Pune News : राज्यातून मॉन्सून परतीसाठी पोषक हवामान होत आहे. आज (ता. ६) पूर्व विदर्भात विजांसह पावसाचा अंदाज असल्याने दक्षतेचा इशारा (येलो अलर्ट) देण्यात आला आहे. उत्तर महाराष्ट्र, मराठवाड्यात तुरळक ठिकाणी विजांसह पावसाच्या सरींची शक्यता हवामान विभागाने वर्तविली आहे..राज्यात पावसाचा जोर कमी झाल्यानंतर तुरळक ठिकाणी हलक्या सरी पडत आहेत. मराठवाड्यातील धाराशिवच्या वाशी येथे राज्यातील उच्चांकी १२६ मिलिमीटर पावसाची नोंद झाल्याचे हवामान विभागातर्फे सांगण्यात आले. उर्वरित राज्यात ढगाळ आकाशासह ऊन सावल्यांचा खेळ सुरू आहे. .Heavy Rain Impact: लोकप्रतिनिधी बाधित शेतकऱ्यांच्या बांधावर.उन्हाचा चटका वाढला असून, उकाडादेखील कायम आहे. अनेक ठिकाणी पारा तिशीपार असून, रविवारी (ता. ५) सकाळपर्यंतच्या २४ तासांमध्ये जळगाव येथे राज्यातील उच्चांकी ३३.५ अंश सेल्सिअस तापमानाची नोंद झाली.आज (ता. ६) विदर्भातील नागपूर, भंडारा, गोंदिया, चंद्रपूर, गडचिरोली जिल्ह्यात विजांसह पावसाची शक्यता असल्याने दक्षतेचा इशारा (येलो अलर्ट) देण्यात आला आहे. नंदूरबार, धुळे, जळगाव, परभणी, हिंगोली, धाराशिव, लातूर, नांदेड जिल्ह्यांत विजांसह पावसाचा अंदाज असून, उर्वरित राज्यात मुख्यतः उघडिपीसह तुरळक ठिकाणी हलक्या सरींची शक्यता आहे.महाराष्ट्रातून मॉन्सून माघारी फिरणारनैर्ऋत्य मोसमी वाऱ्यांनी (मॉन्सून) २६ सप्टेंबर रोजी संपूर्ण राजस्थान, जम्मू काश्मीर, लडाख, हिमाचल प्रदेश, उत्तराखंडमधून माघार घेतली आहे. तसेच गुजरात, मध्य प्रदेश, उत्तर प्रदेशच्या आणखी काही भागांतून मॉन्सून परतला. वेरावल, भरूच, उज्जैन, झांसी, शहाजहानपूरपर्यंतची मॉन्सूनच्या माघारीची सीमा रविवारी (ता. ५) कायम होती. आठवडाभरापासून थांबलेला परतीचा प्रवास पुन्हा सुरू होणार असून, चार ते पाच दिवसांत मध्य प्रदेश, उत्तर प्रदेश आणि महाराष्ट्राच्या काही भागांतून मॉन्सून परतण्याची शक्यता आहे..Rain Crop Damage : पावसाने खानदेशात हानी.‘शक्ती’ चक्रीवादळ ओसरतोयपश्चिम-मध्य अरबी समुद्रातील ‘शक्ती’ तीव्र चक्रीवादळ सक्रिय असून, या प्रणालीची तीव्रता ओसरण्यास सुरुवात झाली आहे. या प्रणालीचे केंद्र गुजरातच्या नालिया आणि द्वारकापासून ८२० किलोमीटर पश्चिमेकडे तर ओमानच्या मसिराह २५० किलोमीटर पूर्वेकडे आहे. .आज (ता. ६) हे चक्रीवादळ माघारी फिरणार असून महाराष्ट्र आणि गुजरातच्या किनाऱ्यालगतच्या अरबी समुद्राकडे येण्याची शक्यता आहे. त्यामुळे उद्या (ता. ७) किनारपट्टीवर ताशी ५५ ते ७५ किलोमीटर वेगाने वारे वाहण्याची, वादळी पावसाची, समुद्र खवळून उंच लाटा उसळण्याची शक्यता असल्याने मासेमारीसाठी खोल समुद्रात न जाण्याचा इशारा आहे..रविवारी (ता. ५) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३०.८---२१.०अहिल्यानगर---२९.२---निरंकधुळे---३३.०---१८.६जळगाव---३३.५---२२.६जेऊर---३२.०---१९.५कोल्हापूर---२९.७---२१.४महाबळेश्वर---२२.०---१६.१मालेगाव---२९.८---२१.०नाशिक---२९.३---२०.६निफाड---३०.७---२०.५सांगली---३०.०---२१.३सातारा---३१.२---२०.५सोलापूर---३२.४---२४.०सांताक्रूझ---३१.६---२३.९डहाणू---३२.८---२३.५रत्नागिरी---३०.४---२४.०छत्रपती संभाजीनगर---३१.६---२१.६धाराशिव---३०.३---२०.०परभणी---३२.३---२३.५अकोला---३२.५---२४.२अमरावती---३०.६---२१.९भंडारा---३१.०---२३.०बुलडाणा---३०.०---२१.५ब्रह्मपुरी---३१.७---२४.०चंद्रपूर---३२.६---२५.०गडचिरोली---२९.२---२३.४गोंदिया---३१.४---२४.६नागपूर---३३.०---२४.०वर्धा---३१.०---२४.०वाशीम---२९.२---२०.४यवतमाळ---निरंक---२३.०विजांसह पावसाचा इशारा (येलो अलर्ट) :नागपूर, भंडारा, गोंदिया, चंद्रपूर, गडचिरोली.विजांसह पावसाची शक्यता :नंदूरबार, धुळे, जळगाव, परभणी, हिंगोली, धाराशिव, लातूर, नांदेड..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
