Climate Impact: राज्यात मध्य महाराष्ट्र आणि मराठवाड्यातील विविध भागात बुधवारी सायंकाळी तुरळक ठिकाणी मेघगर्जनेसह पावसाने हजेरी लावली. तर तुरळक ठिकाणी गारपीटीने तडाखा दिला. आज म्हणजेच गुरुवारी राज्यात कोकण, दक्षिण मध्य महाराष्ट्र, मराठवाडा आणि पूर्व विदर्भात मेघगर्जनेसह पावसाच्या हलक्या ते मध्यम स्वरूपाच्या सरी हजेरी लावण्याचा अंदाज आहे. तसेच उद्या दक्षिण मध्य महाराष्ट्र आणि मराठवाड्यासह विदर्भात काही ठिकाणी मेघगर्जनेसह हलक्या ते मध्यम पावसाचा अंदाज हवामानशास्त्र विभागाने वर्तवला आहे..आज राज्यातील २८ जिल्ह्यात विजांच्या कडकडटासह पावसाच्या सरी हजेरी लावण्याचा अंदाज आहे. कोकणातील रायगड, रत्नागिरी तर मध्य महाराष्ट्रातील धुळे, नंदुरबार, जळगाव, नाशिक, अहिल्यानगर, पुणे, कोल्हापूर, सातारा, सांगली, सोलापूर तसेच मराठवाड्यातील छत्रपती संभाजीनगर, जालना, परभणी, बीड, हिंगोली, नांदेड, लातूर, धाराशिव जिल्ह्यात तुरळक ठिकाणी गारपीटीसह हलक्या ते मध्यम पावसाचा अंदाज आहे. .Weather Update: कोकणात उष्ण लाट, विदर्भात पावसाचा अंदाज.विदर्भातील अकोला, अमरावती, भंडारा, चंद्रपूर, गडचिरोली, गोंदिया, नागपूर, वर्धा आणि यवतमाळ जिल्ह्यात तुरळक ठिकाणी वादळी वाऱ्यासह पावसाचा इशारा हवामानशास्त्र विभागाने दिला आहे. तर उर्वरित राज्यात ढगाळ वातावरणासह हलक्या सरी हजेरी लावण्याचा अंदाज आहे. शनिवारपासून मात्र पावसाचा जोर कमी होण्याची शक्यता आहे. त्यामुळे पुन्हा तापमानात वाढ होणार आहे..Weather Update: राज्यातील २१ जिल्ह्यांना वादळी पावसाचा इशारा विदर्भ, मराठवाड्यात विजांसह पावसाची शक्यता.मागील चोवीस तासात कोकणातील कर्जत येथे ३७ किमी प्रतितास वेगाने वारे वाहत होते. तर मध्य महाराष्ट्रात कोल्हापूर येथे ५० किमी आणि मराठवाड्यातील हिंगोली येथे ३१ किमी प्रतितासा वाऱ्याच्या वेगाची नोंद झाली. .मन्नारच्या आखातापासून तमिलनाडू ओलांडून दक्षिण अंतर्गत कर्नाटकपर्यंत पसरलेली द्रोणी सरासरी समुद्रसपाटीपासून ०.९ किमी उंचीवर कायम आहे. राज्यात आज २८ जिल्ह्यात हलक्या ते मध्यम स्वरूपाचा पाऊस हजेरी लावणार आहे. तसेच तुरळक ठिकाणी गारपीटीची शक्यता हवामानशास्त्र विभागाने वर्तवली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
