Maharashtra Weather Update: राज्यात गेल्या काही दिवसांपासून सुरू असलेल्या पावसाचा जोर रविवारी (ता. १६) काहीसा ओसरला. मात्र कोकण आणि मध्य महाराष्ट्रातील घाटमाथ्यावर पावसाच्या सरी कायम आहेत. तर कुंडा (नवजा) येथे ८२, ताम्हिणी ७५ मिलिमीटर पाऊस झाला. त्यामुळे धरणात अजूनही आवक सुरू असून, अनेक धरणांतून विसर्ग सुरू आहे..कोकणात रायगड, रत्नागिरी, सिंधुदुर्ग, पालघरसह घाटमाथ्यालगतच्या भागांत गेल्या काही दिवसांत जोरदार पाऊस झाला. त्यामुळे धरणे, तलाव आणि नद्यांच्या पाणीपातळीत वाढ झाली आहे..Monsoon Rain: पूर्व विदर्भात पावसाचा अंदाज; राज्याच्या बहुतांशी भागात पावसाचे प्रमाण कमी राहणार.मुंबई परिसरातील प्रमुख तलावांच्या पाणलोट क्षेत्रातही पाऊस झाला असून, वैतरणा येथे ४४, तुळशी ३९, उच्च वैतरणा ३२, मध्यम वैतरणा २६ मिलिमीटर पाऊस नोंदला गेला. भातखाचरांमध्ये पाणी साचले असून, आता मिळालेली उघडीप अतिरिक्त पाण्याचा निचरा होण्यासाठी उपयुक्त ठरत आहे..Maharashtra Weather: राज्याच्या बहुतांश भागात उघडीप.मध्य महाराष्ट्रात पुणे, सातारा, कोल्हापूर आणि नाशिक जिल्ह्यांच्या पश्चिम भागात गेल्या काही दिवसांत दमदार पाऊस झाला. घाटमाथा आणि धरणांच्या पाणलोट क्षेत्रात झालेल्या पावसामुळे धरणसाठ्यात वाढ झाली आहे..त्यामुळे पश्चिम भागातील भातासह इतर खरीप पिकांना चांगला आधार मिळाला आहे. पुणे जिल्ह्यातील धरणांमधून आवक सुरू असल्याने काही धरणांतून विसर्गही कायम आहे. तर घाटमाथा असलेल्या आंबोणे ६०, शिरगाव ५५, दावडी ५१ मिलिमीटर पाऊस झाला. मुळशी धरणक्षेत्रात ५५ मिलिमीटर पावसाची नोंद झाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
