October Weather Update: उत्तर भारतासह महाराष्ट्राच्या काही भागातून मॉन्सूनच्या परतीसाठी पोषक हवामान होत आहे. यातच आज (ता. १) कोकण, मध्य महाराष्ट्रात तुरळक ठिकाणी विजांसह पावसाची शक्यता आहे. राज्यात ऑक्टोबर हीटचा चटका जाणवू लागला असून, राज्यात उन्हाचा चटका वाढण्याची शक्यता आहे..उत्तर म्यानमार आणि आग्नेय बांगलादेशमध्ये ठळक कमी दाबाचे क्षेत्र सक्रिय आहे. या प्रणालीची तीव्रता ओसरत आहे. नैॡत्य मोसमी वाऱ्यांनी (मॉन्सून) राजधानी दिल्लीसह राजस्थान, पंजाब, हरियानाच्या बहुतांश, तर गुजरात, उत्तर प्रदेशच्या काही भागातून माघार घेतली असून, मंगळवारी (ता. २९) मॉन्सूनच्या परतीची सीमा कायम होती. दोन ते तीन दिवसांत देशाच्या आणखी काही भागातून मॉन्सूनची माघार होण्याची शक्यता आहे..पूर्व-मध्य अरबी समुद्रामध्ये १.५ ते ४.५ किलोमीटर उंचीवर चक्राकार वाऱ्यांची स्थिती कायम आहे. उत्तर तमिळनाडूमध्ये १.५ दरम्यान चक्राकार वारे वाहत आहेत. तर दक्षिण कर्नाटकपासून मन्नारच्या आखातापर्यंत समुद्रसपाटीपासून ९०० मीटर उंचीवर हवेचा कमी दाबाचा पट्टा विस्तारला आहे.Maharashtra Rain Update: राज्यात कोणत्या भागात पावसाची शक्यता?.पावसाने उघडीप देताच, राज्यात दुपारच्या वेळी उन्हाचा चटका चांगलाच वाढला आहे. बुधवारी (ता. ३०) सकाळपर्यंतच्या २४ तासांमध्ये मालेगाव येथे राज्यातील उच्चांकी ३७.४ अंश सेल्सिअस तापमानाची नोंद झाली. महाबळेश्वर येथे राज्यातील नीचांकी १७.७ अंश सेल्सिअस तापमान नोंदले गेले. मध्य महाराष्ट्रातील सांगलीच्या तासगाव येथे ५० मिलिमीटर पावसाची नोंद झाली..मॉन्सूनचा परतीचा प्रवास सुरू असतानाच, आज (ता. १) कोकण, मध्य महाराष्ट्रात तुरळक ठिकाणी विजांसह हलक्या पावसाची शक्यता आहे. विदर्भ, मराठवाड्यासह उर्वरित राज्यात ढगाळ हवामान, ऊन सावल्यांच्या खेळात उन्हाचा चटका वाढण्याचा अंदाज हवामान विभागाने वर्तविला आहे..Maharashtra Rain Forecast: कोकण, मध्य महाराष्ट्रात विजांसह पावसाचा अंदाज.बुधवारी (ता. ३०) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३२.२---२२.०अहिल्यानगर---३२.८---२३.३धुळे---निरंक---१८.५जळगाव---३५.३---१९.३जेऊर---३२.०---२२.५कोल्हापूर---३१.१---२१.६महाबळेश्वर---२४.१---१७.७.मालेगाव---३७.४---१९.२नाशिक---३२.५---१९.५निफाड---३३.५---१८.२सांगली---३२.८---२१.९सातारा---३२.४---२०.९सोलापूर---३१.६---२३.६सांताक्रूझ---३३.५---२४.४.डहाणू---३३.०---२२.९रत्नागिरी---३४.०---२४.८छत्रपती संभाजीनगर---३४.८---२२.२धाराशिव---३२.६---२०.४परभणी---३१.३---२०.३परभणी (कृषी)---३२.५---१८.९अकोला---३६.३---२२.३अमरावती---३६.८---२१.१.ब्रह्मपूरी---३३.६---२४.४बुलडाणा---३३.०---२१.५चंद्रपूर---३५.४---२४.०गडचिरोली---३४.२--२४.६गोंदिया---३२.२---२१.१नागपूर---३४.०---२२.०वर्धा---३५.५---२२.६वाशीम---३६.०---१८.०यवतमाळ---३३.८---१९.२.सरासरी तापमान (अंश से.)विभाग---किमान---कमालउत्तर महाराष्ट्र---१८.२---३७.४पश्चिम महाराष्ट्र---१७.७---३२.८कोकण---२३.१--३४.१मराठवाडा---२२.९---३४.०विदर्भ---१८.०---३६.८उन्हाचा चटका अधिक असलेली ठिकाणे (तापमान अंश सेल्सिअसमध्ये) : मालेगाव ३७.४, अमरावती ३६.८, अकोला ३६.३, वाशीम ३६, वर्धा ३५.५, जळगाव ३५.३, चंद्रपूर ३५.४..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
