Agriculture Advisory: महाराष्ट्रावर या आठवड्यात हवेच्या दाबात वाढ होऊन ते १००४ ते १००६ हेप्टापास्कल इतके अधिक राहण्याची शक्यता आहे. त्यामुळे राज्यातील बहुतांश भागात म्हणजेच उत्तर महाराष्ट्र, मराठवाडा, पश्चिम विदर्भ, मध्य विदर्भ, पूर्व विदर्भ आणि पश्चिम महाराष्ट्रात पावसात बराच काळ उघडीप राहून काही वेळा अल्प ते हलक्या पावसाची शक्यता राहील. हवामान बदल आणि त्या अनुषंगाने ऋतुचक्र बदल यामुळे कोकण तसेच पश्चिम महाराष्ट्रातील कोल्हापूर, सांगली, सातारा, पुणे जिल्ह्यातील काही भागांत सतत पाऊस झाला. या भागांत या आठवड्यात पावसात बराच काळ उघडीप राहण्यासह अल्प ते हलक्या पावसाची शक्यता राहील. अद्यापपर्यंत अपेक्षित पाऊस न झालेल्या भागात जुलै अखेर, ऑगस्ट आणि सप्टेंबर महिन्यात पाऊस जोर धरेल.
मॉन्सूनवर हवामान बदलाचा मोठा परिणाम होत आहे. त्यामुळे या वर्षी काही भागात अति पाऊस, तर काही भागात अत्यल्प पाऊस असे चित्र पाहायला मिळत आहे. उत्तर महाराष्ट्र, मराठवाडा, पश्चिम विदर्भ व पश्चिम महाराष्ट्रातील बहुतांशी जिल्ह्यांत वाऱ्याचा ताशी वेग अधिक राहील. त्यामुळे बाष्पीभवनाचा वेग वाढेल. जमिनीतील ओलावा झपाट्याने कमी होईल. पावसात उघडीप होताच पिकांवर कीड आणि रोगांचा प्रादुर्भाव वाढेल. त्यासाठी वेळीच पीक संरक्षणाचे उपाय करावेत.
हिंदी महासागराच्या पाण्याच्या पृष्ठभागाचे तापमान ३० अंश सेल्सिअस, प्रशांत महासागराच्या पाण्याच्या पृष्ठभागाचे तापमान पेरूजवळ १६ अंश सेल्सिअस, तर इक्वॅडोरजवळ २५ अंश सेल्सिअस राहील. त्यामुळे पावसातील उघडिपीनंतर चांगल्या पावसाची शक्यता निर्माण होईल.
कोकण
आज (ता.१३) दक्षिण कोकणातील सिंधुदुर्ग व रत्नागिरी जिल्ह्यांत ३६ ते ३८ मिमी, रायगड व ठाणे जिल्ह्यांत ३४ मिमी आणि पालघर जिल्ह्यात २० मिमी पावसाची शक्यता आहे. सर्वच जिल्ह्यात वाऱ्याची दिशा नैर्ऋत्येकडून राहील. वाऱ्याचा ताशी वेग सिंधुदुर्ग व रत्नागिरी जिल्ह्यांत ताशी १५ ते १६ किमी, तर रायगड व ठाणे जिल्ह्यांत ताशी १७ ते १८ किमी आणि पालघर जिल्ह्यात ताशी २२ किमी राहील. कमाल तापमान सिंधुदुर्ग जिल्ह्यात २७ अंश सेल्सिअस, रत्नागिरी, रायगड व ठाणे जिल्ह्यांत २५ अंश सेल्सिअस आणि पालघर जिल्ह्यात २६ अंश सेल्सिअस राहील. सर्वच जिल्ह्यात आकाश अंशतः ढगाळ राहील. कोकणातील सर्वच जिल्ह्यांत सकाळची सापेक्ष आर्द्रता ८७ ते ८९ टक्के राहील. दुपारची सापेक्ष आर्द्रता रत्नागिरी, रायगड, ठाणे व पालघर जिल्ह्यांत ७३ ते ७८ टक्के आणि सिंधुदुर्ग जिल्ह्यात ८१ टक्के राहील.
