Maharashtra Rain : कोकणात काही ठिकाणी पावसाची शक्यता: राज्यात गारवा वाढला

Rain Alert : राज्यात बहुतांशी भागात थंडी जाणवत आहे. राज्यातील काही ठिकाणी पावाचा शिडकावा झाला. पण जोरदार पावसाची नोंद नाही. हवामान विभागाने आजही राज्यातील काही भागात पावसाचा अंदाज दिला.

हवामान विभागाने आज राज्यातील काही भागात हलक्या पावसाची शक्यता व्यक्त केली. सिंधुदूर्ग आणि कोल्हापूर जिल्ह्यात काही ठिकाणी विजा आणि ढगांच्या गडगडाटासह हलक्या पावसाचा येलो अलर्ट हवामान विभागाने दिला. यावेळी ३० ते ४० किलोमीटर प्रतितास वेगाने वारे वाहू शकतात, असही अंदाज आहे. तर रत्नागिरी आणि सातारा जिल्ह्यात काही ठिकाणी विजांसह हलक्या सरी पडतील, असा अंदाज आहे.

हिमाचल प्रदेश आणि शेजारच्या भागात पश्चिमी विक्षोप चक्राकार वाऱ्याची स्थिती आहे. ही स्थिती समुद्रसापाटीपासून ५.८ किलोमीटर उंचीवर आहे. आग्नेय अरबी समुद्र आणि शेजारच्या कोकण आणि गुजरात किनारपट्टीलगत चक्राकार वाऱ्याची स्तिती आहे. ही स्थिती समुद्र सपाटीपासून ३.१ किलोमीटर उंचीवर आहे. त्यामुळे काही भागात पाऊस पडत आहे.