Pune News: राज्यातील थंडी टिकून आहे. अनेक भागातील तापमानात आज काहीशी घट दिसून आली होती. पुढील काही दिवस तापमानात चढ उतार दिसू शकतात, मात्र थंडीही कायम राहील, असा अंदाज हवामान विभागाने दिला आहे..राज्यातील किमान तापमानात मागील काही दिवसांपासून चढ उतार दिसत आहेत. उत्तर भारतातून येणाऱ्या थंड वाऱ्यांच्या प्रवाहात देखील बदल दिसत आहेत. याचा परिणाम राज्यातील थंडीवर जाणवत आहे. राज्यातील काही ठिकाणी तापमान १० अंशाच्या खाली टिकून आहे. आज निफाड येथील गहू संशोधन केंद्रात ६.८ अंश सेल्सिअस तापमानाची नोंद झाली होती. निफाडसह इतर ठिकाणी तापमानात कालच्या तुलनेत आज घट झाली होती..Maharashtra Winter Weather: गुलाबी थंडीने नवर्षाचे स्वागत होणार.मध्य महाराष्ट्रातील अनेक भागात थंडी कायम आहे. अहिल्यानगर येथे ८.४ अंश सेल्सिअस तापमानाची नोंद झाली होती. तर जेऊर येथे ८.५ अंश तर गोंदीया आणि नागपूर येथे ८.६ तसेच यवतमाळ येथे ८.८ अंशाची नोंद झाली होती..Maharashtra Cold Wave: हरियानात थंडीची लाट; राज्यातील बहुतांशी भागात किमान तापमानातील चढ उतार कायम.याव्यतिरिक्त गडचिरोली आणि नाशिक येथेही १० अंशाच्या खाली तापमान होते. राज्यातील अनेक भागात किमान तापमान १० ते १२ अंशाच्या दरम्यान दिसत आहे..उत्तर भारतातील मध्य प्रदेश, राजस्थान, हरियाना, पंजाब या राज्यांमध्ये थंडी कायम आहे. मध्य प्रदेशात सातत्याने देशातील निचांकी तापमानाची नोंद होत आहे. आजही मध्य प्रदेशातील नाऊगाॅंग येथे देशातील निचांची ३ अंश सेल्सिअस तापमानाची नोंद झाली होती. उत्तर भारतातून थंडी वाऱ्यांचे प्रवाह कायम राहण्याची शक्यता आहे. त्यामुळे राज्यात काही दिवस थंडी कायम राहू शकते, असा अंदाज हवामान विभागाने दिला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
