Rain Alert: पूर्व विदर्भात जोरदार पावसाचा इशारा

Maharashtra Rain Update: पूर्व विदर्भात तुफान पाऊस कोसळत असला, तरी उर्वरित राज्यात मात्र पावसाचा जोर काहीसा कमी आहे. आज (ता. १०) पूर्व विदर्भात अतिजोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे.

Rain AlertAgrowon

Published on:

10 Jul 2025, 6:00 am IST

Updated on:

10 Jul 2025, 6:00 am IST

Pune News: पूर्व विदर्भात तुफान पाऊस कोसळत असला, तरी उर्वरित राज्यात मात्र पावसाचा जोर काहीसा कमी आहे. आज (ता. १०) पूर्व विदर्भात अतिजोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. उर्वरित विदर्भासह, कोकण आणि मध्य महाराष्ट्राचा घाटमाथ्यावर तुरळक ठिकाणी जोरदार सरींची शक्यता असल्याने दक्षतेचा इशारा (येलो अलर्ट) हवामान विभागाने दिला आहे.

दक्षिण पश्चिम बंगाल आणि झारखंड परिसरावर कमी दाबाचे क्षेत्र सक्रिय असून, त्यापासून ७.६ किलोमीटर उंचीपर्यंत चक्राकार वारे वाहत आहेत. ही प्रणाली झारखंड आणि छत्तीसगडकडे सरकत आहे. मॉन्सूनचा आस असलेला कमी दाबाचा पट्टा अमृतसरपासून, चंडीगड, नजीबाबाद, शहाजहानपूर, कानपूर, दाल्तोंगंज कमी दाबाचे केंद्र ते ईशान्य बंगालच्या उपसागरापर्यंत सक्रिय आहे. अरबी समुद्रापासून दक्षिण गुजरात, उत्तर मध्य महाराष्ट्र, विदर्भ, दक्षिण छत्तीसगड, ओडिशा ते कमी दाबाच्या केंद्रापर्यंत आणखी एक कमी दाबाचा पट्टा सक्रिय आहे.

Monsoon Rain: विदर्भात २ दिवस मुसळधारेचा अंदाज; मराठवाडा, मध्य महाराष्ट्र, कोकणात पावसाचा जोर कमी होणार

बुधवारी (ता. ९) सकाळपर्यंतच्या २४ तासांत पूर्व विदर्भात पावसाने दाणादाण उडवून दिली आहे. नागपूर, गोंदिया, भंडारा, चंद्रपूर, वर्धा आणि गडचिरोली जिल्ह्यांत काही ठिकाणी १०० मिलिमीटरपेक्षा अधिक पाऊस झाल्याने अतिवृष्टीची नोंद झाली आहे. नागपूर जिल्ह्यातील उमरेड येथे २८४ मिलिमीटर, कुही येथे २२२, नागपूर येथे २०० मिलिमीटर पावसाची नोंद झाली. कोकण, मध्य महाराष्ट्राच्या घाटमाथ्यावर पावसाचा जोर कमी झाला आहे. उर्वरित राज्यात पावसाच्या हलक्या ते मध्यम सरी कोसळत आहेत. बुधवारी (ता. ९) धुळे येथील कृषी महाविद्यालयात येथे राज्यातील उच्चांकी ३१ अंश तापमानाची नोंदले गेले.

आज (ता. १०) पूर्व विदर्भातील नागपूर, भंडारा, गोंदिया, चंद्रपूर, गडचिरोली या जिल्ह्यांत जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. तर रायगड, रत्नागिरी, साताऱ्याचा घाटमाथा आणि वर्धा जिल्ह्यात जोरदार पावसाची शक्यता असल्याने, तसेच पश्चिम विदर्भातील बुलडाणा, अकोला, अमरावती, वाशीम, यवतमाळ या जिल्ह्यांत विजांसह पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे.

बुधवारी (ता. ९) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---२८.४---२२.७

अहिल्यानगर---२६.८---२१.७

‎‎धुळे---३१.०---२०.६

जळगाव---२९.३---२३.३

जेऊर---२८.०---२०.५

‎‎कोल्हापूर---२५.९---२२.६

‎महाबळेश्‍वर---१९.४---१७.६

Monsoon 2025: कोकण, घाटमाथा, विदर्भात जोरदार पावसाची शक्यता

मालेगाव---२७.६---२१.६

‎‎नाशिक---२७.२---२२.४