उत्तर महाराष्ट्र
आज (ता.१३) नाशिक व जळगाव जिल्ह्यांत ३ मिमी, तर धुळे व नंदूरबार जिल्ह्यांत ४ ते ५ मिमी पावसाची शक्यता आहे. सर्वच जिल्ह्यात वाऱ्याची दिशा नैर्ऋत्येकडून राहील. वाऱ्याचा ताशी वेग जळगाव व नंदूरबार जिल्ह्यांत ताशी २४ ते २६ किमी, तर धुळे व नाशिक जिल्ह्यांत ताशी २८ ते २९ किमी राहील. वाऱ्याचा ताशी वेग सामान्य वेगापेक्षा अधिक राहील. कमाल तापमान नाशिक जिल्ह्यात २८ अंश सेल्सिअस, नंदूरबार जिल्ह्यात ३० अंश सेल्सिअस, तर धुळे आणि जळगाव जिल्ह्यांत ३२ ते ३३ अंश सेल्सिअस राहील. किमान तापमान धुळे आणि नंदूरबार जिल्ह्यांत २५ अंश सेल्सिअस, तर जळगाव जिल्ह्यात २६ अंश सेल्सिअस राहील. सर्वच जिल्ह्यात आकाश अंशतः ढगाळ राहील. सकाळची सापेक्ष आर्द्रता ७५ ते ८५ टक्के, तर दुपारची सापेक्ष आर्द्रता ५० ते ६० टक्के राहील.
मराठवाडा
आज (ता.१३) धाराशिव, लातूर, नांदेड, परभणी व हिंगोली जिल्ह्यांत १ मिमी, तर जालना व छत्रपती संभाजीनगर जिल्ह्यांत २ मिमी इतक्या अल्पशा पावसाची शक्यता राहील. बीड जिल्ह्यात ३ मिमी पावसाची शक्यता आहे. मराठवाड्यात सर्वच जिल्ह्यांत बराच काळ पावसात उघडीप राहील. सर्वच जिल्ह्यात वाऱ्याची दिशा नैर्ऋत्येकडून राहील. वाऱ्याच्या ताशी वेगात वाढ होईल. नांदेड, परभणी, हिंगोली आणि जालना जिल्ह्यांत वाऱ्याचा ताशी वेग २३ ते २४ किमी, तर धाराशिव, लातूर, बीड व छत्रपती संभाजीनगर जिल्ह्यांत ताशी २६ ते २८ किमी राहील.
कमाल तापमान धाराशीव व बीड जिल्ह्यांत २९ अंश सेल्सिअस, तर लातूर व छत्रपती संभाजीनगर जिल्ह्यांत ३० अंश सेल्सिअस राहील. जालना जिल्ह्यात कमाल तापमान ३१ अंश सेल्सिअस, तर नांदेड, परभणी व हिंगोली जिल्ह्यांत ३२ अंश सेल्सिअस राहील. किमान तापमान धाराशिव, लातूर, बीड आणि छत्रपती संभाजीनगर जिल्ह्यांत २४ अंश सेल्सिअस, तर नांदेड, परभणी, हिंगोली व जालना जिल्ह्यांत २५ अंश सेल्सिअस राहील. सर्वच जिल्ह्यात आकाश अंशतः ढगाळ राहील. सर्वच जिल्ह्यात सकाळची सापेक्ष आर्द्रता ७१ ते ७६ टक्के, तर दुपारची सापेक्ष आर्द्रता ५० ते ५४ टक्के राहील.
पश्चिम विदर्भ
आज (ता.१३) अकोला जिल्ह्यात १ मिमी, तर बुलडाणा व वाशीम जिल्ह्यांत ४ ते ४.५ मिमी आणि अमरावती जिल्ह्यात ५ मिमी पावसाची शक्यता आहे. सर्वच जिल्ह्यात वाऱ्याची दिशा नैर्ऋत्येकडून राहील. वाऱ्याचा ताशी वेग सर्वच जिल्ह्यात ताशी २१ ते २३ किमी राहील. कमाल तापमान बुलडाणा, वाशीम व अमरावती जिल्ह्यांत ३२ अंश सेल्सिअस, तर अकोला जिल्ह्यात ३३ अंश सेल्सिअस राहील. कमाल तापमान बुलडाणा जिल्ह्यात २५ अंश सेल्सिअस, तर अकोला जिल्ह्यात २६ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ७५ ते ८४ टक्के, तर दुपारची सापेक्ष आर्द्रता ५० ते ५५ टक्के राहील.
मध्य विदर्भ
आज (ता.१३) यवतमाळ जिल्ह्यात १ मिमी, वर्धा व नागपूर जिल्ह्यांत ३ ते ५ मिमी पावसाची शक्यता आहे. वाऱ्याची दिशा नैर्ऋत्येकडून राहील. वाऱ्याचा ताशी वेग १६ ते २० किमी राहील. कमाल तापमान नागपूर जिल्ह्यात ३२ अंश सेल्सिअस, तर यवतमाळ व वर्धा जिल्ह्यांत ३३ अंश सेल्सिअस राहील. किमान तापमान सर्वच जिल्ह्यांत २६ अंश सेल्सिअस राहील. सर्वच जिल्ह्यात आकाश ढगाळ राहील. सकाळची सापेक्ष आर्द्रता यवतमाळ व वर्धा जिल्ह्यांत ७५ टक्के, तर नागपूर जिल्ह्यात ८३ टक्के राहील. सर्वच जिल्ह्यात दुपारची सापेक्ष आर्द्रता ५० ते ५८ टक्के राहील.
