Weather Forecast: राज्याच्या कमाल आणि किमान तापमानात सातत्याने चढ-उतार होत आहे. राज्यात थंडीची चाहूल लागली असून, अनेक ठिकाणी किमान तापमानाचा पारा १५ अंशांच्या खाली घसरला आहे. निफाड येथील गहू संशोधन केंद्रात राज्याचे यंदाच्या हंगामातील नीचांकी ११.८ अंश सेल्सिअस तापमान नोंदले गेले. आज (ता. ९) राज्याच्या तापमानातील चढ-उतार कायम राहण्याची शक्यता हवामान विभागाने वर्तविली आहे..कोमोरिन भागात समुद्र सपाटीपासून ९०० मीटर उंचीवर चक्राकार वाऱ्यांची स्थिती आहे. तमिळनाडू, केरळ ते पूर्व मध्य अरबी समुद्रापर्यंत हवेचा कमी दाबाचा पट्टा विस्तारला आहे. रविवारी (ता. ८) सकाळपर्यंतच्या २४ तासांमध्ये कोकणातील कुलाबा येथे राज्यातील उच्चांकी ३६.६ अंश सेल्सिअस तापमानाची नोंद झाली आहे. सांताक्रूझ येथे ३६ अंशांपेक्षा अधिक, रत्नागिरी, सोलापूर, जळगाव येथे ३५ अंशांपेक्षा अधिक तापमान नोंदले गेले..Maharashtra Cold Weather: डिसेंबर महिन्यात थंडीचा कडाका अधिक.राज्याच्या किमान तापमानात घट होत, असून थंडीची चाहूल लागली आहे. रविवारी (ता. ८) निफाडपाठोपाठ धुळे आणि यवतमाळ येथे १२.४ सेल्सिअस, परभणी येथील वसंतराव नाईक मराठवाडा कृषी विद्यापीठात १३.२ अंश सेल्सिअस, तर जळगाव, नाशिक, .Maharashtra Cold Weather: किमान तापमानात वाढ शक्य.गोंदिया, जेऊर येथे १५ अंशांपेक्षा कमी तापमानाची नोंद झाल्याने गारठा जाणवू लागला आहे. आज (ता. ९) राज्याच्या कमाल आणि किमान तापमानात चढ-उतार कायम राहण्याचा अंदाज हवामान विभागाने वर्तविला आहे..उन्हाचा चटका अधिक असलेली ठिकाणे(तापमान अंश सेल्सिअसमध्ये)कुलाबा ३६.६, सांताक्रूझ ३६.२, रत्नागिरी ३५.७, सोलापूर ३५.६, जळगाव ३५.राज्यात गारठा वाढलेली ठिकाणे (तापमान अंश सेल्सिअसमध्ये)निफाड ११.८, धुळे १२.४, यवतमाळ १२.४, परभणी (कृषी) १३.२..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
