Pune News : नैर्ऋत्य मोसमी वाऱ्यांची (मॉन्सून) परतीची वाटचाल सुरू आहे. वाऱ्यांनी संपूर्ण राजस्थानसह गुजरातच्या काही भागांतून माघार घेतली आहे. दोन दिवसांत महाराष्ट्राच्या उत्तर भागातून मॉन्सून वारे परतण्यासाठी पोषक स्थिती असल्याचे हवामान विभागाने स्पष्ट केले आहे.
दीर्घकालीन सर्वसाधारण वेळेच्या आठ दिवस उशिराने सोमवारी (ता. २५) मॉन्सूनने राजस्थानमधून परतीच्या प्रवासाला सुरुवात केली. त्यानंतर शनिवारी (ता. ३०) राजस्थानच्या आणखी काही भाग, पंजाब, हरियाना, चंडीगड, दिल्लीसह, जम्मू- काश्मीर, हिमाचल प्रदेश, उत्तराखंड, पश्चिम उत्तर प्रदेश, पश्चिम मध्य प्रदेशातून मॉन्सून परतला होता.
परतीची वाटचाल सुरू ठेवत मंगळवारी (ता. ३) उत्तराखंड, पश्चिम उत्तर प्रदेश, पश्चिम मध्य प्रदेश, राजस्थानचा उर्वरित भाग आणि गुजरातच्या काही भागातून मॉन्सून परतला आहे. गुलमर्ग, धर्मशाला, मुक्तेश्‍वर, पिलीभीत, ओराई, अशोकनगर, इंदोर, बडोदा, पोरबंदरपर्यंत मॉन्सूनची परतीची सीमा असल्याचे हवामान विभागाने म्हटले आहे.
मॉन्सूनच्या माघारीस पोषक स्थिती असल्याने दोन दिवसांत जम्मू- काश्मीर, लडाख, हिमाचल प्रदेश, उत्तराखंड राज्ये, पश्चिम उत्तर प्रदेश, पश्चिम मध्य प्रदेश आणि गुजरातच्या संपूर्ण भागासह, पूर्व उत्तर प्रदेश, पूर्व मध्य प्रदेश आणि महाराष्ट्राच्या काही भागांतून मॉन्सून परतण्याची शक्यता हवामान विभागाने वर्तविली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.