Pune News: राज्यात बहुतांश भागात पावसाने उघडीप दिली आहे. परंतु तुरळक ठिकाणी हलक्या ते मध्यम सरी हजेरी लावत आहेत. आज राज्यात कोकण, मध्य महाराष्ट्र, मराठवाड्यासह विदर्भात तुरळक ठिकाणी हलक्या ते मध्यम सरी हजेरी लावण्याची शक्यता हवामान विभागाने वर्तवली आहे. .राज्यात काही ठिकाणी ऊन-सावलीचा खेळ सुरु आहे. तर काही भागात कमाल तापमानात वाढ झाल्याने उन्हाचा चटका बसू लागला आहे. आज राज्यात कोकणातील सिंधूदुर्ग, मध्य महाराष्ट्रातील अहिल्यानगर, कोल्हापूर,सांगली, सोलापूर, मराठवाड्यातील परभणी, बीड, हिंगोली, नांदेड, लातूर, धाराशिव, तसेच विदर्भातील भंडारा, चंद्रपूर, गडचिरोली, गोंदिया, नागपूर आणि यवतमाळ जिल्ह्यात तुरळक ठिकाणी पावसाचा इशारा हवामानशास्त्र विभागाने दिला आहे..Maharashtra Rain: राज्यात विजांसह पावसाचा अंदाज कायम.तर उर्वरित भागात हलक्या पावसाच्या सरी हजेरी लावण्याची शक्यता आहे. तर रविवारपासून राज्यात बहुतांश भागात पावसाचा जोर कमीच राहणार आहे. रविवारी विदर्भातील चंद्रपूर, गडचिरोळी आणि गोंदिया जिल्ह्यासह मराठवाड्यातील सर्व जिल्ह्यात हलक्या सरी तुरळक ठिकाणी हजेरी लावण्याचा अंदाज आहे..Cyclone Shakti: अरबी समुद्रात घोंघावतेय ‘शक्ती’ चक्रीवादळ.तर सोमवार, मंगळवार आणि बुधवारपर्यंत राज्यात तुरळक ठिकाणी पावसाच्या हलक्या सरीचा अंदाज आहे. अरबी समुद्रावर कालपासून तयार झालेलं डीप डिप्रेशन उत्तर-पश्चिम दिशेने सरकलं आहे. तर आज सकाळी ५ वाजून ३० मिनिटांनी पुढे पश्चिमेकडे सरकून तीव्र चक्रीवादाळात रुपांतरीत झालं आहे..त्यामुळे पुढील २४ तास राज्यातील मुंबई, ठाणे, पालघर, सिंधुदुर्ग, रत्नागिरी जिल्ह्यांना सतर्कतेचा इशारा देण्यात आला आहे. परंतु उर्वरित राज्यात या चक्रीवादळाचा फारसा परिणाम जाणवणार नाही. मॉन्सूनच्या वाऱ्याने उत्तर भारताच्या बहुतांश भागातून काढता पाय घेतला आहे. आज मॉन्सूनच्या परतीची सीमा वेरावल, भरूच, उज्जैन, झांसी, शाहजहानपूर भागात आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
