Rain Update 2026 : मॉन्सूनचा राज्यातील प्रवास तब्बल दोन आठवड्यांच्या मुक्कामानंतर सोमवारी (ता.२२) सुरु झाला आहे. मॉन्सूनने सोमवारी राज्यातील अलिबाग आणि मध्य महाराष्ट्रातील पुण्यापर्यंतचा भाग व्यापला असून पुढील ४८ तासांत मॉन्सून मुंबईत दाखल होण्याची शक्यता हवामानशास्त्र विभागाने वर्तवली आहे. .मॉन्सूनने राज्यात ८ जून रोजी कोकण आणि मध्य महाराष्ट्रातील काही भागात मजल मारली होती. परंतु त्यानंतर मॉन्सूनच्या पुढील वाटचालीसाठी पोषक स्थिती नसल्याने दोन आठवडे मॉन्सूनची स्थिती जैसे थे होती. मॉन्सूनची सीमा हरणई, सोलापूर, हैदराबाद, भद्राचलम, कोरापुट, फुलबनी, रांची, जमुई, मुझफ्फरपूर भागात कायम होती..सोमवारी मात्र मॉन्सूनने आगेकूच करत अलिबाग, पुणे, निझमाबाद, दंतेवाडा, बालांगीर, सुंदरगढ, छत्रा, गया, मुझफ्फरनगर या भागापर्यंत आगेकूच केली आहे. तसेच पुढील ४८ तासांत मॉन्सून राज्याच्या आणखी काही भागात प्रवेश करण्यासाठी पोषक स्थिती असल्याचे हवामानशास्त्र विभागाने स्पष्ट केले आहे..मॉन्सूनच्या दीर्घकालीन आगमनाच्या वेळ लक्षात घेता २० जून रोजी मॉन्सून संपूर्ण महाराष्ट्र व्यापतो. यंदा मात्र २२ जूनपर्यंत मॉन्सूनने कोकण आणि मध्य महाराष्ट्रातील काही भागात प्रवेश केला आहे. मागील दोन आठवडे राज्यात पावसाने दडी मारल्याने उन्हाचा चटका वाढला असून उकाड्यात वाढ झाली आहे. तर शेतकऱ्यांच्या खरीप पेरण्या खोळांबल्या आहेत..Maharashtra Monsoon Session: अधिवेशनात कर्जमाफी, पीकविमा मुद्दे गाजणार.दरम्यान, राज्यात पावसाला पोषक हवामान असून विदर्भ आणि मराठवाड्यात मात्र उन्हाचा चटका कायम आहे. तर कोकण आणि मध्य महाराष्ट्रातील बहुतांश भागात सकाळपासूनच ढगाळ हवामानासह हलक्या सरी हजेरी लावत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.