Pune News: कमी दाब प्रणाली गुजरातकडे सरकून जाताच राज्यात पावसाचा ओसरला आहे. आज (ता. ३०) राज्यात मुख्यतः पावसाची उघडीप राहणार असून, तुरळक ठिकाणी हलक्या सरींचा अंदाज आहे. नांदेड जिल्ह्यात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..कमी दाब क्षेत्रामुळे राज्यात पावसाचा कोसळधार सुरू होती. सोमवारी (ता.२९) सकाळपर्यंतच्या २४ तासांमध्ये कोकण, घाटमाथा आणि उत्तर महाराष्ट्रात मुसळधार पाऊस कोसळला. पालघरच्या तलासरी येथे राज्यातील उच्चांकी २४० मिलिमीटर पावसाची नोंद झाली. अनेक ठिकाणी अतिवृष्टीची नोंद झाली. पावसाची उघडीप असल्याने भंडारा येथे राज्यातील उच्चांकी ३३ अंश सेल्सिअस तापमानाची नोंद झाली..कमी दाबाचे क्षेत्र उत्तरेकडे सरकून जाताच राज्यात पावसाने उघडीप दिली आहे. राज्यात ढगाळ आकाशासह ऊन सावल्यांचा खेळ पाहायला मिळत आहे. आज (ता. ३०) नांदेड जिल्ह्यात तुरळक ठिकाणी विजांसह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. उर्वरित राज्यात मुख्यतः पावसाच्या उघडिपीसह तुरळक ठिकाणी हलक्या पावसाचा अंदाज वर्तविण्यात आला आहे..Monsoon Rain: राज्यातील पावसाचा जोर ओसरला; विदर्भात गुरुवारपासून पावसाचा जोर वाढण्याची शक्यता.कमी दाब क्षेत्राची तीव्रता वाढणारखंभातचा आखात आणि परिसरावर ठळक कमी दाब क्षेत्र सक्रिय आहे. त्याला लागून समुद्र सपाटीपासून ७.६ किलोमीटर उंचीवर चक्राकार वाऱ्यांची स्थिती आहे. अरबी समुद्राकडे सरकत असलेल्या ही प्रणाली उद्या (ता. १) तीव्र होण्याची शक्यता आहे. या प्रणाली पासून पश्चिम-मध्य बंगालच्या उपसागरापर्यंत हवेचा कमी दाबाचा पट्टा सक्रिय आहे. उत्तर अंदमान समुद्रातील चक्राकार वाऱ्यामुळे बंगालच्या उपसागरात उद्या (ता.१) नव्याने कमी दाबाचे क्षेत्र तयार होण्याचे संकेत आहेत..मॉन्सून परतीचा प्रवास थबकलानैॡत्य मोसमी वाऱ्यांनी (मॉन्सून) शुक्रवारी (ता. २६) संपूर्ण राजस्थान, जम्मू काश्मीर, लडाख, हिमाचल प्रदेश, उत्तराखंड मधून माघार घेतली आहे. तसेच गुजरात, मध्य प्रदेश, उत्तर प्रदेशच्या आणखी काही भागातून मॉन्सून परतला आहे. वेरावल, भरूच, उज्जैन, झांसी, शहाजहानपूरपर्यंतची मॉन्सूनच्या परतीची सीमा सोमवारी (ता.२९) कायम होती. गेल्या तीन-चार दिवसांपासून मॉन्सूनचा परतीचा प्रवास थबकला आहे..Rain Alert Maharashtra : कोकण, घाटमाथ्यावर विजांसह पावसाचा अंदाज.रविवारी (ता. २८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२३.९---२०.९अहिल्यानगर---२४.०---२१.३धुळे---३२.०---२०.०जळगाव---३०.८---२३.२जेऊर---२७.५---१७.५कोल्हापूर---२५.७---२०.७.महाबळेश्वर---१७.९---१५.२मालेगाव---२७.४---२१.२नाशिक---२३.४---२१.६निफाड---२४.६---२१.२सांगली---२६.७---२०.०सातारा---२३.९---२०.४सोलापूर---२८.०---२०.७सांताक्रूझ---२५.५---२३.२.डहाणू---२७.०---२२.७रत्नागिरी---२८.९---२३.७छत्रपती संभाजीनगर---२६.४---२१.४धाराशिव---२४.६---२०.४परभणी---२५.७---२०.४परभणी (कृषी)---२५.५---१९.८अकोला---३१.०---२३.३अमरावती---३०.४---२२.४भंडारा---३२.०---२३.०.बुलडाणा---२८.५---२१.०ब्रह्मपुरी---३२.४---२३.८चंद्रपूर---२८.६---२३.८गडचिरोली---२८.६---२४.०गोंदिया---३१.६---२३.२नागपूर---२९.६---२३.८वर्धा---२९.५---२४.०वाशीम---२६.६---२०.०यवतमाळ---२९.२---२२.४विजांसह पावसाचा इशारा (येलो अलर्ट) :नांदेड..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
