Pune News : उत्तर मध्य महाराष्ट्र आणि परिसरावरील कमी दाब प्रणालीने राज्यात पावसाचा जोर वाढला आहे. आज (ता. २९) उत्तर कोकण आणि लगतच्या घाटमाथ्यावर जोरदार पावसाची शक्यता असल्याने दक्षतेचा इशारा (ऑरेंज अलर्ट) आहे. उर्वरित कोकण, घाटमाथ्यासह, मध्य महाराष्ट्रात विजांसह, जोरदार पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..कमी दाब क्षेत्रामुळे राज्यात दमदार पावसाने हजेरी लावली आहे. कोकण, घाटमाथा, मध्य महाराष्ट्र, मराठवाड्यात अतिवृष्टीची नोंद झाली आहे. पश्चिम विदर्भातही जोरदार पाऊस कोसळला. रविवारी (ता. २८) सकाळपर्यंतच्या २४ तासांमध्ये पालघर येथे १८० मिलिमीटर पावसाची नोंद झाली. तर भंडारा येथे राज्यातील उच्चांकी ३३ अंश सेल्सिअस तापमानाची नोंद झाली. रविवारी दिवसभर हलक्या ते मध्यम सरी कोसळत होत्या..आज (ता. २९) पालघर, ठाणे, मुंबई, रायगड, नाशिक जिल्ह्यांचा घाटमाथा, पुणे जिल्ह्याच्या घाटमाथ्यावर जोरदार पावसाचा अंदाज असल्याने दक्षतेचा इशारा (ऑरेंज अलर्ट) देण्यात आला आहे. रत्नागिरी, सिंधुदुर्ग, नाशिक, सातारा जिल्ह्यांच्या घाटमाथ्यावर, कोल्हापूर जिल्ह्याच्या घाटमाथ्यावर जोरदार सरींचा, तर नंदुरबार, धुळे, अहिल्यानगर, पुणे, छत्रपती संभाजीनगर जिल्ह्यांत विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..Maharashtra Heavy Rain: पावसामुळे पुन्हा हाहाकार.कमी दाब क्षेत्र गुजरातकडे जाणारपश्चिम विदर्भ आणि उत्तर मध्य महाराष्ट्रात कमी दाब क्षेत्र सक्रिय आहे. त्याला लागून समुद्र सपाटीपासून ७.६ किलोमीटर उंचीवर चक्राकार वाऱ्यांची स्थिती आहे. आज (ता. २९) ही प्रणाली गुजरातमधून अरबी समुद्राकडे जाणार आहे. या प्रणालीपासून पश्चिम मध्य बंगालच्या उपसागरापर्यंत हवेचा कमी दाबाचा पट्टा सक्रिय आहे. उत्तर अंदमान समुद्रातील चक्राकार वाऱ्यामुळे बंगालच्या उपसागरात १ ऑक्टोबर रोजी नव्याने कमी दाबाचे क्षेत्र तयार होण्याचे संकेत आहेत..Monsoon Heavy Rain: लातूर, धाराशिवमध्ये पावसाचा धुमाकूळ सुरूच.मॉन्सून परतीचा प्रवास जैसे थेनैॡत्य मोसमी वाऱ्यांनी (मॉन्सून) शुक्रवारी (ता. २६) संपूर्ण राजस्थान, जम्मू काश्मीर, लडाख, हिमाचल प्रदेश, उत्तराखंड मधून माघार घेतली आहे. तसेच गुजरात, मध्य प्रदेश, उत्तर प्रदेशच्या आणखी काही भागातून मॉन्सून परतला आहे. वेरावल, भरूच, उज्जैन, झांसी, शहाजहानपूरपर्यंतची मॉन्सूनच्या परतीची सीमा रविवारी (ता. २८) कायम होती. मध्य भारतातील कमी दाबाचे क्षेत्र आणि पावसाची शक्यता यामुळे आठवडाभर मॉन्सूनचा परतीचा प्रवास अडखळण्याची शक्यता आहे..रविवारी (ता. २८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---२५.३---२०.९अहिल्यानगर---२५.८---२१.५धुळे---३०.०---१९.८जळगाव---३२.५---२३.४जेऊर---२४.०---१८.५कोल्हापूर---२२.०---२०.१महाबळेश्वर---१८.८---१६.४मालेगाव---२९.४---१८.८नाशिक---२९.५---२१.३निफाड---३०.२---२१.१सांगली---२२.०---२०.०सातारा---२३.२---२०.५सोलापूर---२३.५---२१.५सांताक्रूझ---२७.७---२३.९डहाणू---३१.९---२३.०रत्नागिरी---२४.७---२२.७छत्रपती संभाजीनगर---२७.४---२२.२धाराशिव---२५.६---१९.८परभणी---२४.९---२३.०परभणी (कृषी)---२४.५---२२.५अकोला---३०.२---२३.७अमरावती---३०.८---२२.०भंडारा---३३.०---२४.०बुलडाणा---२८.५---२२.५ब्रह्मपुरी---२९.२---२४.१चंद्रपूर---२८.५---२२.५गडचिरोली---२६.६---२३.८गोंदिया---३०.४---२३.६नागपूर---२८.६---२४.०वर्धा---२९.०---२४.४वाशीम---२७.८---२१.८यवतमाळ---३०.०---२३.० जोरदार पावसाचा इशारा (ऑरेंज अलर्ट) :पालघर, ठाणे, मुंबई, रायगड, नाशिक घाटमाथा, पुणे घाटमाथा.जोरदार पावसाचा इशारा (येलो अलर्ट) :रत्नागिरी, सिंधुदुर्ग, नाशिक, सातारा घाटमाथा, कोल्हापूर घाटमाथा.विजांसह पावसाचा इशारा (येलो अलर्ट) :नंदुरबार, धुळे, अहिल्यानगर, पुणे, छत्रपती संभाजीनगर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
