Pune News: कोकण, मध्य महाराष्ट्र, घाटमाथा तसेच विदर्भातील काही भागांत बुधवारी (ता. १२) सकाळपर्यंत पावसाच्या जोरदार सरी झाल्या. राज्यातील ११३ मंडलांत ६५ मिलिमीटरपेक्षा अधिक पावसाची नोंद झाली. कोकणात पावसाचा जोर सर्वाधिक राहिला..विरार (आघाशी) येथे १५९, भाईंदर येथे १५३, तर मांघरूण येथे १३१ मिलिमीटर पाऊस झाला. या पावसामुळे धरणांच्या पाणलोट क्षेत्रात पाण्याची आवक वाढत असून, काही ठिकाणी विसर्गात बदल करण्यात येत आहे..कोकणातील रत्नागिरी, रायगड, पालघर, सिंधुदुर्ग जिल्ह्यांत जोरदार पाऊस झाला. चिपळूण येथे १३८, कडवाई, मुरडव, माखजन येथे १४४, तळवडे ११०, मार्गताम्हाणे १०५, सफाळे १०२, खेरडी येथे ९८ मिलिमीटर पाऊस झाला. दमदार पावसामुळे धरणांच्या पाणलोट क्षेत्रात नव्याने पाण्याची आवक सुरू झाली आहे. भात लागवडीच्या कामांना वेग आला असून, लागवड झालेल्या क्षेत्रातील पिकांना या पावसाचा चांगला आधार मिळाला आहे. अति पावसाच्या भागात शेतातील अतिरिक्त पाण्याचा निचरा करण्याची कामे सुरू आहेत..Rain Update: कोकण, घाटमाथा आणि विदर्भात जोरदार पावसाचा इशारा.पश्चिम घाट आणि मध्य महाराष्ट्रातही पावसाचा जोर कायम राहिला. भिरा येथे १२०, लोणावळा (टाटा) १०८, महाबळेश्वर १०८, आंबोणे १०२, गगनबावडा येथे ८९ मिलिमीटर पाऊस झाला. घाटमाथ्यावरील पावसामुळे धरणांच्या पाणलोट क्षेत्रात पाण्याची आवक वाढण्यास मदत होत आहे. त्यामुळे खरीप पिकांना दिलासा मिळाला असून, भात लागवड, आंतरमशागत तसेच उर्वरित शेतीकामांना वेग आला आहे..मराठवाड्यात ६५ मिलिमीटरपेक्षा अधिक पावसाची मंडलनिहाय नोंद झालेली नाही. त्यामुळे या भागातील शेतकऱ्यांचे लक्ष पुढील पावसाकडे लागले आहे. काही ठिकाणी ढगाळ वातावरण असून आंतरमशागतीची कामे सुरू आहेत. विदर्भातील काही भागांतही जोरदार सरी झाल्या. अंडेरा येथे ८९, शेंदूरजन ७१, अनसिंग ७०, देऊळगाव शहर येथे ६७ मिलिमीटर पाऊस झाला. या पावसामुळे खरीप पिकांना काहीसा दिलासा मिळाला आहे. मात्र, पावसाचे वितरण सर्वत्र समान नसल्याने काही भागांत पुढील पावसाची प्रतीक्षा कायम आहे..Maharashtra Rain: कोकण, घाटमाथ्यावर वाढणार पावसाचा जोर.राज्यात बुधवारी (ता. १२) मंडलनिहाय झालेला पाऊस, मिलिमीटरमध्ये :घाटमाथा : भिरा १२०, लोणावळा (टाटा) १०८, आंबोणे १०२, खोपोली, खांड ८९, पोफळी ८८, ताम्हिणी ८५, वळवण, दावडी, डोंगरवाडी ८१, लोणावळा कार्यालय ७९, शिरगाव ७०, भिवपुरी ६७, नवजा ५४, धारावी ४५, शिरोटा, ठाकूरवाडी, वणगाव २२..कोकण : भाईंदर १५३, आघाशी, विरार १५९, मांघरूण १३१, कडवाई, मुरडव, माखजन १४४, चिपळूण १३८, तळवडे ११०, मांडवी, निर्मळ, माणिकपूर १०६, मार्गताम्हाणे १०५, सफाळे १०२, खेरडी ९८, पाटगाव ९६, आंबोली, माडखोल ९५, पाली, पेडाली ९३, नांदगाव ९२, दाभोळ ९१, बाळकुम, खरबाव, सावर्डे, आसुर्डे, रामपूर ९०, येडगाव, भुईबावडा, कामर्ली ८९, कळकवणे, दापोली, बुरोंडी ८८, वेसवी ८५, चारी, म्हसळा ८४, म्हाप्रळ ८३, कुंभवडे ८२, तळवली, पाटपन्हाळे ८१, .आगरवाडी ७९, रामराज ७८, चौक, विलवडे ७७, वाशी, आंबवली, कुसूर, वागदे ७६, बोर्ली, कणकवली, कडावल ७५, मुरूड, चौल, कुडूस, देव्हारे, ओणी ७२, कर्जत, कुळवंडी, तळेरे ७१, वावोशी, खोपोली ७०, धामणंद ६९, कासू, शिरशी, कोंडेये ६८, खामगाव, आबलोली, आंगवली, कोंडगाव ६७, आतोणे, पेण, लोणेरे, डहाणू, मल्याण, पालघर ६६, ठाणे, मुंब्रा, कुंभारळी, अलिबाग, खालापूर, करंजवाडी, रोहा, कासाल, कांचाड, मनोर ६५..मध्य महाराष्ट्र : महाबळेश्वर १०८, गगनबावडा ८९, नरडाणे, बेटावद ८७, वारशी ८२, मोरगिरी ७२, शिंदखेडा, बोराडी ६८, विरडेल ६६.विदर्भ : अंडेरा ८९, शेंदुरजन ७१, अनसिंग ७०, देऊळगाव शहर ६७..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
