Maharashtra Weather Forecast: राज्यात पावसाची दडी कायम असून उन्हाचा चटका आणि उकाडा वाढू लागला आहे. तर काही भागात पावसाच्या सरी हजेरी लावत आहेत. मात्र या सरी सर्वदूर नाहीत. आज मराठवाडा, मध्य महाराष्ट्र काही जिल्ह्यांत विजांसह पावसाचा इशारा हवामानशास्त्र विभागाने दिला आहे..आज म्हणजेच गुरुवारी अहिल्यानगर, छत्रपती संभाजीनगर, जालना जिल्ह्यांत काही ठिकाणी विजांसह पावसाचा येलो अलर्ट देण्यात आला आहे. तर ठाणे, पुणे घाटमाथा, पुणे, रत्नागिरी, सिंधुदुर्ग, सातारा घाटमाथा, कोल्हापूर घाटमाथा, सांगली, सातारा, नाशिक, सोलापूर, बीड, परभणी, हिंगोली आणि नांदेड जिल्ह्यांत तुरळक ठिकाणी हलक्या सरी हजेरी लावण्याची शक्यता हवामानशास्त्र विभागाने व्यक्त केली आहे..Rain Update: मराठवाड्यात पावसाची शक्यता; उर्वरित राज्यात ढगाळ हवामान कायम राहणार?.तर उद्या नंदुरबार, धुळे, नाशिक घाटमाथा, नाशिक, पुणे घाटमाथा, सातारा घाटमाथा, कोल्हापूर घाटमाथा, सिंधुदुर्ग, सोलापूर, धाराशिव, लातूर, परभणी, हिंगोली आणि नांदेड जिल्ह्यांत हलक्या पावसाचा अंदाज देण्यात आला आहे. तर उर्वरित राज्यात पावसाची उघडीप राहण्याचा अंदाज हवामानशास्त्र विभागाने दिला आहे..Maharashtra Rain Update : राज्यातील १४ जिल्ह्यांत पावसाचा अंदाज; विदर्भ आणि घाटमाथ्यावर जोरदार पावसाची शक्यता.मॉन्सूनच्या परतीसाठी पोषक वातावरण तयार होत असून १९ सप्टेंबरच्या आसपास पश्चिम राजस्थानच्या काही भागांतून मॉन्सूनच्या परतीला सुरुवात होण्याची शक्यता हवामान विभागाने व्यक्त केली आहे. मात्र, त्याचवेळी बंगालच्या उपसागराकडून नव्या हवामान प्रणालीची निर्मिती होण्याचे संकेत आहेत..उत्तर थायलंड आणि परिसरावर समुद्र सपाटीपासून ७.६ किलोमीटर उंचीपर्यंत चक्राकार वाऱ्यांची स्थिती आहे. शुक्रवारी ही प्रणाली उत्तर अंदमान समुद्रावर पोहोचण्याची शक्यता आहे. त्यामुळे शनिवारी संध्याकाळी उत्तर अंदमान समुद्रावर कमी दाबाचे क्षेत्र तयार होण्याची शक्यता हवामान विभागाने व्यक्त केली आहे. तर मराठवाडा आणि परिसरावर समुद्रसपाटीपासून १.५ किलोमीटर उंचीपर्यंत असलेली चक्राकार वाऱ्यांची स्थिती कायम आहे..सध्या मॉन्सूनचा आस सौराष्ट्र आणि लगतच्या ईशान्य अरबी समुद्रातील कमी दाबाच्या क्षेत्राच्या केंद्रातून पुढे बिकानेर, रोहतक, बरेली, बस्ती, डेहरी, रांची आणि दिघा या भागांतून जात ईशान्य बंगालच्या उपसागराकडे आग्नेय दिशेने विस्तारलेला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
