Pune News: पूर्व विदर्भात जोरदार पाऊस कोसळत असला तरी उर्वरित राज्यात मात्र जोर कमी होत पावसाने उघडीप दिली आहे. आज (ता. ११) पूर्व विदर्भात जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. पश्‍चिम विदर्भासह मराठवाड्यात तुरळक ठिकाणी विजांसह पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. उर्वरित राज्यात मुख्यतः पाऊस उघडीप देण्याची शक्यता आहे.
दक्षिण पश्‍चिम बंगाल आणि झारखंड परिसरावर असलेले कमी दाबाचे क्षेत्र निवळून गेले आहे. त्यालगत समुद्रसपाटीपासून ५.८ किलोमीटर उंचीपर्यंत चक्राकार वारे वाहत आहेत. मॉन्सूनचा आस असलेला कमी दाबाचा पट्टा राजस्थानच्या सुरतगडपासून, भिवणी, अलिगड, बांदा, दाल्तोंगज, दिघा ते ईशान्य बंगालच्या उपसागरापर्यंत सक्रिय आहे. अरबी समुद्रापासून दक्षिण गुजरात, उत्तर मध्य महाराष्ट्र, दक्षिण मध्य प्रदेश, उत्तर छत्तीसगड, झारखंडमधील चक्राकार वाऱ्यांपर्यंत हवेचा आणखी एक कमी दाबाचा पट्टा सक्रिय आहे.
कमी दाबाचे क्षेत्र निवळले असतानाच किनारपट्टीला समांतर कमी दाबाचा पट्टा विरून गेला आहे. यामुळे राज्यात पाऊस कमी झाला आहे. गुरुवारी (ता. १०) सकाळपर्यंतच्या २४ तासांत पूर्व विदर्भात पावसाने जोरदार सरी कोसळल्या. यवतमाळ, नागपूर, गडचिरोली जिल्ह्यात तुरळक ठिकाणी जोरदार पाऊस झाला. तर कोल्हापूर जिल्ह्यातील राधानगरी येथे राज्यातील उच्चांकी १०० मिलिमीटर पावसाची नोंद झाली. गुरुवारी अलिबाग येथे राज्यातील उच्चांकी ३२.१ अंश तापमान नोंदले गेले.
आज (ता. ११) पूर्व विदर्भातील नागपूर, भंडारा, गोंदिया, चंद्रपूर, गडचिरोली जिल्ह्यात जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. तर वर्धा जिल्ह्यात जोरदार पावसाची शक्यता असल्याने, तसेच बुलडाणा, अकोला, अमरावती, वाशीम, यवतमाळ या जिल्ह्यांत आणि मराठवाड्यातील जालना आणि परभणी या जिल्ह्यांत विजांसह पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. उर्वरित राज्यात मुख्यतः पावसाच्या उघडिपीसह हलक्या सरींची शक्यता आहे.
गुरुवारी (ता. १०) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---२९.७---२१.४
अहिल्यानगर---२३.२---२१.५
धुळे---२८.०---२०.४
जळगाव---२९.६---२४.६
जेऊर---३०.०---१९.५
कोल्हापूर---२७.९---२२.७
महाबळेश्‍वर---१९.८---१७.६
मालेगाव---२७.६---२१.४
नाशिक---२८.६---२२.१
निफाड---२७.७---२२.३
सांगली---२९.४---२२.४
सातारा---२८.७---२२.१
सोलापूर---३१.६---२२.८
सांताक्रूझ---३०.०---२७.२
डहाणू---३१.७---२५.७
रत्नागिरी---३०.०---२५.६
छत्रपती संभाजीनगर---२५.४---२१.४
धाराशिव---२७.६---२०.४
परभणी---२७.७---२३.०
परभणी (कृषी)---२७.५---२२.६
अकोला---२७.५---२४.१
अमरावती---२५.०---२१.८
भंडारा---२५.०---२२.०
बुलडाणा---२५.६---२२.६
ब्रह्मपुरी---२४.६---२३.०
चंद्रपूर---२४.८---२२.६
गडचिरोली---२५.६---२२.६
गोंदिया---२६.९---२३.५
नागपूर---२५.३---२३.६
वर्धा---२५.०---२३.५
वाशीम---२४.६---२०.४
यवतमाळ---२४.६---२२.०
जोरदार पावसाचा इशारा (ऑरेंज अलर्ट) :
नागपूर, भंडारा, गोंदिया, चंद्रपूर, गडचिरोली.
जोरदार पावसाचा इशारा (येलो अलर्ट) :
वर्धा.
विजांसह पावसाचा इशारा (येलो अलर्ट) :
जालना, परभणी, बुलडाणा, अकोला, अमरावती, वाशीम, यवतमाळ.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.