Weather Update Pune : कोकणासह, घाटमाथ्यावर सुरू असलेल्या पावसाचा जोर ओसरल्यानंतर राज्यातही पावसाची काहीशी उघडीप आहे. आज (ता. १२) उत्तर महाराष्ट्र, मराठवाडा, विदर्भात वादळी वारे, विजांसह पावसाचा इशारा आहे. तर उर्वरित राज्यात तुरळक हलक्या ते जोरदार पावसाची शक्यता हवामान विभागाने वर्तविली आहे.
मध्य प्रदेश आणि परिसरावर समुद्र सपाटीपासून ५.८ किलोमीटर उंचीवर चक्राकार वारे वाहत आहेत. मॉन्सूनचा आस असलेला कमी दाबाचा पट्ट्याचा पश्‍चिम भाग दक्षिणेकडे कायम असून, पूर्व भाग काहीसा उत्तरेकडे आहे.
मॉन्सूनचा आस राजस्थानच्या जैसलमेर, सिकार, ओराई, सुलतानपूर, पाटना, मालदा ते अरुणाचल प्रदेशापर्यंत सक्रिय आहे. पश्‍चिम किनाऱ्याला समांतर कमी दाबाचा पट्टा दक्षिण मध्य महाराष्ट्रापासून केरळ किनारपट्टीपर्यंत कायम आहे. उत्तर तमिळनाडूच्या किनाऱ्यालगत समुद्रसपाटीपासून ४.५ ते ७.६ किलोमीटर उंचीवर चक्राकार वाऱ्यांची स्थिती आहे.
कोकण, घाटमाथ्यावर सुरू असलेल्या पावसाचा जोर ओसरला आहे. विदर्भात मध्यम ते जोरदार पावसाच्या सरी पडत आहेत. आज (ता. ११) तळ कोकणातील सिंधुदुर्ग जिल्ह्यात तुरळक ठिकाणी जोरदार पावसाचा, उर्वरित कोकणात जोर काहीसा ओसरून हलक्या ते मध्यम पावसाची शक्यता आहे.
तर मध्य महाराष्ट्र, मराठवाड्यात दोन दिवस मुख्यतः पावसाची उघडीप राहणार आहे. विदर्भात विजांसह पावसाचा इशारा (येलो अलर्ट) देण्यात आला आहे. गुरुवारपासून (ता. १३) कोकण, घाटमाथ्यावर पुन्हा पाऊस जोर धरण्याची शक्यता हवामान विभागाने वर्तविली आहे.
विजांसह पावसाचा इशारा (यलो अलर्ट) :
मध्य महाराष्ट्र : धुळे, जळगाव, नाशिक.
मराठवाडा : छत्रपती संभाजीनगर, जालना, परभणी, हिंगोली, नांदेड.
विदर्भ ः बुलडाणा, अमरावती, वाशीम, वर्धा, नागपूर, भंडारा, गोंदिया, यवतमाळ चंद्रपूर, गडचिरोली.
मंगळवारी (ता. ११) सकाळी ८.३० वाजेपर्यंतच्या २४ तासांत पडलेला पाऊस, मिलिमीटरमध्ये (स्रोत - हवामान विभाग) :
कोकण :
अंबरनाथ ९०, म्हसळा, कणकवली, कर्जत, विक्रमगड प्रत्येकी २०.
मध्य महाराष्ट्र :
नवापूर ६०, अक्कलकुवा, पेठ प्रत्येकी ४०, जळगाव, तळोदा, इगतपुरी, राधानगरी प्रत्येकी ३०, नंदूरबार, गगनबावडा, धरणगाव, ओझरखेडा, सुरगाणा, चोपडा, महाबळेश्‍वर, धुळे, त्र्यंबकेश्‍वर प्रत्येकी २०.
मराठवाडा ः
किनवट, बिलोली प्रत्येकी २०.
विदर्भ :
मुलचेरा ८०, भंडारा, ६०, जेवती, सिरोंचा, ब्रह्मपुरी, चिमूर प्रत्येकी ५०, साकोली, सिंदेवाही, नागभिड, भामरागड प्रत्येकी ४०, पवनी, चामोर्शी, कोर्पणा, चंद्रपूर, धानोरा, लाखणी, अरमोरी, गडचिरोली, प्रत्येकी ३०.
घाटमाथा :
दावडी ५०, शिरगाव, आंबोणे, डुंगरवाडी, ताम्हिणी प्रत्येकी ३०.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
