Maharashtra Weather Forecast: राज्यात बहुतांश भागात पावसाने उघडीप दिली असून कोकण आणि घाटमाथ्यावर तुरळक ठिकाणी पावसाच्या हलक्या ते मध्यम सरी हजेरी लावत आहेत. .तर राज्याच्या उर्वरित भागात तुरळक ठिकाणी ढगाळ हवामानासह ऊन-सावल्यांच्या खेळात हलक्या सरी हजेरी लावत आहेत. मध्य महाराष्ट्र आणि मराठवाड्यासह विदर्भात पावसाने उघडीप दिल्याने पिकं तहानलेली आहेत. त्यामुळे शेतकरी पावसाची प्रतीक्षा करत आहेत..Maharashtra Monsoon: राज्यात हलक्या पावसाची शक्यता.आज पुणे आणि सातारा जिल्ह्यांच्या घाटमाथ्यासह ठाणे, मुंबई, रायगड आणि रत्नागिरी जिल्ह्यांत काही ठिकाणी जोरदार पावसाचा येलो अलर्ट देण्यात आला आहे. तर उर्वरित राज्यात अंशत: ढगाळ हवामानासह ऊन-सावल्यांच्या खेळात तुरळक ठिकाणी हलक्या सरी हजेरी लावण्याची शक्यता हवामानशास्त्र विभागाने वर्तवली आहे..Rain Update: घाटमाथ्यावर जोरदार पावसाचा इशारा; उर्वरित राज्यात हलक्या सरींची शक्यता .तर उद्या म्हणजेच बुधवारी पुणे घाटमाथ्यावर जोरदार पावसाचा ऑरेंज अलर्ट जारी करण्यात आला असून नाशिक घाटमाथा, सातारा घाटमाथा, कोल्हापूर घाटमाथ्यासह ठाणे, मुंबई, रायगड, रत्नागिरी, सिंधुदुर्ग जिल्ह्यांत काही ठिकाणी जोरदार पावसाचा येलो अलर्टचा अंदाज दिला आहे.तर काही ठिकाणी हलक्या सरी हजेरी लावण्याचा अंदाज हवामानशास्त्र विभागाने दिला आहे..मॉन्सूनचा आस असलेला कमी दाबाचा पट्टा राजस्थानमधील बिकानेर, उत्तर मध्य प्रदेशातील कमी दाबाच्या केंद्रातून मध्य प्रदेशातील सिधी, झारखंडमधील रांची, पश्चिम बंगालमधील दिघा ते पूर्व-मध्य बंगालच्या उपसागरापर्यंत समुद्रसपाटीपासून १.५ किलोमीटर उंचीवर सक्रिय आहे.उत्तर-पश्चिम मध्य प्रदेश आणि परिसरातील कमी दाबाचे क्षेत्र कायम असून, त्याच्याशी संबंधित चक्राकार वाऱ्यांची स्थिती समुद्रसपाटीपासून ५.८ किलोमीटर उंचीपर्यंत विस्तारली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
