Maharashtra Weather News : महाराष्ट्रावर आज (ता. ३०)पासून गुरुवार (ता. ३)पर्यंत उत्तर भागावर १००२ हेप्टापास्कल, तर दक्षिणेकडील भागावर १००६ हेप्टापास्कल इतका हवेचा दाब राहील. त्यामुळे या आठवड्यात उत्तरेकडील भागावर मध्यम, तर मध्य आणि दक्षिण भागावर हलक्या ते अल्प स्वरूपाच्या पावसाची शक्यता राहील.
शुक्रवार (ता. ४) आणि शनिवारी (ता. ५) महाराष्ट्राच्या उत्तर भागावर १००४ हेप्टापास्कल, मध्य भागावर १००६ हेप्टापास्कल इतका हवेचा दाब राहील. त्यामुळे महाराष्ट्रात पावसाचे प्रमाण अल्प राहील. या आठवड्यात बंगालच्या उपसागराचे उत्तरेस हवेच्या कमी दाबाचे क्षेत्र कायम राहील. त्यामुळे आठवडाभर बंगालच्या उपसागराची शाखा कार्यरत राहील. त्यातूनच हलक्या ते मध्यम स्वरूपाचा पाऊस होत राहील.
कोकणातही पावसाचा जोर कमी होईल. आठवडाभर हवामान ढगाळ राहील. या आठवड्यात कोकण, उत्तर महाराष्ट्र, पश्‍चिम महाराष्ट्र, मराठवाडा व विदर्भात वाऱ्याच्या ताशी वेगात वाढ होईल. त्यामुळे बाष्पीभवनाचा वेग वाढेल. सकाळची व दुपारची सापेक्ष आर्द्रता समान राहील. किमान व कमाल तापमानातही अल्प फरक राहील. वाऱ्याची दिशा नैर्ऋत्येकडून राहील.
अरबी समुद्राचे तापमान २९ अंश सेल्सिअस, बंगालच्या उपसागराचे तापमान ३०.७ अंश सेल्सिअस, तर हिंदी महासागर व प्रशांत महासागराच्या पाण्याच्या पृष्ठभागाचे तापमान ३१ अंश सेल्सिअस राहील. यावरून सध्यातरी तरी ‘एल निनो’चा प्रभाव वाढलेला दिसत नाही.
कोकण ः
आज (ता. ३०) सिंधुदुर्ग, रायगड, ठाणे जिल्ह्यांत ३० ते ३५ मि.मी., तर रत्नागिरी जिल्ह्यात ४२ मि.मी. आणि पालघर जिल्ह्यात २३ मि.मी. पावसाची शक्यता आहे. उद्या (ता. ३१) रायगड व ठाणे जिल्ह्यांत ४० मि.मी. व रत्नागिरी जिल्ह्यात २८ मि.मी. पावसाची शक्यता आहे. वाऱ्याची दिशा सिंधुदुर्ग व रत्नागिरी जिल्ह्यांत वायव्येकडून तर रायगड, ठाणे व पालघर जिल्ह्यांत नैर्ऋत्येकडून राहील. कमाल तापमान सर्वच जिल्ह्यांत २८ अंश सेल्सिअस, तर किमान तापमान २५ अंश सेल्सिअस राहील. आकाश अंशतः ढगाळ राहील. सर्वच जिल्ह्यांत सकाळची सापेक्ष आर्द्रता ८४ टक्के राहील, तर दुपारची सापेक्ष आर्द्रता ८३ टक्के राहील.
उत्तर महाराष्ट्र ः
आज (ता. ३०) नाशिक, धुळे व जळगाव जिल्ह्यांत ४ मि.मी., तर नंदुरबार जिल्ह्यात ७ मि.मी. पावसाची शक्यता आहे. उद्या (ता.३१) धुळे व नाशिक जिल्ह्यांत ४ ते ५ मि.मी, तर नंदूरबार व जळगाव जिल्ह्यांत ७ मि. मी. पावसाची शक्यता आहे. वाऱ्याची दिशा नैर्ऋत्येकडून राहील. वाऱ्याचा ताशी वेगात वाढ होईल. वाऱ्याचा ताशी वेग १७ ते २४ कि.मी. राहील. सर्वच जिल्ह्यांत कमाल तापमान २९ अंश सेल्सिअस, तर किमान तापमान २५ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ७६ ते ७८ टक्के, तर दुपारची सापेक्ष आर्द्रता ७२ टक्के राहील.
मराठवाडा ः
आज (ता. ३०) धाराशिव, लातूर, बीड, परभणी, हिंगोली, जालना व छत्रपती संभाजीनगर जिल्ह्यांत १ ते ३ मि.मी., तर नांदेड जिल्ह्यात ४ मि.मी. पावसाची शक्यता आहे. उद्या (ता. ३१) नांदेड व जालना जिल्ह्यांत ६ मि.मी., तर उर्वरित सर्व जिल्ह्यांत १ ते ३ मि.मी. पावसाची शक्यता आहे. या आठवड्यात पावसाचे प्रमाण कमी राहण्याची शक्यता राहील. कमाल तापमान नांदेड, परभणी व जालना जिल्ह्यांत २९ अंश सेल्सिअस, तर धाराशिव, छत्रपती संभाजीनगर, लातूर, बीड, हिंगोली जिल्ह्यांत २८ अंश सेल्सिअस राहील. आकाश अंशत: ढगाळ राहील. सकाळची सापेक्ष आर्द्रता सर्वच जिल्ह्यांत ७२ ते ८० टक्के, तर दुपारची सापेक्ष आर्द्रता ६८ ते ७८ टक्के राहील. वाऱ्याचा ताशी वेग १८ ते २२ कि.मी. राहील. त्यामुळे बाष्पीभवनाचा वेग वाढेल. वाऱ्याची दिशा नैर्ऋत्येकडून राहील.
