Paus Andaj : उद्यापासून पावसाची उघडीप राहणार; राज्यातील अनेक भागात पावसाची उघडीप राहण्याचा अंदाज

Pune News : राज्यातील काही भागात हलक्या सरी पडत आहेत. तर काही भागात हवेत गारवाही जाणवत आहे. हवामान विभागाने राज्यातील काही भागात पुढील दोन दिवस काही ठिकाणी हलक्या ते मध्यम पावसाचा अंदाज व्यक्त केला. तर गावरही वाढण्याची शक्यता आहे.

हवामान विभागाने आज कोकणातील सिंधुदूर्ग आणि रत्नागिरी, तर मध्य महाराष्ट्रातील कोल्हापूर आणि सातारा तसेच मराठवाड्यातील धाराशिव, लातूर आणि नांदेड जिल्ह्यात काही ठिकाणी विजांसह हलक्या ते मध्यम पावसाचा येलो अलर्ट हवामान विभागाने दिला.

तसेच रायगड, ठाणे, पुणे, सोलापूर, अहिल्यानगर, बीड आणि हिंगोली जिल्ह्यात काही ठिकाणी हलक्या पावसाचा अंदाज आहे.

उद्या सिंधुदूर्ग, रत्नागिरी, कोल्हापूर, सातारा, धाराशिव आणि लातूर तर शनिवारी सिंधुदूर्ग, रत्नागिरी, कोल्हापूर आणि सातारा जिल्ह्यात काही ठिकाणी हलक्या ते मध्यम पावसाचा अंदाज हवामान विभागाने दिल. तर राज्याच्या बहुतांशी भागात पावसाची उघडीप राहण्याचा अंदाज आहे.