Maharashtra Rain Forecast: राज्यात पावसाने उघडीप दिली असून अनेक भागात ऑक्टोबर हिटचा प्रभाव जाणवू लागला आहे. त्यामुळे उकाड्यात वाढ झाली. तर राज्याच्या काही भागातून मॉन्सून परतीसाठी पोषक स्थिती निर्माण झाली आहे. आज राज्यात पावसाच्या उघडीपीसह कोकणात उष्ण आणि दमट हवामानाचा इशारा हवामानशास्त्र विभागाने दिला आहे..आज पालघर, ठाणे, मुंबई, रायगड, रत्नागिरी, सिंधुदुर्ग जिल्ह्यांत काही ठिकाणी उष्ण आणि दमट लाटेचा इशारा देण्यात आला आहे. तर राज्याच्या इतर भागात प्रामुख्याने पावसाची उघडीप राहणार असून उन्हाचा चटका वाढण्याचा इशारा हवामानशास्त्र विभागाने दिला आहे..El Nino Impact: ‘एल निनो’मुळे राज्याच्या पावसात १९ टक्क्यांची तूट.तर पुढील चार दिवस पावसाची उघडीप कायम राहणायचा अंदाज असून उन्हाचा चटका कायम राहण्याची शक्यता आहे. राज्यात मॉन्सून हंगामात १९ टक्के पावसाची तूट नोंदवली गेली आहे. त्याचा खरीप पिकांना फटका बसला आहे. त्यामुळे शेतकरी चिंतेत आहेत. तर राज्यात ऑक्टोबरमध्ये सरासरीपेक्षा कमी पावसाची शक्यता असून कमाल तापमान सरासरीपेक्षा अधिक राहण्याचा अंदाज आहे..Rain Forecast: कोकण, पश्चिम महाराष्ट्रात पावसाची शक्यता.दरम्यान, मॉन्सूनने २१ सप्टेंबर रोजी उत्तर भारतातील काही भागातून माघारी घेतली आहे. सध्या मॉन्सूनच्या परतीची रेषा सीमा गुरुदासपूर, चंदीगड, मुझफ्फरनगर, अलीगड, धौलपूर, उदयपूर, डीसा, नलिया भागात आहे..येत्या २४ तासांत पंजाब, हरियाणा, राजस्थान आणि उत्तर प्रदेशच्या उर्वरित भागांतून, गुजरात आणि मध्य प्रदेशच्या बहुतांश भागांतून, तसेच संपूर्ण जम्मू-काश्मीर, हिमाचल प्रदेश, उत्तराखंड आणि बिहार, झारखंड, छत्तीसगड व महाराष्ट्राच्या काही भागांतून नैर्ऋत्य मॉन्सूनच्या परतीसाठी पोषक स्थिती असल्याचे हवामानशास्त्र विभागाने जाहीर केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
