Pune News : राज्याच्या किमान तापमानात घट झाल्याने तुरळक ठिकाणी थंडीची लाट आली आहे. उर्वरित राज्यात गारठा वाढला आहे. राज्याच्या किमान तापमानात हळूहळू वाढ होण्याची शक्यता असली, तरी थंडी कायम राहण्याचा अंदाज हवामान विभागाने वर्तविला आहे. दिवसाच्या कमाल तापमानात चढ-उतार होण्याची शक्यता आहे..उत्तर भारतात थंडी कमी - अधिक होत असून, शुक्रवारी (ता. १९) मध्य प्रदेशातील शिवपुरी येथे देशाच्या सपाट भूभागावरील नीचांकी ४ अंश किमान तापमानाची, तर सकाळी ८.३० पर्यंतच्या २४ तासांमध्ये केरळच्या कोट्टायम येथे देशातील उच्चांकी ३६.६ अंश सेल्सिअस तापमानाची नोंद झाली. रत्नागिरी येथे राज्यातील उच्चांकी ३५.५ अंश सेल्सिअस तापमान नोंदले गेले..Maharashtra Cold Wave: राज्यात थंडी पुन्हा वाढली; निफाड येथे निचांकी ५.५ अंश सेल्सिअस तापमानाची नोंद.शुक्रवारी (ता. १९) निफाड येथील गहू संशोधन केंद्रात राज्यातील नीचांकी ५.४ अंश सेल्सिअस तापमानाची नोंद झाली. धुळे येथील कृषी महाविद्यालयात ५.६ अंश सेल्सिअस, जेऊर येथे ५.५ अंश सेल्सिअस, तर परभणी येथील वसंतराव नाईक मराठवाडा कृषी विद्यापीठात ६ अंश सेल्सिअस तापमानाची नोंद झाली. तसेच अहिल्यानगर, जळगाव, मालेगाव, नाशिक, गोंदिया येथे ८ अंशांपेक्षा कमी, पुणे, नागपूर येथे ९ अंशांपेक्षा कमी, सातारा, अमरावती, भंडारा येथे १० अंश व त्यापेक्षा कमी तापमानाची नोंद झाली..किमान तापमानाचा पारा १० अंशांच्या खाली आल्यास तसेच तापमानात सरासरीच्या तुलनेत ४.५ अंशांची घट झाल्यास थंडीची लाट, तर तापमानात ६.५ अंशांपेक्षा अधिक घट झाल्यास तीव्र लाट आल्याचे समजले जाते. शुक्रवारी (ता. १९) निफाड, धुळे, जेऊर, बीड आणि परभणी येथे थंडीच्या लाटेची स्थिती होती. उर्वरित राज्यात थंडी कमी-अधिक होत आहे. आज (ता. २०) राज्यात गारठा कायम राहण्याची शक्यता हवामान विभागाने वर्तविली आहे..Cold Wave: थंडीचा कडाका काही भागात वाढला; राज्यातील थंडी काही दिवस टिकून राहण्याची शक्यता.शुक्रवारी (ता. १९) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)ठिकाणे---तापमान कमाल---तापमान किमानपुणे---३०.१---८.३अहिल्यानगर---३१.१---७.३धुळे---२९.५---५.६जळगाव---२९.५---७.५जेऊर---३२.५---५.५कोल्हापूर---३०.७---१४.४महाबळेश्वर---२७.२---१२.५मालेगाव---२७.४---८.०.नाशिक---२९.७---७.४निफाड---२९.९---५.४सांगली---३१.७---१२.३सातारा---३२.७---१०.०सोलापूर---३३.५---१२.६सांताक्रूझ---३४.१---१६.०डहाणू---२९.९---१४.८रत्नागिरी---३५.५---१६.५.छत्रपती संभाजीनगर---३१.६---१०.८धाराशिव---३१.०---१०.४परभणी---३०.२---११.२परभणी (कृषी)---२८.७---६.०अकोला---३१.८---१०.४अमरावती---३३.२---९.८भंडारा---३०.०---१०.०बुलडाणा---३१.०---१२.०.ब्रह्मपुरी---३१.८---११.२चंद्रपूर---३१.०---१२.२गडचिरोली---३०.२---१०.६गोंदिया---२८.२---८.०नागपूर---३०.६---८.५वर्धा---३१.५---१०.८वाशीम---३१.२---१०.८यवतमाळ---३१.४---१०.२.सरासरी तापमान (अंश से.)विभाग---किमान---कमालउत्तर महाराष्ट्र---५.४---३१.१पश्चिम महाराष्ट्र---५.५---३३.५मराठवाडा---६.०---३१.६विदर्भ---८.०---३३.२कोकण---१४.८---३५.५राज्यात थंडीची लाट असलेली ठिकाणे :निफाड ५.४, धुळे ५.६, जेऊर ५.५, परभणी (कृषी) ६.०.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
