Maharashtra Weather Update: अरबी समुद्रावरून मोसमी वाऱ्यांच्या प्रवाहांना बळकटी नसल्याने राज्यात मॉन्सूनची प्रतीक्षा आहे. पावसाअभावी उन्हाचा चटका आणि उकाडा तापदायक ठरत आहे. आज (ता. १४) विदर्भात उष्णतेची लाटेची शक्यता असल्याने दक्षतेचा इशारा (ऑरेंज अलर्ट) देण्यात आला आहे. .कोकणात उष्ण व दमट हवामानाची, तर उर्वरित राज्यात उष्णतेच्या लाटेची आणि तुरळक ठिकाणी वादळी पावसाची शक्यता असल्याने सतर्कतेचा इशारा (येलो अलर्ट) भारतीय हवामान विभागाने दिला आहे..Monsoon Alert: माॅन्सूनचा ६ व्या दिवशीही मुक्काम; विदर्भात उष्णतेच्या लाटेसह वादळी पावसाचा अंदाज.शनिवारी (ता. १३) सकाळपर्यंतच्या २४ तासांमध्ये राजस्थानच्या जैसलमेर येथे देशातील उच्चांकी ४६ अंश सेल्सिअस तापमानाची नोंद झाली. हंगामी कमी दाबाचा पट्टा पाकिस्तानातील चक्राकार वाऱ्यांपासून ते बांग्लादेशपर्यंत विस्तारला आहे..शनिवारी (ता. १३) सकाळपर्यंतच्या २४ तासांमध्ये अकोला आणि वर्धा येथे राज्यातील उच्चांकी ४३.५ अंश तापमानाची नोंद झाली. यवतमाळ येथे ४३ अंश सेल्सिअस पेक्षा अधिक, मालेगाव आणि अमरावती येथे ४२ अंशांपेक्षा अधिक, तर धुळे, जळगाव, ब्रह्मपुरी, नागपूर आणि वाशीम येथे ४१ अंशापेक्षा अधिक तापमानाची नोंद झाली. महाबळेश्वर येथे राज्यातील नीचांकी १९.९ अंश सेल्सिअस तापमान नोंदले गेले..Vidarbha Heat Alert: विदर्भात उष्ण लाटेचा इशारा.विदर्भात उन्हाचा चटका तापदायक ठरत असून, आज (ता. १४) बुलडाणा, अमरावती आणि यवतमाळ जिल्ह्यांत उष्ण लाटेमुळे दक्षतेचा इशारा (ऑरेंज अलर्ट) देण्यात आला आहे. विदर्भासह कोकण, मध्य महाराष्ट्र, मराठवाड्यात उष्ण व दमट हवामान व उष्ण लाटेची शक्यता असल्याने तसेच, पूर्व विदर्भासह उर्वरित राज्यात तुरळक ठिकाणी वादळी पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..मॉन्सूनच्या महाराष्ट्रातील वाटचालीची प्रतीक्षानैर्ऋत्य मोसमी वाऱ्यांनी (मॉन्सून) शुक्रवारी (ता. १२) पश्चिम बंगालसह बिहारच्या आणखी काही भागात प्रगती केली. तर ओडिशा आणि झारखंडमध्येही मॉन्सूनने हजेरी लावली आहे. शनिवारी (ता. १३) मॉन्सूनच्या वाटचालीची सीमा कायम होती. अरबी समुद्रावरून मॉन्सूनची स्थिती ‘जैसे थे’ असून, वाटचाल अडखळली आहे. महाराष्ट्रातील प्रगतीसाठी आणखी वाट पाहावी लागणार आहे..उष्ण लाटेचा इशारा (ऑरेंज अलर्ट) : बुलडाणा, अमरावती, यवतमाळ.वादळी पावसाचा इशारा (येलो अलर्ट) : सोलापूर, बीड, धाराशिव, लातूर, नांदेड, नागपूर, भंडारा, गोंदिया, चंद्रपूर, गडचिरोली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
