Pune News: राज्याच्या काही भागांत जोरदार पाऊस कोसळत आहे. यातच कमाल तापमानात चढ-उतार सुरूच आहेत. आज (ता. २०) मध्य महाराष्ट्र, मराठवाडा, पूर्व विदर्भात तुरळक ठिकाणी विजांसह पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात मुख्यतः पावसाच्या उघडीपीसह हलक्या पावसाची शक्यता वर्तविण्यात आली आहे..उत्तर अंदमान समुद्रात म्यानमारच्या किनाऱ्यालगत सोमवारपर्यंत (ता. २२) चक्राकार वाऱ्यांची स्थिती तयार होण्याची शक्यता आहे. या वाऱ्यांच्या प्रभावामुळे २५ सप्टेंबरपर्यंत हवेचा कमी दाबाचे क्षेत्र तयार होण्याचे संकेत आहेत. वरील चक्राकार वाऱ्यांपासून दक्षिण मध्य महाराष्ट्रापर्यंत हवेचा कमी दाबाचा पट्टा विस्तारला आहे. दक्षिण उत्तर प्रदेशापासून मराठवाड्यापर्यंत हवेचा कमी दाबाचा पट्टा कायम आहे..कोकण, मध्य महाराष्ट्र, मराठवाड्यात अनेक ठिकाणी जोरदार पावसामुळे अतिवृष्टीची नोंद होत आहे. शुक्रवारी (ता.१९) धाराशिव जिल्ह्यातील वाशी येथे राज्यातील उच्चांकी २२० मिलिमीटर पावसाची नोंद झाली. पावसाच्या हजेरीनंतरही काही ठिकाणी कमाल तापमान अद्यापही तिशीपार आहे. विदर्भात उन्हाचा चटका कायम असून, ब्रह्मपुरी येथे राज्यातील उच्चांकी ३५.२ अंश सेल्सिअस तापमानाची नोंद झाली..Maharashtra Rain: राज्यात विजांसह पावसाचा अंदाज कायम.राज्यात विंजासह वादळी पावसाला पोषक हवामान असल्याने, आज (ता. २०) नंदूरबार, धुळे, जळगाव, नाशिक, अहिल्यानगर, पुणे, सातारा, सोलापूर, सांगली, छत्रपती संभाजीनगर, जालना, बीड, परभणी, धाराशिव, लातूर, वर्धा, नागपूर, भंडारा, गोंदिया, चंद्रपूर, गडचिरोली जिल्ह्यांत विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात मुख्यतः उघडिपीसह हलक्या पावसाचा अंदाज आहे..मॉन्सूनच्या परतीस पोषक हवामाननैर्ऋत्य मोसमी वाऱ्यांनी (मॉन्सून) १४ सप्टेंबरपासून पश्चिम राजस्थानमधून परतीच्या प्रवासाला सुरूवात केली आहे. शुक्रवारी (ता. १९) मॉन्सूनची वाटचाल जैसे थे होती. भटिंडा, फतेहबाद, पिलानी, अजमेर, दिसा, भूजपर्यंतची परतीची सीमा कायम होती. परतीस पोषक हवामान असल्याने दोन दिवसांत गुजरात, राजस्थान, हरियाणा, पंजाबच्या आणखी काही भागासह हिमाचल प्रदेश, जम्मू काश्मीरच्या काही भागातून मॉन्सूनची माघार शक्य आहे..शुक्रवारी (ता. १९) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३०.४---२१.९अहिल्यानगर---३०.०---२२.५धुळे---२९.०---२०.०जळगाव---३१.२---२३.६जेऊर---२८.०---२०.०कोल्हापूर---२९.५---२२.०महाबळेश्वर---२१.०---१७.६.Maharashtra Rain: मध्य महाराष्ट्र, मराठवाडा, विदर्भात विजांसह पावसाचा अंदाज.मालेगाव---३०.०---२२.०नाशिक---२९.८---२२.३निफाड---२९.७---२२.३सांगली---३०.९---२२.६सातारा---२९.६---२१.२सोलापूर---३१.७---२३.२सांताक्रूझ---३०.६---२५.८डहाणू---३०.३---२४.५.रत्नागिरी---२९.१---२४.१छत्रपती संभाजीनगर---२८.२---२३.७धाराशिव---२८.२---२१.०परभणी---३२.६---२२.५अकोला---३२.५---२४.८अमरावती---३२.६---२३.१भंडारा---३२.२---२७.०बुलडाणा---३०.३---२३.२.ब्रह्मपुरी---३५.२---२५.१चंद्रपूर---३२.८---२४.८गडचिरोली---३२.४---२५.०गोंदिया---३०.८---२४.२नागपूर---३३.२---२३.२वर्धा---३३.९---२४.४वाशीम---३०.०---२२.८यवतमाळ---३१.४---२३.०विजांसह पावसाचा इशारा (येलो अलर्ट) :नंदूरबार, धुळे, जळगाव, नाशिक, अहिल्यानगर, पुणे, सातारा, सोलापूर, सांगली, छत्रपती संभाजीनगर, जालना, बीड, परभणी, धाराशिव, लातूर, वर्धा, नागपूर, भंडारा, गोंदिया, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