पूर्व विदर्भ
आज (ता.१३) चंद्रपूर व गडचिरोली जिल्ह्यांत १.५ ते ३.३ मिमी, तर भंडारा व गोंदिया जिल्ह्यांत १० मिमी पावसाची शक्यता आहे. वाऱ्याची दिशा सर्व जिल्ह्यांत नैर्ऋत्येकडून राहील. वाऱ्याचा ताशी वेग गडचिरोली व गोंदिया जिल्ह्यांत ताशी १० किमी, तर चंद्रपूर व भंडारा जिल्ह्यांत ताशी १२ ते १५ किमी राहील. कमाल तापमान गडचिरोली आणि गोंदिया जिल्ह्यांत ३१ अंश सेल्सिअस, तर भंडारा आणि चंद्रपूर जिल्ह्यात ३२ ते ३३ अंश सेल्सिअस राहील. किमान तापमान गडचिरोली, भंडारा व गोंदिया जिल्ह्यांत २५ अंश सेल्सिअस, तर चंद्रपूर जिल्ह्यात २६ अंश सेल्सिअस राहील. सर्वच जिल्ह्यात आकाश अंशतः ढगाळ राहील. सकाळची सापेक्ष आर्द्रता चंद्रपूर जिल्ह्यात ७.७ टक्के, गडचिरोली व भंडारा जिल्ह्यांत ८५ ते ८७ टक्के, तर गोंदिया जिल्ह्यात ९० टक्के राहील. सर्वच जिल्ह्यात दुपारची सापेक्ष आर्द्रता ६२ ते ६६ टक्के राहील.
पश्चिम महाराष्ट्र
आज (ता. १३) सोलापूर जिल्ह्यात अत्यल्प ०.२ मिमी, अहिल्यानगर जिल्ह्यात १.४ मिमी, सांगली जिल्ह्यात १.७ मिमी, सातारा जिल्ह्यात २.६ मिमी, पुणे जिल्ह्यात ४ मिमी आणि कोल्हापूर जिल्ह्यात ६ मिमी पावसाची शक्यता आहे. सर्वच जिल्ह्यांत वाऱ्याची दिशा नैर्ऋत्येकडून राहील. या आठवड्यापासून सर्वच जिल्ह्यांत वाऱ्याचा ताशी वेग वाढेल. वाऱ्याचा ताशी वेग कोल्हापूर व सातारा जिल्ह्यांत ताशी २० ते २२ किमी, पुणे जिल्ह्यात ताशी २६ किमी, तर सोलापूर व अहिल्यानगर जिल्ह्यांत ताशी २९ किमी आणि सांगली जिल्ह्यात ताशी ३१ किमी राहील. कमाल तापमान कोल्हापूर व सातारा जिल्ह्यांत २४ अंश सेल्सिअस, तर पुणे व सांगली जिल्ह्यांत २७ अंश सेल्सिअस आणि अहिल्यानगर जिल्ह्यात २९ अंश सेल्सिअस राहील. किमान तापमान कोल्हापूर, सांगली, सातारा, पुणे व अहिल्यानगर जिल्ह्यांत २२ ते २४ अंश सेल्सिअस, तर सोलापूर जिल्ह्यात २५ अंश सेल्सिअस राहील. आकाश अंशतः ढगाळ राहील. सर्वच जिल्ह्यात सकाळची सापेक्ष आर्द्रता ७५ ते ९१ टक्के, तर दुपारची सापेक्ष आर्द्रता ५० ते ६४ टक्के राहील.
कृषी सल्ला
खरीप पिकाच्या पेरण्या १५ जुलैपर्यंत पूर्ण कराव्यात. आंतरपीक लागवडीवर भर द्यावा.
पेरणी केलेल्या क्षेत्रात उगवण झाली नसल्यास बियाणे टोकावे. दाट उगवण झालेल्या ठिकाणी विरळणी करावी.
पावसाळ्यात गोठ्यात पाणी साचून माश्या, डासांचा प्रादुर्भाव वाढू शकतो. त्यासाठी गोठ्यात पाणी साचणार नाही याची काळजी घ्यावी.
शेळ्यांना जंतनाशकाची मात्रा द्यावी.
(ज्येष्ठ कृषी हवामान तज्ज्ञ, सदस्य, ॲग्रिकल्चर मेटरॉलॉजी फोरम फॉर साउथ आशिया)
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
