Maharashtra Weather Update: राज्यात पावसाला सुरुवात झाली असतानाच कोकणात पावसाने जोर धरला आहे. आज (ता. ३०) कोकण, घाटमाथ्यावर जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. उर्वरित राज्यात मेघगर्जना, विजांसह वादळी वाऱ्यासह जोरदार पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे. सोमवारी (ता. २९) सकाळपर्यंतच्या २४ तासांमध्ये राजस्थानच्या श्रीगंगानगर येथे देशातील उच्चांकी ४४.४ अंश सेल्सिअस तापमानाची नोंद झाली. .हंगामी कमी दाबाचा पट्टा पंजाबपासून बिहारपर्यंत सक्रिय आहे. पूर्व मध्य अरबी समुद्रात महाराष्ट्राच्या किनाऱ्यालगत समुद्र सपाटीपासून ५.८ किलोमीटर उंचीवर, तसेच उत्तर तेलंगणामध्ये ५.८ किलोमीटर उंचीवर चक्राकार वाऱ्यांची स्थिती आहे. उत्तर प्रदेशपासून मणिपूरपर्यंत हवेचा पूर्व-पश्चिम कमी दाबाचा पट्टा, उत्तर मध्य प्रदेशपासून, मध्य महाराष्ट्र ते पूर्वमध्य अरबी समुद्रापर्यंत हवेचा कमी दाबाचा पट्टा विस्तारला आहे..सोमवारी (ता. २९) सकाळपर्यंतच्या २४ तासांमध्ये ब्रह्मपुरी आणि गोंदिया येथे राज्यातील उच्चांकी ३९.३ अंश सेल्सिअस तापमानाची नोंद झाली. महाबळेश्वर येथे राज्यातील नीचांकी १८.९ अंश सेल्सिअस तापमान नोंदले गेले. कोकणात पावसाचा जोर वाढला असून, अनेक ठिकाणी १०० मिलिमीटर पेक्षा अधिक पावसाची नोंद झाल्याचे हवामान विभागाने म्हटले आहे. रायगड जिल्ह्यातील म्हसळा येथे राज्यातील उच्चांकी २४० मिलिमीटर पावसाची नोंद झाली. उर्वरित राज्यात हलक्या ते जोरदार पावसाच्या सरींनी हजेरी लावली..Weekly Weather: यंदाचा मॉन्सून उशिरा का?.आज (ता. ३०) कोकणातील रायगड, रत्नागिरी, सिंधुदुर्ग, मध्य महाराष्ट्रातील सातारा घाटमाथा, कोल्हापूरच्या घाटमाथ्यावर जिल्ह्यात जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. कोकणातील पालघर, मुंबई, ठाणे, पुणे घाटमाथा, अमरावती, यवतमाळ जिल्ह्यांत जोरदार पावसाची शक्यता असल्याने, तसेच उर्वरित राज्यात मेघगर्जना विजांसह वादळी पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे..मॉन्सूनच्या प्रगतीसाठी पोषक स्थितीनैॡत्य मोसमी वाऱ्यांनी (मॉन्सून) २४ जून रोजी संपूर्ण महाराष्ट्र व्यापला. गुजरात, मध्य प्रदेशाचा काही भाग, छत्तीसगड आणि झारखंडच्या आणखी काही भागात मॉन्सूनने वाटचाल केली. त्यानंतर मात्र मॉन्सूनची वाटचाल पुन्हा थबकली आहे. सोमवारी (ता. २९) मॉन्सूनची कोणतीही प्रगती झालेली नाही. पुढील प्रगतीस पोषक हवामान असल्याने दोन ते तीन दिवसांत उत्तर अरबी समुद्र, गुजरात, मध्य प्रदेशचा आणखी काही भागासह, छत्तीसगड, झारखंड, बिहारचा उर्वरित भाग, तसेच उत्तर प्रदेश आणि उत्तराखंडच्या काही भागात मॉन्सून दाखल होण्याची शक्यता हवामान विभागाने वर्तविली आहे..Rain Update In Maharashtra: कोकणात जोरदार पावसाचा इशारा; विदर्भ मराठवाड्यासह मध्य महाराष्ट्रातही पाऊस हजेरी लावणार.ठिकाणे---तापमान कमाल---तापमान किमानपुणे---३३.०---२३.६अहिल्यानगर---३२.९---२२.५धुळे---३६.०---२२.६जळगाव---३५.०---२५.६जेऊर---३५.०---२१.०कोल्हापूर---३२.८--२१.८महाबळेश्वर---२२.०---१८.०मालेगाव---३६.२---२३.८नाशिक---३३.७---२३.५.निफाड---३५.५---२३.९सांगली---३३.४---२२.६सातारा---३२.२---२२.२सोलापूर---३५.३---२१.७सांताक्रूझ---३२.८---२३.५डहाणू---३५.३---२२.८रत्नागिरी---३२.०---२४.२छत्रपती संभाजीनगर---३१.७---२३.६धाराशिव---३१.३---२१.७परभणी---३२.८---२४.०.परभणी (कृषी)---३२.६---२३.४अकोला---३५.०---२६.७अमरावती---३१.०---२२.३भंडारा---३६.०---२५.०बुलडाणा---३२.४---२५.०ब्रह्मपूरी---३९.३---२४.०चंद्रपूर---३६.४---२५.५.गडचिरोली---३३.८---२५.२गोंदिया---३७.८---२४.०नागपूर---३५.०---२४.६वर्धा---३६.०---२५.५वाशीम---३१.०---२२.२यवतमाळ---३४.०---१९.६.सरासरी तापमान (अंश से.)विभाग---किमान---कमालउत्तर महाराष्ट्र---२२.५---३६.२पश्चिम महाराष्ट्र---१८.०---३५.३मराठवाडा---२१.७---३२.८विदर्भ---१९.६---३९.३कोकण---२२.८---३५.३.जोरदार पावसाचा इशारा (ऑरेंज अलर्ट) : रायगड, रत्नागिरी, सिंधुदुर्ग, सातारा घाटमाथा, कोल्हापूर घाटमाथा.जोरदार पावसाचा इशारा (येलो अलर्ट) : पालघर, मुंबई, ठाणे, पुणे घाटमाथा, अमरावती, यवतमाळ.विजांसह वादळी पावसाचा इशारा (येलो अलर्ट) : धुळे, जळगाव, नाशिक, अहिल्यानगर, पुणे, सातारा, छत्रपती संभाजीनगर, जालना, बीड, परभणी, हिंगोली, नांदेड, वर्धा, नागपूर, भंडारा, गोंदिया, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
