Pune News : ढगाळ हवामानामुळे राज्यातील किमान तापमानात वाढ झाली आहे. उत्तर महाराष्ट्रात तुरळक ठिकाणी पावसाच्या हलक्या थेंबांनी हजेरी लावली. राज्यात गारठा कमी होत उकाडा वाढल्याचे दिसून येत आहे. आजपासून (ता. १७) तापमानात चढ-उतार होण्याची शक्यता हवामान विभागाने वर्तविली आहे.
आग्नेय अरबी समुद्रामध्ये केरळच्या किनाऱ्यालगत चक्राकार वाऱ्यांची स्थिती तयार झाली आहे. उत्तर भारतात १४० नॉट्स वेगाने पश्चिमेकडील जोरदार वाऱ्यांचे झोत वाहत आहेत. उत्तरेकडील राज्यात दाट धुके आणि कडाक्याची थंडी कायम आहे. गुरुवारी (ता. १६) राजस्थानच्या नागौर येथे देशाच्या सपाट भूभागावरील नीचांकी ३.७ अंश सेल्सिअस तापमानाची नोंद झाली.
राज्याच्या गेले काही दिवस सकाळी उशिरापर्यंत धुके पाहायला मिळत आहे. ढगाळ हवामानामुळे झाल्याने थंडी पुन्हा गायब झाली. नाशिक जिल्ह्यात तुरळक ठिकाणी हलक्या सरींनी हजेरी लावली. उर्वरित राज्यात ढगाळ आकाशामुळे उकाड्यात वाढ झाली आहे. गुरुवारी (ता. १६) परभणी येथील वसंतराव नाईक मराठवाडा कृषी विद्यापीठात राज्यातील नीचांकी ११.४ अंश सेल्सिअस तापमानाची नोंद झाली.
गुरुवारी (ता. १६) सकाळपर्यंच्या २४ तासांत रत्नागिरी आणि सोलापूर येथे ३३ अंश सेल्सिअस तापमानाची नोंद झाली. आज (ता. १७) राज्यात अंशतः ढगाळ हवामान राहण्याचा तसेच किमान तापमानात २ ते ३ अंशांनी घट होण्याची शक्यता हवामान विभागाने वर्तविली आहे.
गुरुवारी (ता. १६) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---३०.२---१६.६
अहिल्यानगर---३०.०---१५.३
धुळे---३२.०---११.८
जळगाव---३०.४---१६.२
जेऊर---२८.५---१४.५
कोल्हापूर---२९.३---१९.९
महाबळेश्वर---२४.६---१४.८
मालेगाव---२७.२---१७.६
नाशिक---३१.०---१६.०
निफाड---२८.०---१४.८
सांगली---३०.६---२०.५
सातारा---२९.७---१६.०
सोलापूर---३३.०---२०.२
सांताक्रूझ---३०.४---१८.५
डहाणू---२८.९---१८.१
रत्नागिरी---३३.०---२१.६
छत्रपती संभाजीनगर---२९.०---१६.५
धाराशिव---निरंक---१७.०
परभणी---२८.५---१६.४
परभणी (कृषी)---२९.०---११.४
अकोला---३०.८---१७.४
अमरावती---२९.६---१५.१
भंडारा---३०.०---१५.०
बुलडाणा---२४.२---१८.०
ब्रह्मपुरी---३१.२---१६.०
चंद्रपूर---२९.४---निरंक
गडचिरोली---२८.६---१४.८
गोंदिया---२८.२---१६.५
नागपूर---२७.१---१६.२
वर्धा---२७.१---१६.२
वाशीम---२८.०---१८.८
यवतमाळ---२७.५---१८.०
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.