Pune News : राज्यात अनेक ठिकाणी कमी अधिक प्रमाणात पाऊस पडत आहे. पण मराठवाडा आणि मध्यम महाराष्ट्रातील काही भागात जोरदार पावसाची गरज आहे. हवामान विभागाने राज्याच्या कोकण, मध्य महाराष्ट्राचा काही भाग आणि विदर्भातील काही भागात चांगल्या पावसाची शक्यता व्यक्त केली.
हवामान विभागाने आज राज्यातील ५ जिल्ह्यांना काही ठिकाणी जोरदार ते अतिजोरदार पावसाचा रेड अलर्ट दिला. रायगड, सातारा, चंद्रपूर, वर्धा आणि नागपूर जिल्ह्याला आज रेड अलर्ट देण्यात आला.
तर सिंधुदूर्ग, रायगड, पालघर आणि ठाणे, पुणे आणि कोल्हापूर तर विदर्भातील अमरावती, यवतमाळ, गडचिरोली, भंडारा आणि गोंदीया तसेच नांदेड जिल्ह्यात काही ठिकाणी जोरदार ते अतिजोरदार पावसाचा ऑरेंज अलर्ट देण्यात आला. मराठवाडा, विदर्भ आणि खानदेशातील इतर जिल्ह्यांमध्ये काही ठिकाणी जोरदार पावसाचा येलो अलर्ट देण्यात आला.
उद्या रत्नागिरी, रायगड आणि सातारा जिल्ह्यात तसेच विदर्भातील अकोला, अमरावती, यवतमाळ, वर्धा आणि नागपूर जिल्ह्यात काही ठिकाणी जोरदार ते अतिजोरदार पावसाचा ऑरेंज अलर्ट हवामान विभागाने दिला. तसेच विदर्भातील इतर जिल्ह्यांना काही ठिकाणी जोरदार पावसाचा येलो अलर्ट हवामान विभागाने दिला. मराठवाड्यातील परभणी, जालना खानदेशातील जळगाव, धुळे मध्य महाराष्ट्रातील नाशिक, पुणे आणि कोल्हापूर जिल्ह्यात तसेच सिंधुदूर्ग, ठाणे, मुंबई आणि पालघर जिल्ह्यात काही ठिकाणी जोरदार पावसाचा येलो अलर्ट देण्यात आला.
सोमवारी, मंगळवारी आणि बुधवारी या तीन दिवसांमध्ये विदर्भातील सर्वच जिल्ह्यांमध्ये काही ठिकाणी जोरदार पावसाचा येलो अलर्ट देण्यात आला. तसेच कोकण आणि मध्य महाराष्ट्रातील घाटमाथ्यावरही काही ठिकाणी जोरदार पावसाचा येलो अलर्ट हवामान विभागाने दिला. इतर मराठवाडा आणि इतर जिल्ह्यांमध्ये काही ठिकाणी हलक्या पावसाचा अंदाज दिला.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.