Pune News: मॉन्सून वाऱ्यांनी तब्बल दोन आठवड्यानंतर परतीचा प्रवास सुरु केला आहे. आज मॉन्सूनने महाराष्ट्राच्या काही भागातून माघार घेतली आहे. तसेच गुजरात उर्वरित भागासह मध्य प्रदेश आणि उत्तर प्रदेशच्या बहुतांश भागासह बिहारमधील काही भागातून मॉन्सून परतला आहे. मॉन्सूनच्या परतीची सीमा आज अलिबाग, अहिल्यानगर, अकोला, जब्बलपूर, वाराणसी आणि राहुल या भागात आहे..मॉन्सूनच्या परतीच्या प्रवासाला पोषक हवामान झाल्याने पुढील ३ ते ४ दिवसात मॉन्सून उर्वरित महाराष्ट्र, मध्य प्रदेश, उत्तर आणि बिहारसह संपूर्ण झारखंड, छत्तीसगड आणि पश्चिम बंगाल, सिक्कीम, ओडिशा व तेलंगाणाच्या काही भागातून माघार घेईल, असा अंदाज हवामान विभागाने दिला आहे..Maharashtra Weather: कोकण, मध्य महाराष्ट्रात विजांसह पावसाचा अंदाज कायम.पुढील दोन ते तीन दिवस कोकण, मध्य महाराष्ट्रात तुरळक ठिकाणी हलक्या ते मध्यम सरी हजेरी लावण्याची शक्यता आहे. तर उर्वरित राज्यात कोरड्या हवामानासह स्वच्छ सूर्यप्रकाश राहील, असा अंदाज हवामानशास्त्र विभागाने दिला आहे..Monsoon Rain Update: पाऊस उघडीप देण्याची शक्यता; राज्यातील काही भागात ढगाळ हवामानासह हलक्या सरींचा अंदाज.आज कोकणातील रत्नागिरी आणि सिंधुदुर्ग जिल्ह्यात तसेच मध्य म्हराष्ट्रातील कोल्हापूर, सातारा आणि सांगली जिल्ह्यात तुरळक ठिकाणी विजांसह हलक्या ते मध्यम सरी हजेरी लावतील. तर उद्या रत्नागिरी, सिंधूदुर्ग, कोल्हापूर, सातारा आणि सांगली जिल्ह्यात तुरळक ठिकाणी हलक्या सरी हजेरी लावतील, असा अंदाज हवामान विभागाने वर्तवला आहे. .तर उर्वरित राज्यात पुढील चार दिवस राज्यात प्रामुख्याने कोरड्या हवामानसह स्वच्छ सूर्यप्रकाश राहील, असा अंदाज हवामान विभागाने दिला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
