IMD Forecast: नैॡत्य मोसमी वाऱ्यांनी (मॉन्सून) शनिवारी (ता. ३०) अरबी समुद्र, लक्षद्वीप बेटे आणि बंगालच्या उपसागराच्या आणखी काही भागात वाटचाल करत आगेकूच केली आहे. मात्र हवामान विभागाने जाहीर केलेला केरळातील आगमनाचा मुहूर्त मात्र चुकला आहे. केरळातील आगमनासाठी आणखी चार ते पाच दिवस वाट पाहावी लागण्याची शक्यता आहे..यंदाच्या मोसमी हंगामात मॉन्सूनने वेळेआधी म्हणजेच १६ मे रोजी अंदमानात दाखल होत दणक्यात सुरुवात केली. मॉन्सून केरळात देखील लवकर धडकण्याचे संकेत देण्यात आले. २६ मे रोजी मॉन्सून केरळात दाखल होण्याची शक्यता हवामान विभागाने वर्तविली होती. .Monsoon 2026: मॉन्सून केरळच्या उंबरठ्यावर; विदर्भ, मराठवाड्यासह मध्य महाराष्ट्रात पावसाचा इशारा.यावेळी मॉन्सूनचे आगमन ४ दिवसांची मागे-पुढे होण्याची तफावत गृहीत धरण्यात आली होती. त्यानुसार शनिवारी (ता. ३०) मॉन्सून केरळमध्ये पोहोचण्याची अपेक्षा होती. मात्र दक्षिण भारतातील पावसाअभावी हवामान विभागाचा हा मुहूर्त यंदा चुकला आहे..India Weather Forecast: हिमालयात हिमवर्षाव, दक्षिणेकडे वादळी पाऊस.मॉन्सूनने १६ मे रोजी अंदमानात हजेरी लावल्यानंतर १८ मे रोजी आणखी वाटचाल केली. त्यानंतर मात्र मॉन्सूनची वाटचाल अडखळत सुरू आहे. अरबी समुद्रात पाऊस कोसळत असला तरी जमिनीवर मात्र अपेक्षित पावसाला सुरुवात झालेली नाही. बुधवारी (ता. २७) लक्षद्वीप बेटांच्या दक्षिण भागासह, नैॡत्य व आग्नेय अरबी समुद्राच्या आणखी काही भाग, अंदमान समुद्राच्या उर्वरित भाग, तसेच पश्चिम-मध्य बंगालच्या उपसागराच्या काही भागात मॉन्सून पुढे सरकला होता..शनिवारी (ता. ३०) आणखी आगेकूच करत मॉन्सूनने लक्षद्वीप बेटांच्या आणखी काही भागासह, अरबी समुद्र, कोमोरिन भाग, तसेच बंगालच्या उपसागरात पुढे चाल केली आहे. पुढील चार दिवसांत केरळ आणि तमिळनाडूच्या काही भागासह अरबी समुद्र, लक्षद्विप बेटे आणि बंगालच्या उपसागराच्या आणखी काही भागात मॉन्सून दाखल होण्यास पोषक हवामान असल्याचे हवामान विभागाने स्पष्ट केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
