Maharashtra Rain: विदर्भात जोरदार पावसाचा अंदाज; मराठवाड्यातील काही भागातही मुसळधारेची शक्यता

Rain Update: राज्यातील काही भागात काल जोरदार पाऊस झाला. मात्र आज सकाळपासूनच बहुतांशी भागात पावसाची उघडीप होती. तर विदर्भात काही ठिकाणी पाऊस झाला.
Rain Forecast
Rain ForecastAgrowon
Published on
Updated on

थोडक्यात माहिती...

१. विदर्भात अमरावती, नागपूर, गडचिरोली आदी जिल्ह्यांत जोरदार पावसाचा अंदाज आहे.

२. मराठवाड्यात लातूर, नांदेड, धाराशिव जिल्ह्यांना येलो अलर्ट.

३. पुणे, कोल्हापूर, सोलापूर, सातारा, सांगली भागांत हलक्या सरींची शक्यता.

४. शुक्रवार व शनिवारसाठीही विदर्भात व मराठवाड्यात पावसाचा अलर्ट.

५. संपूर्ण राज्यात ढगाळ वातावरण, काही भागांत उघडीप तर काही ठिकाणी मुसळधार पावसाचा अंदाज.

Pune News: राज्यातील काही भागात काल जोरदार पाऊस झाला. मात्र आज सकाळपासूनच बहुतांशी भागात पावसाची उघडीप होती. तर विदर्भात काही ठिकाणी पाऊस झाला. हवामान विभागाने विदर्भासह राज्यातील काही भागात जोरदार पावसाची शक्यता व्यक्त केली. 

Rain Forecast
Vidarbha Rain Forecast: विदर्भात विजांसह पावसाचा अंदाज

उत्तर झारखंड, दक्षिण बिहार आणि परिसरावर ठळक कमी दाबाचे क्षेत्र सक्रिय आहे. ही प्रणाली उत्तर प्रदेशकडे सरकण्याची शक्यता आहे. उत्तर राजस्थान आणि परिसरावर तीव्र कमी दाबाचे क्षेत्र सक्रिय आहे. मॉन्सूनचा आस असलेला कमी दाबाचा पट्टा राजस्थानच्या बिकानेरपासून, तीव्र कमी दाबाचे केंद्र, हमीरपूर, झारखंडमधील कमी दाबाचे केंद्र ते आग्नेय बंगालच्या उपसागरापर्यंत सक्रिय आहे.

हवामान विभागाने आज विदर्भातील अमरावती, नागपूर, भंडारा, गोंदीया, चंद्रपूर आणि गडचिरोली जिल्ह्यात काही ठिकाणी जोरदार पावसाचा अंदाज व्यक्त केला. तर विदर्भातील इतर जिल्ह्यांमध्ये ढगाळ वातावरणासह हलक्या सरी पडतील, अशी शक्यता आहे. मराठवाड्यातील सर्व जिल्हे तसेच पुणे, सातारा, कोल्हापूर, सोलापूर आणि सांगली जिल्ह्यात काही ठिकाणी हलक्या पावसाचा अंदाजही हवामान विभागाने दिला. 

Rain Forecast
Paus Andaj: राज्यातील ११ जिल्ह्यांमध्ये मुसळधारेचा अंदाज; कोकण, मध्य महाराष्ट्रात आज जोरदार पावसाची शक्यता

उद्या विदर्भातील सर्वच जिल्ह्यांमध्ये काही ठिकाणी जोरदार पावसाची शक्यता आहे. बुलडाणा, अकोला, अमरावती, वाशीम, यवतमाळ, भंडारा, गोंदीया, गडचिरोली आणि चंद्रपूर जिल्ह्यात काही ठिकाणी जोरदार पावसाचा येलो अलर्ट हवामान विभागाने दिला. तसेच मराठवाड्यातील धाराशिव, लातूर आणि नांदेड जिल्ह्यातही काही ठिकाणी जोरदार पावसाचा येलो अलर्ट हवमान विभागाने दिला. मराठवाड्यातील इतर जिल्हे, पश्चिम महाराष्ट्र आणि कोकणात काही ठिकाणी ढगाळ वातावरणासह हलक्या पावसाचा अंदाज आहे. 

शुक्रवारी विदर्भातील अमरावती, नागपूर, भंडारा, गोंदीया, चंद्रपूर आणि गडिचिरोली जिल्ह्यात तर मराठवाड्यातील परभणी, हिंगोली आणि नांदेड तसेच कोल्हापूर सांगली जिल्ह्यात काही ठिकाणी जोरदार पावसाचा अंदाज हवामान विभागाने दिला. राज्याच्या इर भागात ढगाळ वातावरण राहून ठिकठिकाणी हलक्या सरी पडतील, अशी शक्यताही हवामान विभागाने व्यक्त केली.

शनिवारी विदर्भात पावसाची उघडीप राहण्याची शक्यता आहे. सोलापूर, धाराशिव, लातूर आणि नांदेड जिल्ह्यात काही ठिकाणी जोरदार पावसाचा येलो अलर्ट देण्यात आला. तर मराठवाड्यातील इतर जिल्हे, कोकण आणि मध्य महाराष्ट्रात काही ठिकाणी ढगाळ वातावरणासह हलक्या पावसाचा अंदाज हवामान विभागाने दिला. 

वारंवार विचारले जाणारे प्रश्न

१. विदर्भात पाऊस कुठे होणार आहे?
अमरावती, नागपूर, चंद्रपूर, गडचिरोली, भंडारा, गोंदीया आणि बुलडाणा जिल्ह्यांत पाऊस होणार आहे.

२. मराठवाड्यात कोणत्या जिल्ह्यांना पावसाचा इशारा आहे?
लातूर, धाराशिव, नांदेड आणि परभणी जिल्ह्यांत पावसाचा येलो अलर्ट आहे.

३. कोकणात पाऊस पडेल का?
हो, कोकणात ढगाळ वातावरण असेल आणि थोडा पाऊस होऊ शकतो.

४. शनिवार आणि रविवारचे हवामान कसे असेल?
शनिवारी विदर्भात पाऊस थांबू शकतो, पण मराठवाड्यात काही जिल्ह्यांत पावसाचा इशारा आहे.

५. पावसाचा शेतीवर काही परिणाम होईल का?
हो, जोरदार पावसामुळे काही भागात पेरण्या आणि उगवणीत अडथळा येऊ शकतो.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com