Maharashtra Winter Season: राज्यात गुलाबी थंडीची चाहूल लागली आहे. उत्तर महाराष्ट्राला हुडहुडी भरली असून, धुळे, निफाड आणि जळगावमध्ये किमान तापमानात मोठी घसरण झाल्याने थंडीची स्थिती अनुभवायला मिळाली. शुक्रवारी (ता. २०) धुळे येथील कृषी महाविद्यालयात राज्यातील यंदाच्या हंगामातील नीचांकी ६.३ अंश तर निफाड येथे ६.५ अंश सेल्सिअस तापमानाची नोंद झाली आहे. आज (ता. २१) राज्याच्या किमान तापमानातील घट कायम राहण्याची शक्यता आहे..बंगालच्या उपसागरात ‘अक्वान’ चक्रीवादळ धडकून जमिनीवर आले असून, या प्रणालीची तीव्रता वेगाने कमी होऊ लागली आहे. चक्रीवादळाच्या प्रभावामुळे उत्तरेकडील थंड हवा येऊ लागल्याने उत्तर महाराष्ट्र गारठला असून, राज्याच्या किमान तापमानात घट झाल्याचे दिसून आले आहे. दिवसाच्या कमाल तापमानात घट झाली आहे..किमान तापमानाचा पारा घसरल्याने शुक्रवारी (ता. २०) धुळे आणि निफाड येथे थंडीची लाट आली. त्यापाठोपाठ जळगाव येथे ८ अंश सेल्सिअस, नाशिक आणि यवतमाळ येथे प्रत्येकी १० अंश, परभणी येथील वसंतराव नाईक मराठवाडा कृषी विद्यापीठात १०.१ अंश, तसेच पुण्यात ११.३ आणि जेऊर येथे १२ अंश सेल्सिअस तापमानाची नोंद झाल्याने हुडहुडी वाढली. राज्यात बहुतांश ठिकाणी पारा १५ अंशांच्या खाली घसरला आहे..Maharashtra Climate Update: राज्यात तापमानात चढ-उतार शक्य.राज्याच्या कमाल तापमानात देखील घट होऊ लागली असून, शुक्रवारी (ता. २०) सकाळपर्यंतच्या २४ तासांमध्ये कोकणातील रत्नागिरी येथे राज्यातील उच्चांकी ३४.५ अंश सेल्सिअस कमाल तापमानाची नोंद झाली. राज्यात बहुतांशी ठिकाणी कमाल तापमानाचा पारा ३० अंशांच्या खाली घसरला आहे..आज (ता. २१) अक्वान चक्रीवादळाच्या अवशेषामुळे विदर्भ आणि मराठवाड्यात ढगाळ हवामानाची शक्यता असून, विदर्भात तुरळक ठिकाणी हलक्या पावसाचा अंदाज वर्तविण्यात आला आहे. यातच किमान तापमानातील घट कायम राहून गारठा कायम राहण्याची शक्यताही वर्तविण्यात आली आहे..‘अक्वान’ चक्रीवादळ निवळणारबंगालच्या उपसागरातील ‘अक्वान’ चक्रीवादळ शुक्रवारी (ता. २०) सकाळी ओडिशातील गोपाळपूरजवळ आंध्र प्रदेश आणि ओडिशाच्या किनाऱ्याला धडकले. शुक्रवारी रात्री उशिरापर्यंत या वादळाची तीव्रता कमी होऊन ही प्रणाली ओसरणार आहे. या वादळामुळे ओडिशा आणि आंध्र प्रदेशात जोरदार पाऊस कोसळत असून, पूर्व विदर्भात ढगाळ हवामान झाले होते..शुक्रवारी (ता. २०) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३०.८---११.३अहिल्यानगर---३१.८---१३.७धुळे---२९.८---६.३जळगाव---३०.८---८.०जेऊर---३१.०---१२.०कोल्हापूर---२९.८---१५.८महाबळेश्वर---२४.१---१२.४नाशिक---२९.२---१०.०.निफाड---३०.७---६.५सांगली---३२.०---१४.३सातारा---३०.७---१३.१सोलापूर---३२.३---१३.४सांताक्रूझ---३३.६---२१.०डहाणू---३३.९---१६.६रत्नागिरी---३४.५---१९.२.Akvan Cyclone Update: दिशा बदलल्याने ‘अक्वान’चा महाराष्ट्रावर प्रभाव नाही.छत्रपती संभाजीनगर---३०.२---१२.४धाराशिव---३२.०---१३.०परभणी---३०.३---१६.१परभणी (कृषी)---२९.५---१०.१अकोला---३१.२---१२.९अमरावती---३१.४---१३.२ब्रह्मपूरी---२९.०---१७.२बुलडाणा---२८.०---१४.८चंद्रपूर---३१.६---१७.०.गडचिरोली---३०.२---१५.२गोंदिया---२९.८---१५.८नागपूर---२९.४---१४.८वर्धा---३०.०---१५.०वाशीम---२९.४---१४.२यवतमाळ---२९.६---१०.०.सरासरी तापमान (अंश से.)विभाग---किमान---कमालउत्तर महाराष्ट्र---६.३---३१.८पश्चिम महाराष्ट्र---११.३---३२.३कोकण---१६.६---३४.५मराठवाडा---१०.१---३२.०विदर्भ---१०.०---३१.६राज्यात गारठा वाढलेली ठिकाणे (तापमान अंश सेल्सिअसमध्ये) : धुळे ६.३, निफाड ६.५, जळगाव ८, नाशिक १०. यवतमाळ १०. परभणी (कृषी) १०.१..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.