Maharashtra Weather Forecast: मुरासू चक्रीवादळामुळे राज्यात काही भागात पावसाच्या सरी हजेरी लावत आहेत. या सरी सर्वदूर नाहीत. परंतु थंडी कमी झाली आहे. तर तापमानातही चढ-उतार अनुभवायला मिळत आहे. आज म्हणजेच ३ नोव्हेंबर रोजी राज्यातील काही जिल्ह्यांत पावसाचा अंदाज हवामानशास्त्र विभागाने दिला आहे..आज सिंधुदुर्ग, कोल्हापूर घाटमाथा, कोल्हापूर, लातूर आणि नांदेड जिल्ह्यांत विजांसह पावसाचा इशारा देण्यात आला आहे. तर रत्नागिरी, नाशिक घाटमाथा, नाशिक, पुणे घाटमाथा, पुणे, सातारा घाटमाथा, सातारा, सांगली, अहिल्यानगर, सोलापूर, बीड, धाराशिव, परभणी आणि हिंगोली जिल्ह्यांत विजांसह हलक्या सरी हजेरी लावण्याचा अंदाज हवामानशास्त्र विभागाने दिला आहे..Cyclone Murasu: ‘मुरासू’ चक्रीवादळ आज नोल्लोर, नरसापूरला धडकणार.तर उद्या म्हणजेच ४ नोव्हेंबर रोजी रत्नागिरी, सिंधुदुर्ग, कोल्हापूर घाटमाथा, सातारा घाटमाथा, कोल्हापूर, सातारा, सांगली, सोलापूर, छत्रपती संभाजीनगर, जालना, परभणी, हिंगोली, नांदेड, लातूर जिल्ह्यांत विजांसह हलक्या सरी हजेरी लावण्याचा अंदाज असून उर्वरित राज्यात कोरडे हवामान राहण्याचा अंदाज हवामानशास्त्र विभागाने दिला आहे..Rain Forecast: चक्रीवादळाच्या प्रभावामुळे राज्यात पावसाची शक्यता.तर ५ नोव्हेंबर रोजी सिंधुदुर्ग, कोल्हापूर आणि कोल्हापूर घाटमाथ्यावर हलक्या सरी हजेरी लावण्याची शक्यता आहे. दरम्यान, आंध्र प्रदेशच्या दक्षिण किनारपट्टीवरील ‘मुरासू’ तीव्र चक्रीवादळ गेल्या सहा तासांत ताशी ८ किलोमीटर वेगाने उत्तर-वायव्य दिशेने सरकले आहे. ३ नोव्हेंबर रोजी सकाळी साडेआठ वाजता हे चक्रीवादळ ओंगोलपासून ३० किलोमीटर उत्तर-ईशान्येला, बापटला पासून ४० किलोमीटर नैऋत्येला, कावलीपासून ९० किलोमीटर उत्तर-ईशान्येला, विजयवाडापासून १०० किलोमीटर दक्षिण-नैऋत्येला आणि मछलीपट्टणमपासून १२० किलोमीटर पश्चिम-नैऋत्येला आहे..या चक्रीवादळाच्या वाऱ्यांचा कमाल वेग ताशी ९५ ते १०५ किलोमीटर असून, वाऱ्यांचे झोत ताशी ११५ किलोमीटरपर्यंत पोहोचत आहेत. तसेच हे चक्रीवादळ पुढेही उत्तर-वायव्य दिशेने सरकण्याची शक्यता आहे. आज दुपारपर्यंत त्याची तीव्रता कमी होऊन त्याचे चक्रीवादळात रूपांतर होईल. त्यावेळी वाऱ्यांचा वेग ताशी ८० ते ९० किलोमीटर आणि झोत ताशी १०० किलोमीटरपर्यंत राहण्याचा अंदाज आहे..त्यानंतर आज मध्यरात्रीपर्यंत चक्रीवादळाची तीव्रता आणखी कमी होऊन त्याचे तीव्र कमी दाबाच्या क्षेत्रात रूपांतर होण्याची शक्यता आहे. त्यावेळी वाऱ्यांचा वेग ताशी ५५ ते ६५ किलोमीटर आणि झोत ताशी ७५ किलोमीटरपर्यंत राहू शकतो..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
