Pune News: राज्यात थंडीचा कडाका चांगलाच वाढला आहे. उत्तरेकडून शीत लहरी महाराष्ट्रात धडकत आहेत. त्यामुळे किमान तापमानात घट झाली आहे. पुढील दोन दिवस मध्य महाराष्ट्रासह मराठवाडा आणि विदर्भात थंडीची लाट कायम राहणार असल्याचा अंदाज हवामानशास्त्र विभागाने व्यक्त केला आहे. .आज मध्य महाराष्ट्रातील धुळे, नंदुरबार, जळगाव, नाशिक, अहिल्यानगर, सोलापूर आणि पुणे जिल्ह्यात काही ठिकाणी थंडीच्या लाटेचा इशारा देण्यात आला आहे. तर मराठवाड्यातील छत्रपती संभाजीनगर, जालना, बीड, हिंगोली, नांदेड, लातूर जिल्ह्यात आणि विदर्भातील गोंदिया, नागपूर, वर्धा आणि यवतमाळ जिल्ह्यात काही ठिकाणी थंडीच्या लाटेचा इशारा वर्तवण्यात आला आहे. तर उर्वरित राज्यात हुडहुडी कायम राहण्याचा अंदाज हवामानशास्त्र विभागाने दिला आहे..Cold Wave : राज्यात थंडीची लाट कायम; मध्य महाराष्ट्र, मराठवाडा, विदर्भात थंडी कशी राहील?.उत्तर भारतात थंडीची तीव्र लाट कायम आहे. मागील चोवीस तासात देशातील निच्चांकी ४ अंश सेल्सियस तापमानाची नोंद पंजाबमधील आदमापूर येथे झाली. तर राज्यात रत्नागिरी येथे उच्चांकी ३४.२ अंश सेल्सियस तापमानाची नोंद झाली. तसेच राज्यात मागील चोवीस तासात जेऊर येथे निच्चांकी ५.५ अंश सेल्सियस तापमानाची नोंद झाली..Cold Wave: राज्यात १० दिवस थंडीचा कडाका; पुढील २ दिवस थंडीच्या लाटेचा इशारा.पुढील ४ ते ५ दिवस कमाल तापमानात मोठा बदल होण्याची शक्यता नाही. परंतु पुढील ४८ तासात किमान तापमानात १ ते २ अंशांची घट राहून त्यानंतर २ ते ३ अंश सेल्सिअसने किमान तापमानात वाढ होण्याची शक्यता हवामानशास्त्र विभागाने वर्तवली आहे..उद्या विदर्भातील गोंदिया, नागपूर, वर्धा तसेच छत्रपती संभाजीनगर, जालना, बीड, हिंगोली, नांदेड, लातूर आणि मध्य महाराष्ट्रातील जळगाव, नाशिक, अहिल्यानगर, सोलापूर जिल्ह्यांना थंडीच्या लाटेचा म्हणजेच सतर्कतेचा इशारा हवामानशास्त्र विभागाने दिला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