पश्‍चिम विदर्भ ः
बुलडाणा, अकोला, वाशीम व अमरावती जिल्ह्यांत आज (ता. ३०) २ ते ३ मि.मी., तर उद्या (ता. ३१) ५ ते १० मि.मी. पावसाची शक्यता आहे. वाऱ्याची दिशा नैर्ऋत्येकडून राहील. वाऱ्याचा ताशी
वेग १६ ते १८ कि. मी. राहील. सर्वच जिल्ह्यांत कमाल तापमान २९ अंश सेल्सिअस, तर किमान तापमान २४ अंश सेल्सिअस राहील. आकाश अंशत: ढगाळ राहील. सकाळची सापेक्ष आर्द्रता ७८ ते ८७ टक्के, तर दुपारची सापेक्ष आर्द्रता ७६ ते ८० टक्के राहील.
मध्य विदर्भ ः
आज (ता.३०) यवतमाळ, वर्धा, नागपूर जिल्ह्यांत २ ते ४ मि.मी., तर उद्या (ता. ३१) यवतमाळ व वर्धा जिल्ह्यांत ११ ते १२ मि.मी. व नागपूर जिल्ह्यात ३१ मि. मी. पावसाची शक्यता आहे. वाऱ्याची दिशा वायव्येकडून आणि ताशी वेग १६ ते २० किमी राहील. कमाल तापमान सर्वच जिल्ह्यांत २९ अंश सेल्सिअस, तर किमान तापमान २४ अंश सेल्सिअस राहील. आकाश अंशत: ढगाळ राहील. सकाळची सापेक्ष आर्द्रता ८१ ते ८७ टक्के तर दुपारची सापेक्ष आर्द्रता ७८ ते ८४ टक्के राहील.
पूर्व विदर्भ ः
आज (ता. ३०) चंद्रपूर जिल्ह्यात ७ मि.मी., गडचिरोली जिल्ह्यात १८ मिमी., गोंदिया जिल्ह्यात २१ मि.मी. आणि भंडारा जिल्ह्यात २८ मिमी. पावसाची शक्यता आहे.
उद्या (ता.३१) चंद्रपूर जिल्ह्यात २३ मि.मी., गडचिरोली जिल्ह्यात २९ मि.मी., गोंदिया जिल्ह्यात ३१ मि.मी. आणि भंडारा जिल्ह्यात ४४ मि.मी. पावसाची शक्यता आहे. वाऱ्याची दिशा नैर्ऋत्येकडून आणि ताशी वेग १२ ते १६ किमी राहील. कमाल तापमान सर्वच जिल्ह्यांत २८ ते २९ अंश सेल्सिअस, तर किमान तापमान २४ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८० ते ८७ टक्के, तर दुपारची सापेक्ष आर्द्रता ७६ ते ८० टक्के राहील.
पश्‍चिम महाराष्ट्र ः
आज (ता. ३०) कोल्हापूर जिल्ह्यात ६ मि.मी., सातारा व पुणे जिल्ह्यांत ४ ते ५ मि.मी., तर सांगली, सोलापूर जिल्ह्यांत ३ मि.मी. व नगर जिल्ह्यात १.६ मि.मी. पावसाची शक्यता आहे. उद्या (ता.३१) कोल्हापूर जिल्ह्यात ५ मि.मी., सातारा व पुणे जिल्ह्यांत ४ ते ५ मि.मी., तर सोलापूर, सांगली व नगर जिल्ह्यांत २ ते ३ मि.मी. पावसाची शक्यता आहे. सर्वच जिल्ह्यांत आकाश पूर्णतः ढगाळ राहील. कमाल तापमान सोलापूर जिल्ह्यात २९ अंश सेल्सिअस, सांगली जिल्ह्यात २६ अंश सेल्सिअस, तर पुणे, नगर, सातारा व कोल्हापूर जिल्ह्यांत २४ ते २५ अंश सेल्सिअस राहील. किमान तापमान सर्वच जिल्ह्यांत २३ ते २४ अंश सेल्सिअस राहील. सकाळची सापेक्ष आर्द्रता ८० ते ९० टक्के, तर दुपारची सापेक्ष आर्द्रता ७२ ते ८० टक्के राहील.
कृषी सल्ला ः
- मूग, उडीद पिकांत हेक्टरी रोपांची संख्या योग्य राखण्यासाठी विरळणी करावी.
- आवश्यकतेनुसार पिकांमध्ये कोळपणीची कामे करावीत.
- पिकांचे निरीक्षण करून आवश्यकतेनुसार कीड-रोग नियंत्रण करावे.
- गोठ्यातील जनावरे आणि कुक्कुटपक्ष्यांना रोगप्रतिबंधात्मक लसीकरण करावे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.