Maharashtra Weather Update: कोकणासह घाटमाथ्यावर पावसाचा जोर वाढला आहे. अनेक ठिकाणी अतिवृष्टीची नोंद होत आहे. आज (ता.४) कोकण घाटमाथ्यावर अतिजोरदार पावसाची शक्यता असल्याने सावधानतेचा इशारा (रेड अलर्ट) देण्यात आला आहे. दक्षिण कोकण, उत्तर महाराष्ट्र आणि विदर्भात जोरदार पावसाचा अंदाज असल्याने दक्षतेचा इशारा (ऑरेंज अलर्ट) हवामान विभागाने दिला आहे..हंगामी कमी दाबाचा पट्टा राजस्थानपासून बंगालच्या उपसागरातील कमी दाब क्षेत्रापर्यंत सक्रिय आहे. महाराष्ट्र आणि कर्नाटकच्या किनाऱ्यालगत किनारपट्टीला समांतर कमी दाबाचा पट्टा कायम आहे. उत्तर बंगालच्या उपसागरापासून उत्तर मध्य महाराष्ट्र, गुजरात ते आग्नेय अरबी समुद्रात हवेचा कमी दाबाचा पट्टा आहे. महाराष्ट्राच्या उत्तर भागात समुद्र सपाटीपासून ३.१ ते ७.६ किलोमीटर उंचीवर परस्पर विरोधी वाऱ्यांचे जोड क्षेत्र कायम आहे..गुरुवारी (ता. ३) सकाळपर्यंतच्या २४ तासांमध्ये धुळे येथील कृषी महाविद्यालयात राज्यातील उच्चांकी ३५ अंश सेल्सिअस तापमानाची नोंद झाली. महाबळेश्वर येथे राज्यातील नीचांकी १७.८ अंश सेल्सिअस तापमान नोंदले गेले. कोकण घाटमाथ्यावर पावसाचा जोर कायम असून, घाटमाथ्यावरील भिरा येथे राज्यातील उच्चांकी २१० मिलिमीटर पावसाची नोंद झाली. उर्वरित राज्यात हलक्या ते जोरदार पावसाच्या सरी कोसळत आहेत..आज (ता. ४) पालघर, मुंबई, ठाणे, रायगड, नाशिक घाटमाथा, पुणे घाटमाथा, सातारा जिल्ह्याच्या घाटमाथ्यावर मुसळधार पावसाची शक्यता असल्याने सावधानतेचा इशारा (रेड अलर्ट) देण्यात आला आहे. रायगड, सिंधुदुर्ग, नंदूरबार, धुळे, नाशिक, कोल्हापूर घाटमाथा, वाशीम, यवतमाळ, गोंदिया जिल्ह्यांवर अतिजोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. उर्वरित राज्यात विजांसह जोरदार पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे..Maharashtra Rain Forecast : पुढील पाच दिवस कोकण, विदर्भ आणि उत्तर मध्य महाराष्ट्रात पावसाचा जोर कायम राहणार? .कमी दाब क्षेत्राची तीव्रता वाढणारउत्तर ओडिशा आणि पश्चिम बंगालच्या किनाऱ्यालगत हवेचा कमी दाबाचे क्षेत्र सक्रिय असून, त्याला लागून समुद्र सपाटीपासून ७.६ किलोमीटर उंचीपर्यंत चक्राकार वाऱ्यांची स्थिती आहे. पुढील दोन दिवसांत या प्रणालीची तीव्रता वाढण्याची शक्यता आहे..मॉन्सूनने बहुतांश भारत व्यापला.नैर्ऋत्य मोसमी वाऱ्यांनी देशाचा बहुतांश भाग व्यापला आहे. शुक्रवारी (ता. ३) मॉन्सूनने उत्तर अरबी समुद्र, गुजरातच्या आणखी काही भागांसह, संपूर्ण मध्य प्रदेश, तसेच हरियाना, राजस्थानच्या आणखी काही भागात प्रगती केली आहे. पुढील चार ते पाच दिवसांत संपूर्ण पंजाब हरियाणासह अरबी समुद्र, गुजरात, राजस्थानच्या आणखी भागात मॉन्सून दाखल होण्याची शक्यता आहे..Maharashtra Rain Alert: कोकण, घाटमाथ्यावर पावसाचा जोर वाढणार.शुक्रवारी (ता. ३) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)ठिकाणे---तापमान कमाल---तापमान किमानपुणे---२७.२---२२.५अहिल्यानगर---२९.०---२३.२धुळे---३५.०---२१.२जळगाव---३३.१---२४.२जेऊर---३३.०---२०.०कोल्हापूर---२६.५--२२.५महाबळेश्वर---१९.७---१७.८नाशिक---२७.५---२२.६.निफाड---२८.८---२२.६सांगली---२७.८---२२.९सातारा---२६.५---२२.२सोलापूर---३२.७---२४.३सांताक्रूझ---२८.४---२४.५डहाणू---२८.१---२३.५रत्नागिरी---३०.५---२५.२छत्रपती संभाजीनगर---२९.४---२३.४.धाराशिव---निरंक---२१.४परभणी---३१.५---२४.०परभणी (कृषी)---३०.८---२३.४अकोला---३२.३---२५.९अमरावती---३०.२---२३.८भंडारा---३१.०---२१.०बुलडाणा---२८.५---२२.७ब्रह्मपुरी---२८.३---२२.५.चंद्रपूर---३०.८---२४.८गडचिरोली---२९.६---२३.४गोंदिया---२९.२---२१.६नागपूर---२९.२---२१.६वर्धा---३३.०---२४.६वाशीम---२९.६---२२.०यवतमाळ---३०.६---१९.६.सरासरी तापमान (अंश से.)विभाग---किमान---कमालउत्तर महाराष्ट्र---२१.२---३५.०पश्चिम महाराष्ट्र---१७.८---३३.०मराठवाडा---२१.४---३१.५विदर्भ---१९.६---३३.०कोकण---२४.४---३०.५.मुसळधार पावसाचा इशारा (रेड अलर्ट) :पालघर, मुंबई, ठाणे, रायगड, नाशिक घाटमाथा, पुणे घाटमाथा, सातारा घाटमाथा.अतिजोरदार पावसाचा इशारा (ऑरेंज अलर्ट) :रायगड, सिंधुदुर्ग, नंदुरबार, धुळे, नाशिक, कोल्हापूर घाटमाथा, वाशीम, यवतमाळ, गोंदिया.जोरदार पावसाचा इशारा (येलो अलर्ट) :जळगाव, अहिल्यानगर, छत्रपती संभाजीनगर, बुलडाणा, अकोला, अमरावती, वर्धा, नागपूर, भंडारा.विजांसह वादळी पावसाचा इशारा (येलो अलर्ट) :बीड, जालना, परभणी, हिंगोली, नांदेड, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
