Pune News : राज्यातील काही भागात उष्णतेची लाट तर काही भागात ढगाळ वातावरणासह वादळी पाऊस पडत आहे. हवामान विभागाने पुढील चार दिवस राज्यातील काही भागात वादळी पावसाचा अंदाज दिला. तर काही भागात उष्णतेच्या लाटेचा इशारा दिला आहे.
हवामान विभागाने आज आणि उद्या कोकणातील काही भागात उष्णतेच्या लाटेचा इशारा दिला. तर काही भागात वादळी पावसाचा अंदाज दिला. तसेच रत्निगारी, रायगड, कोल्हापूर, नाशिक, धुळे आणि जळगाव जिल्ह्यात वादळी पावसाचा ऑरेंज अलर्ट देण्यात आला. तर मध्य महाराष्ट्र, मराठवाडा, खानदेश आणि विदर्भाती काही ठिकाणी विजा आणि मेघगर्जनेसह पावसाचा अंदाज दिला.
तसेच उद्या नगर आणि नाशिक जिल्ह्यातही वादळी पावसाचा ऑरेंज अलर्ट दिला. कोकण, मध्य महाराष्ट्र, मराठवाडा, खानदेश आणि विदर्भातील काही ठिकाणी विजा आणि मेघगर्जनेसह वादळी पावसाचाही अंदाज हवामान विभागाने दिला.
शुक्रवारी कोकणातील सिंधुदूर्ग, रत्नागिरी आणि रायगड जिल्ह्यात तर मध्य महाराष्ट्रातील कोल्हापूर, सातारा आणि पुणे तसेच नगर, सोलापूर आणि सांगली जिल्ह्यातही वादळी पावसाचा अंदाज आहे. मराठवाडा आणि विदर्भातील काही भागातही वादळी पावसाचा अंदाज हवामान विभागाने दिला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.