Maharashtra Weather Update: राज्यात पावसाला पोषक स्थिती नसल्याने उघडीप पाहायला मिळत आहे. तर काही ठिकाणी ऊन-सावल्यांच्या खेळात हलक्या ते मध्यम श्रावण सरी हजेरी लावत आहेत. मात्र पावसाच्या सरी सर्वदूर हजेरी लावत नसल्याने शेतीपीकं तहानली आहेत. त्यामुळे शेतकरी पावसाची प्रतीक्षा करत आहेत..आज राज्यात पावसाची उघडिपीचा अंदाज असला तरी नांदेड, लातूर, धाराशिव आणि सोलापूर जिल्ह्यांत तुरळक ठिकाणी विजांसह हलक्या पावसाचा अंदाज देण्यात आला आहे. तर उर्वरित राज्यात ऊन-सावल्यांच्या खेळात तुरळक ठिकाणी हलक्या सरी हजेरी लावण्याची शक्यता हवामानशास्त्र विभागाने वर्तविली आहे. परंतु या सरी सर्वदूर हजेरी लावण्याची शक्यता कमीच आहे..Maharashtra Weather Forecast: राज्यात हलक्या पावसाचा अंदाज.हवामानशास्त्र विभागाने पुढील पाच दिवस पावसाची उघडीप कायम राहण्याचा अंदाज दिला आहे. उद्या म्हणजेच रविवारी जळगाव, धुळे, नाशिक जिल्ह्यांत विजांसह हलक्या पावसाची शक्यता आहे. तर सोमवारी गडचिरोली जिल्ह्यांत जोरदार पावसाचा येलो अलर्ट देण्यात आला आहे. तसेच मंगळवार आणि बुधवारी अहिल्यानगर जिल्ह्यांत तुरळक ठिकाणी विजांसह पावसाची अंदाज हवामानशास्त्र विभागाने दिला आहे..ऑगस्टच्या पहिल्या आठवड्यापासूनच विविध भागात पावसाने उघडीप दिल्याने ज्या शेतकऱ्यांकडे संरक्षित पाण्याची सोय आहे, ते शेतकरी पिकांना पाणी देत आहेत. त्यावर खरीप पीकं तग धरून आहेत. परंतु पीकं फुलोरा अवस्थेत असल्याने पिकांची तहान वाढली आहे. त्यामुळे शेतकरी समाधानकारक पावसाच्या प्रतीक्षेत आहेत..Rain Update: मराठवाडा आणि मध्य महाराष्ट्रात हलक्या सरींची शक्यता; ५ दिवसांचा अंदाज काय?.सध्या मॉन्सूनचा आस अमृतसर, नजीबाबाद, हरदोई, मध्य प्रदेशाच्या ईशान्य भागातील कमी दाबाचे केंद्र, जमशेदपूर आणि दिघा या भागातून पुढे आग्नेय दिशेने ईशान्य बंगालच्या उपसागरापर्यंत सक्रिय आहे. हा आस समुद्रसपाटीपासून ०.९ किलोमीटर उंचीपर्यंत विस्तारलेला आहे..मध्य प्रदेशाच्या ईशान्य भागात आणि परिसरात असलेले कमी दाबाचे क्षेत्र कायम आहे. या कमी दाबाच्या क्षेत्राशी संबंधित चक्राकार वाऱ्यांची स्थिती समुद्रसपाटीपासून ४.५ किलोमीटर उंचीपर्यंत विस्तारली आहे. या हवामान प्रणालीच्या प्रभावामुळे मध्य भारतासह संबंधित भागांमध्ये पावसाची स्थिती कायम राहण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
