Maharashtra Weather Update: राज्यातील उन्हाचा चटका कायम आहे. मात्र काही भागात कालपासून ढगाळ हवामानासह हलक्या सरींनीही हजेरील लावली होती. हवामान विभागाने आजपासून पुढील ३ दिवस काही ठिकाणी पावसाचा अंदाज दिला आहे. .विदर्भात वादळी पावसाचा जोर अधिक राहण्याची शक्यता आहे. आज विदर्भातील यवतमाळ, वर्धा, नागपूर, चंद्रपूर, गोंदीया आणि गडचिरोली जिल्ह्यात काही ठिकाणी ढगाळ हवामानासह वादळी पावसाचा ऑरेंज अलर्ट देण्यात आला. तसेच मराठवाड्यातील नांदेड, लातूर, बीड आणि धाराशिव जिल्ह्यात वादळी पावसाचा अंदाज आहे तर छत्रपती संभाजीनगर, जालना, बीड आणि हिंगोली जिल्ह्यात काही ठिकाणी ढगाळ हवामानासह हलक्या पावसाचा अंदाज देण्यात आला आहे. .Maharashtra Rain Alert: राज्यात उष्णतेच्या लाटेचा इशारा; विदर्भातील काही जिल्ह्यांमध्ये ३ दिवस पावसाचा अंदाज.मध्य महाराष्ट्रातील कोल्हापूर, सांगली, सातारा जिल्ह्यात वादळी पाऊस आणि पुणे, अहिल्यानगर तसेच नाशिक जिल्ह्यात काही ठिकाणी ढगाळ हवामानासह हलक्या पावसाचा अंदाज व्यक्त करण्यात आला आहे. तर आज कोकणातील सिंधुदूर्ग, रत्नागिरी, रायगड, ठाणे, मुंबई आणि पालघर जिल्ह्यात काही ठिकाणी उष्ण आणि दमट हवामानाचा अंदाज देण्यात आला आहे. .Maharashtra Rain Alert: राज्यात पावसाचा इशारा कायम.उद्या पूर्व विदर्भातील नागपूर, भंडारा, गोंदीया, गडचिरोली आणि चंद्रपूर जिल्ह्यात काही ठिकाणी वादळी पावसाचा अंदाज आहे. तर धाराशिव, लातूर, बीड, परभणी आणि हिंगोली तसेच अहिल्यानगर, पुणे, सातारा, सोलापूर, सांगली आणि कोल्हापूर जिल्ह्यात काही ठिकाणी ढगाळ हवामानसह काही ठिकाणी वादळी पावसाचाही अंदाज देण्यात आला आहे. तसेच कोकणातील सिंधुदूर्ग, रत्नागिरी, रायगड, ठाणे, मुंबई आणि पालघर जिल्ह्यात काही ठिकाणी उष्ण आणि दमट हवामानाचा अंदाज देण्यात आला आहे. .शनिवारी विदर्भातील यवतमाळ, वर्धा, चंद्रपूर आणि गडचिरोली जिल्ह्यात काही ठिकाणी वादळी पावसाचा अंदाज देण्यात आला आहे. तर मराठवाड्यातील धाराशिव, लातूर आणि नांदेड जिल्ह्यात काही ठिकाणी ढगाळ हवामानासह हलक्या पावसाची शक्यता वर्तविण्यात आली आहे. तर कोकणातील मुंबई, ठाणे, रायगड आणि पालघर जिल्ह्यात काही ठिकाणी उष्ण आणि दमट हवामानाचीही शक्यता वर्तविण्यात आली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
