Pune News: मॉन्सूनने म्हणजेच नैऋत्य मोसमी वाऱ्याने अहिल्यानगर, अकोल्यापर्यंतच्या भागातून माघार घेतल्यानंतर एक दिवस मॉन्सूनच्या परतीचा प्रवास थांबला होता. त्यानंतर आज मॉन्सूनने गडचिरोलीचा काही भाग वगळता संपूर्ण महाराष्ट्रातून माघार घेतल्याचे हवामानशास्त्र विभागाने जाहीर केले आहे. मॉन्सूनच्या परतीची सीमा कारवार, कलबुर्गी, निझामाबाद, कानकेर, किओंझरगड, सागर बेट, गुवाहाटीमध्ये आहे. .मॉन्सूनने संपूर्ण गोवा, झारखंड, पश्चिम बंगाल व सिक्कीम आणि बिहारमधील उर्वरित भागांतून माघार घेतली आहे. तसेच मध्य प्रदेश, उत्तर प्रदेश, छत्तीसगड आणि महाराष्ट्राच्या बहुतांश भागांतूनही मॉन्सून परतला असून पुढील दोन दिवसात उर्वरित महाराष्ट्र, तेलंगणा, छत्तीसगड, ओडिशा आणि ईशान्य राज्यांतून लवकरच माघार घेण्याची शक्यता आहे..Maharashtra Weather : राज्यात उन्हाचा चटका कायम.दरम्यान, आंध्र प्रदेश, तमिळनाडू, आसाम आणि बंगालच्या उपसागरात चक्राकार वाऱ्याची स्थिती सक्रीय आहे. त्यामुळे वातावरणात आर्द्रता वाढून वारे महाराष्ट्राकडे वाहून येत आहे. त्यामुळे महाराष्ट्रात पावसाला पोषक हवामान झाले आहे. .Weekly Weather: महाराष्ट्रातून मॉन्सून परतीच्या मार्गावर.राज्यात मंगळवारपासून विविध भागात पाऊस हजेरी लावण्याचा अंदाज आहे. मध्य महाराष्ट्रातील सांगली, सोलापूरसह मराठवाड्यातील नांदेड, लातूर, धाराशिव तसेच विदर्भातील गडचिरोली, चंद्रपूर, नागपूर, वर्धा, वाशीम आणि यवतमाळ जिल्ह्यात मंगळवारी तुरळक ठिकाणी विजांच्या कडकडाटासह पावसाचा इशारा देण्यात आला आहे. तर छत्रपती संभाजीनगर, जालना, परभणी, बीड, हिंगोली,तसेच अहिल्यानगर, पुणे, कोल्हापूर, सातारा जिल्ह्यात तुरळक ठिकाणी हलक्या सरीचा अंदाज आहे..बुधवारी कोकणातील रत्नागिरी, सिंधूदुर्ग, मध्य महाराष्ट्रातील पुणे, कोल्हापूर, सातारा, सांगली, सोलापूर मराठवाड्यातील छत्रपती संभाजीनगर, जालना, परभणी, बीड, नांदेड, लातूर, धाराशिव विदर्भातील अकोला, अमरावती, भंडारा, बुलढाणा, चंद्रपूर, गडचिरोली, गोंदिया, नागपूर, वर्धा, वाशीम, यवतमाळ जिल्ह्यात तुरळक ठिकाणी विजांसह पावसाचा इशारा हवामान विभागाने दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
