लाट आल्याचे समजले जाते. त्यानुसार विदर्भात उष्णतेची लाट उसळली आहे. तर दिवसाचे कमाल तापमान ४० अंशांपार असताना, रात्रीच्या किमान तापमानात ४.५ अंशांची वाढ झाल्यास उष्ण रात्र समजली जाते. वर्धा आणि यवतमाळ येथे उष्ण रात्र अनुभवायला मिळत आहेत..मॉन्सूनच्या प्रगतीस पोषक स्थितीनैर्ऋत्य मोसमी वाऱ्यांनी (मॉन्सून) सोमवारी (ता. १८) संपूर्ण अंदमान - निकोबार बेटे, पूर्व-मध्य बंगालच्या उपसागराचा काही भाग, आग्नेय अरबी समुद्राचा आणखी काही भागासह देशाच्या दक्षिणकडील आणि श्रीलंकेच्या पश्चिमेकडे असलेल्या कोमोरिन भागात प्रगती केली आहे. शुक्रवारी (ता. २२) मॉन्सूनची प्रगतीची स्थिती ‘जैसे थे’ होती. मॉन्सूनच्या प्रगतीस पोषक स्थिती होत असून, दोन दिवसांत आग्नेय अरबी समुद्र, कोमोरिन भागासह बंगालच्या उपसागराचा आणखी काही भाग, संपूर्ण अंदमान समुद्रात मॉन्सून पोहोचण्याची शक्यता वर्तविण्यात आली आहे..शुक्रवारी (ता. २२) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)ठिकाणे---तापमान कमाल---तापमान किमानपुणे---३६.२---२५.३अहिल्यानगर---३९.८---निरंकधुळे---४१.४---२३.६जळगाव---४२.०---२६.६जेऊर---४०.५---२०.०कोल्हापूर---३५.७--२५.१.महाबळेश्वर---२९.६---१९.५मालेगाव---४१.२---२५.४नाशिक---३६.४---२५.४निफाड---३८.०---२५.५सांगली---३८.५---२५.४सातारा---३८.९---२५.२सोलापूर---४०.९---२८.४सांताक्रूझ---३४.७---२९.०डहाणू---३५.८---२७.४.Vidarbha Heat Wave: विदर्भात उष्णतेची लाट कायम; मध्य महाराष्ट्र, मराठवाड्यातील काही भागात पावसाचा अंदाज.रत्नागिरी---३४.२---२७.७छत्रपती संभाजीनगर---४१.८---२८.४धाराशिव---४०.६---२५.१परभणी---४४.०---३०.०परभणी (कृषी)---४३.०---२९.७अकोला---४४.९---३१.७अमरावती---४५.८---२८.०भंडारा---४५.०---२७.०.बुलडाणा---४१.०---२९.०ब्रह्मपुरी---४७.१---२७.२चंद्रपूर---४६.८---३१.४गडचिरोली---४६.४---३०.६गोंदिया---४५.२---२७.०नागपूर---४६.०---२८.४वर्धा---४६.४---३३.४वाशीम---४२.६---२९.८यवतमाळ---४५.०---३२.२.सरासरी तापमान (अंश से.)विभाग---किमान---कमालउत्तर महाराष्ट्र---२३.६---४२.०पश्चिम महाराष्ट्र---१९.५---४०.९मराठवाडा---२५.०---४४.०विदर्भ---२७.०---४७.१कोकण---२७.४---३५.८.उष्ण लाटेचा इशारा (रेड अलर्ट) :अकोला, अमरावती, वर्धा.उष्ण लाटेचा इशारा (ऑरेंज अलर्ट) :यवतमाळ, नागपूर, चंद्रपूर.उष्ण लाटेचा इशारा (येलो अलर्ट) :गोंदिया, गडचिरोली.वादळी पावसाचा इशारा (येलो अलर्ट) :रत्नागिरी, सिंधुदुर्ग, सातारा, कोल्हापूर, सोलापूर, धाराशिव, लातूर.उन्हाचा चटका अधिक असलेली ठिकाणे :ब्रह्मपूरी ४७.१, चंद्रपूर ४६.८, गडचिरोली ४६.४, वर्धा ४६.४, नागपूर ४६..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.